70 ປີແຫ່ງການເຕີບໃຫຍ່ຂະຫຍາຍຕົວກອງທັບປະຊາຊົນລາວ

70 ປີແຫ່ງການເຕີບໃຫຍ່ຂະຫຍາຍຕົວກອງທັບປະຊາຊົນລາວ - advert banner 728 90 728x90 - 70 ປີແຫ່ງການເຕີບໃຫຍ່ຂະຫຍາຍຕົວກອງທັບປະຊາຊົນລາວ

ໂດຍ: ທິດກ່ຳ

ເມື່ອເອີ່ຍເຖິງພາລະກິດ ຂອງກອງທັບປະຊາຊົນລາວ ແມ່ນສຸດທີ່ມີບຸນຄຸນຕໍ່ປະເທດ ຊາດບ້ານເມືອງ, ຄວາມຈິງ ແລ້ວ, ປະເທດຊາດບ້ານເມືອງ ຂອງພວກເຮົາຈະມີຄວາມ ໝັ້ນຄົງສະຫງົບສຸກຮົ່ມເຢັນ ແລະ ຍືນຍົງຄົງຕົວມາຮອດ ປັດຈຸບັນນີ້, ກໍຍ້ອນມີທະຫານ, ມີກອງທັບທີ່ແຂງແກ່ນແໜ້ນໜຽວໃນການປົກປ້ອງມາຕຸ ພູມຂອງຕົນ. ເພາະສະນັ້ນ, ຈຶ່ງເວົ້າໄດ້ວ່າເຫລົ່າທະຫານ ເປັນຮົ້ວຂອງຊາດ.

ຕະຫລອດໄລຍະ 70 ປີຜ່ານມາ, ພາລະກິດຂອງ ກອງທັບປະຊາຊົນລາວແມ່ນໄດ້ ເຕີບໃຫຍ່ ແລະ ຂະຫຍາຍ ຕົວ ໃນຂະບວນການຕໍ່ສູ້ ປະຕິວັດ ທີ່ລະອິດລະອ້ຽວລຳ ບາກກາກກຳ, ຍືດເຍື້ອຍາວ ນານ ແລະ ຂ້ຽວຂາດທີ່ສຸດ.

ໃນພຶດຕິກຳຕົວຈິງ, ຖ້າ ເວົ້າເຖິງຂະບວນການຕໍ່ສູ້ຕ້ານກັບສັດຕູຜູ້ຮຸກຮານກໍ ຕ້ອງໄດ້ຄິດໄລ່ມາແຕ່ຍຸກການ ຕໍ່ສູ້ຂອງເຈົ້າອານຸວົງ ທີ່ມີນ້ຳໃຈເດັດດ່ຽວນຳພາ ເຫລົ່າທະຫານກ້າທີ່ຮັກຊາດ ຕີຕ້ານກັບສັດຕູຜູ້ມາບຽດຢຶດ ແລະ ຮຸກຮານ.

ໝົດເຊັ່ນເຈົ້າອານຸວົງ ແລ້ວພັດມາຕໍ່ໃສ່ຍຸກຕ້ານກັບຈັກກະພັດລ່າເມືອງຂຶ້ນແບບເກົ່າ ແລະ ແບບໃໝ່. ຄຳ ວ່າລັດທິລ່າເມືອງຂຶ້ນແບບ ເກົ່ານັ້ນກໍແມ່ນການຢຶດຄອງ ຮຸກຮານຂອງຈັກກະພັດຝຣັ່ງ.

ສ່ວນລັດທິລ່າເມືອງຂຶ້ນ ແບບໃໝ່ນັ້ນກໍແມ່ນຈັກກະພັດອາເມລິກາທີ່ມາກໍ່ສົງຄາມ ແລະ ເອົາລະເບີດມາຖິ້ມ ໃສ່ປະເທດລາວ.

ຕະຫລອດໄລຍະການຕໍ່ສູ້ກັບສັດຕູຜູ້ຮຸກຮານກອງທັບແນວລາວອິດສະຫລະ, ກອງທັບປົດປ່ອຍປະຊາຊົນລາວໃນເມື່ອກ່ອນ ແລະ ກອງ ທັບປະຊາຊົນລາວໃນປັດຈຸ ບັນໄດ້ເຕີບໃຫຍ່ຂະຫຍາຍ ຕົວໃນຂະບວນການຕໍ່ສູ້ທີ່ ເອົາເປັນເອົາຕາຍ.

ບັນດາສະຫາຍນັກຮົບ ປະຕິວັດຂອງກອງທັບປະຊາຊົນລາວໄດ້ເສຍສະຫລະເລືອດເນື້ອເຫື່ອໄຄເອົາຊີວິດ ເປັນເດີມພັນ ຈຶ່ງໄດ້ມາເຊິ່ງ ເອກະລາດແຫ່ງຊາດ ແລະ ຍືນຍົງຄົງຕົວມາຮອດທຸກວັນນີ້.

70 ປີແຫ່ງການເຕີບໃຫຍ່ຂະຫຍາຍຕົວກອງທັບປະຊາຊົນລາວ - lattana 1 - 70 ປີແຫ່ງການເຕີບໃຫຍ່ຂະຫຍາຍຕົວກອງທັບປະຊາຊົນລາວ
70 ປີແຫ່ງການເຕີບໃຫຍ່ຂະຫຍາຍຕົວກອງທັບປະຊາຊົນລາວ - 1 1 - 70 ປີແຫ່ງການເຕີບໃຫຍ່ຂະຫຍາຍຕົວກອງທັບປະຊາຊົນລາວ

ໂດຍເລີ່ມຈາກກອງລາດຊະວົງ ເຊິ່ງມີຈຳນວນພົນພຽງ 20 ກວ່າຄົນພາຍໃຕ້ການ ບັນຊາໂດຍກົງຂອງ ທ່ານ ປະທານ ໄກສອນ ພົມວິຫານ ຈົນມາທຸກວັນນີ້ກອງທັບປະຊາຊົນ ໄດ້ເຕີບໃຫຍ່ຂະ ຫຍາຍຕົວ ແລະ ເຂັ້ມແຂງທາງດ້ານປະລິມານ ແລະ ຄຸນນະພາບ.

ປັດຈຸບັນ, ກອງທັບປະຊາຊົນ ລາວໄດ້ມີທຸກເຫລົ່າຮົບ, ມີອາວຸດຍຸດໂທປະກອນທີ່ທັນສະໄໝນັບທັງສິລະປະຍຸດ, ຍຸດທະວີທີທີ່ໄດ້ສະສົມມາ ແຕ່ລະຍຸກແຕ່ລະສະໄໝ ກາຍເປັນມູນເຊື້ອອັນພິລະ ອາດຫານຂອງຕົນ ແລະ ພ້ອມແລ້ວທີ່ຈະປົກປັກຮັກ ສາເຂດນ້ຳແດນດິນໂດຍບໍ່ ໃຫ້ສັດຕູຕົວໃດເຂົ້າມາທຳ ລາຍຢຶດຄອຍບຽດບຢຶດເອົາ ແມ່ນແຕ່ໜ້ອຍດຽວ.

ໃນໄລຍະປະຫວັດສາດ ຂອງກອງທັບປະຊາຊົນລາວ 30 ປີແຫ່ງການຕໍ່ສູ້ຕ້ານ ກັບຈັກກະພັດຝຣັ່ງ, 20 ກວ່າ ປີທີ່ໄດ້ເຮັດເສິກກັບອາເມລິ  ກາພ້ອມລູກແຫລ້ງຕີນມື   ແລະ 43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ.

ກອງທັບປະຊາຊົນລາວໄດ້ມີພາລະກິດອັນຍິ່ງໃຫຍ່ ຕໍ່ຊາດ ແລະ ປະຊາຊົນ, ບັນດາ ບັ້ນຮົບໃຫຍ່ໆໃນອະດີດເຊັ່ນ: ບັ້ນຮົບຫລວງນ້ຳທາ, ສອນ ໄຊ, ນ້ຳບາກ, ຜາຖີ່, ສາລາພູ ຄູນ, ບັ້ນຮົບລາມເຊີນ 719 ແລະ ບັ້ນຮົບນ້ອຍໃຫຍ່ອື່ນໆ ຈົນສາມາດປົດປ່ອຍໄດ້ ທົ່ວ ປະເທດລ້ວນແລ້ວແຕ່ເປັນ ການສະແດງໃຫ້ເຫັນເຖິງ ສັດຈະທຳ ແລະ ຮູບປະທຳ ແຫ່ງໄຊຊະນະ ແລະ ພາລະ ກິດອັນຍິ່ງໃຫຍ່ຂອງກອງທັບ ປະຊາຊົນລາວ.

ໂອກາດວັນຄົບຮອບ 70 ປີ ຂອງກອງທັບປະຊາຊົນ ລາວຈິ່ງເຕັມໄປດ້ວຍຄວາມໝາຍທາງດ້ານປະຫວັດສາດຂອງກອງທັບ, ຂອງຊາດ ແລະ ຂອງປະຊາຊົນລາວ ວັນ ທີ 20 ມັງກອນຈົ່ງໝັ້ນຍືນ!./.

70 ປີແຫ່ງການເຕີບໃຫຍ່ຂະຫຍາຍຕົວກອງທັບປະຊາຊົນລາວ - 7547 - 70 ປີແຫ່ງການເຕີບໃຫຍ່ຂະຫຍາຍຕົວກອງທັບປະຊາຊົນລາວ
(ພາບປະກອບ)
error: Content is protected !!