ຫລີກເວັ້ນຈາກຄວາມສ່ຽງພະຍາດກະດູກຜ່ອຍ

ຫລີກເວັ້ນຈາກຄວາມສ່ຽງພະຍາດກະດູກຜ່ອຍ - advert banner 728 90 728x90 - ຫລີກເວັ້ນຈາກຄວາມສ່ຽງພະຍາດກະດູກຜ່ອຍ

     ກະດູກຜ່ອຍແມ່່ນອາການຊີ້ນກະດູກບາງ ເຊິ່ງມີຜົນຕໍ່ການປ່ຽນແປງໂຄງສ້າງ ແລະ ມີໂອກາດກະດູກຫັກໄດ້ງ່າຍ. ດັ່ງນັ້ນ, ທ່ານສາມາດສ່ຽງຕໍ່ການເປັນກະດູກຜ່ອຍໄດ້ຖ້າທ່ານຢູູ່ໃນກຸ່ມສ່ຽງດັ່ງຕໍ່ໄປນີ້ :

     1. ເປັນແມ່ຍິງໄວໝົດປະຈຳເດືອນ : ສາເຫດສຳຄັນແມ່ນເກີດຈາກການຂາດຮໍໂມນເອສໂຕຣເຈັນ.

     2. ເປັນຄົນມັກສູບຢາ ຫລື ເປັນຄົນຂີ້ເມົາ : ດື່ມເຫລົ້າ ແລະ ສິ່ງມຶນເມົາເປັນປະຈຳ.

     3. ມັກກິນຊີ້ນສັດຫລາຍເກີນໄປ : ກໍຈະເຮັດໃຫ້ເກີດມີກົດໃນກະແສເລືອດ ຮ່າງກາຍຈຶ່ງຕ້ອງດຶງທາດການຊຽມອອກມາຈາກກະດູກໄປໃຊ້ຫລາຍຂຶ້ນ.

     4. ກິນອາຫານເຄັມຫລາຍ : ບໍ່ມັກກິນອາຫານທີ່ມີທາດການຊຽມ ແລະ ກິນອາຫານທີ່ມີລົດຊາດເຄັມຫລາຍເກີນໄປ.

     5. ກິນຢາບາງຊະນິດເປັນປະຈຳ ເຊັ່ນ : ໄທຣອຍຮໍໂມນ, ຢາສະເຕຍຣອຍ, ຢາກັນຊັອກບາງຊະນິດ, ຢາຫລຸດກົດທີ່ມີສ່ວນປະສົມຂອງອະລູມິນຽມ ຫລື ຢາໄລ່ນຳ້ຍ່ຽວ ເຊິ່ງມັກຈະໃຊ້ໃນຄົນເປັນຄວາມດັນເລືອດສູງ.

     6. ອອກຈາກເຮືອນແຕ່ເຊົ້າກັບເຮືອນຕອນຄໍ່າໆ :ຢູ່ແຕ່ໃນອາຄານ ບໍ່ມີໂອກາດໄດ້ຮັບແສງແດດຕອນເຊົ້າໆ ຫລື ຕອນແລງເລີຍ ກໍຂາດໂອກາດທີ່ຈະຮັບວິຕາມິນດີໄປເສີມສ້າງກະດູກ.

     7. ຂາດການອອກກຳລັງກາຍທີ່ມີການແບກຮັບນຳ້ໜັກ ເຊັ່ນ : ຍົກນຳ້ໜັກ, ແລ່ນ ຫລື ຍ່າງ.

     8. ຈ່ອຍ : ຍ້ອນຄົນຈ່ອຍຈະບໍ່ມີໄຂມັນທີ່ສາມາດປ່ຽນໄປເປັນຮໍໂມນເອສໂຕຣເຈັນໄດ້ຄົບຖ້ວນ.

ຫລີກເວັ້ນຈາກຄວາມສ່ຽງພະຍາດກະດູກຜ່ອຍ - 1 1 - ຫລີກເວັ້ນຈາກຄວາມສ່ຽງພະຍາດກະດູກຜ່ອຍ
ຫລີກເວັ້ນຈາກຄວາມສ່ຽງພະຍາດກະດູກຜ່ອຍ - lattana 1 - ຫລີກເວັ້ນຈາກຄວາມສ່ຽງພະຍາດກະດູກຜ່ອຍ

    9. ເປັນພະຍາດບາງຢ່າງ ເຊັ່ນ: ພະຍາດເບົາຫວານ, ຂາດວິຕາມິນເດ, ພະຍາດເລືອດຈາງທາລັສຊີເມຍ, ຂໍ້ອັກເສບຣູມາຕອຍ, ຕິດເຫລົ້າຊຳ້ເຮື້ອ, ພະຍາດມະເຮັງບາງຊະນິດ ເປັນຕົ້ນ.

     ຫາກທ່ານມີປັດໄຈສ່ຽງຂ້າງເທິງຫລືບໍ່ກໍຕາມ ເຮົາຢາກແນະນຳໃຫ້ທ່ານໄດ້ສະສົມທາດການຊຽມໄວ້ແຕ່ຫົວທີ ໂດຍການກິນ ໃຫ້ຖືກວິທີກັບ 4 ອາຫານທີ່ອຸດົມໄປດ້ວຍທາດການຊຽມ ເພື່ອປ້ອງກັນພະຍາດກະດູກຜ່ອຍ.

     1. ໝາກງາ : ອາດຈະບໍ່ໄດ້ໂດ່ງດັງເທົ່າກັບນົມ, ແຕ່ໝາກງາມີທາດການຊຽມສູງກ່ວານົມເຖິງ 10 ເທົ່າ ແລະ ສູງກ່ວາພືດຜັກທົ່ວໄປເຖິງ 40 ເທົ່າ ເພາະໝາກງາມີທັງທາດການຊຽມ, ທາດໂປຣຕິນ, ທາດເຫລັກ, ໄອໂອດີນ ແລະ ຟົສຟໍ ເຊິ່ງເປັນແຮ່ທາດທີ່ສຳຄັນໃນການສ້າງກະດູກໃຫ້ແຂງແຮງ.

     2. ເຕົ້າຫູ້ :  ມີທັງໂປຣຕິນ ແລະ ທາດການຊຽມສູງ ແລ້ວຍັງດູດຊຶມທາງລຳໄສ້ໄດ້ດີ.

     3. ອາຫານທະເລ : ປາທູໜຶ້ງ, ປາແຫ້ງໂຕນ້ອຍໆ, ຫອຍແຄງ, ຫອຍຂົມ, ກຸ້ງແຫ້ງ, ກຸ້ງຝອຍ, ປູມ້າ, ປາຊາດີນ, ປາກະປ໋ອງ ຈະມີທາດການຊຽມປະມານ 50 ມິນລີກຣາມຕໍ່ 100 ກຣາມ.

     4. ຜັກໃບຂຽວ : ຫລາຍຊະນິດມີທາດການຊຽມບໍ່ໜ້ອຍກ່ວາ 50 ມິນລີກຣາມຕໍ່ 100 ກຣາມ ເຊັ່ນ : ຜັກບົ້ງ, ໃບກະເພົາ, ຍອດດອກແຄ, ຍອດກະຖິນ,  ໃບໝາກຍໍ, ຜັກຕຳນິນ. ສ່ວນໃບພູ, ຜັກຫົມ, ໝາກແຄ້ງ ກໍມີທາດການຊຽມຢູ່ຫລາຍຄືກັນ.

     ນອກຈາກຈະຕ້ອງໄດ້ຮັບທາດການຊຽມພຽງພໍແລ້ວ ຕ້ອງອອກກຳລັງກາຍເປັນປະຈຳ ເລີ່ມງ່າຍໆໂດຍການຍ່າງ, ຂີ່ລົດຖີບ, ໂດດເຊືອກ ຫລື ເຕັ້ນແອໂຣບິກ ເພື່ອສ້າງເສີມກະດູູກຄຽງຄູ່ກັນໄປ.

error: Content is protected !!