ຖ່າຍຍາກຊ້ຳເຮື້ອບໍ່ເປັນຜົນດີຕໍ່ສຸຂະພາບແນ່ນອນ

ຖ່າຍຍາກຊ້ຳເຮື້ອບໍ່ເປັນຜົນດີຕໍ່ສຸຂະພາບແນ່ນອນ - 021601 2019 - ຖ່າຍຍາກຊ້ຳເຮື້ອບໍ່ເປັນຜົນດີຕໍ່ສຸຂະພາບແນ່ນອນ
ຖ່າຍຍາກຊ້ຳເຮື້ອບໍ່ເປັນຜົນດີຕໍ່ສຸຂະພາບແນ່ນອນ - Untitled design - ຖ່າຍຍາກຊ້ຳເຮື້ອບໍ່ເປັນຜົນດີຕໍ່ສຸຂະພາບແນ່ນອນ

     – ສາເຫດຂອງອາການຖ່າຍຍາກ : ເຮົາຕ້ອງຮູ້ກ່ອນວ່າການເຮັດວຽກຂອງຮ່າງກາຍເຮົາເປັນແນວໃດ ເລື່ອງຂອງອາການຖ່າຍຍາກກໍຈະກ່ຽວຂ້ອງກັບການເຮັດວຽກຂອງລຳໄສ້ ເຊິ່ງສ່ວນຫລາຍສານອາຫານຈະຖືກດູດຊຶມເຂົ້າກະແສເລືອດຜ່ານລຳໄສ້ນ້ອຍກ່ອນອາຫານຈະໄປສູ່ລຳໄສ້ໃຫຍ່, ເມື່ອອາຫານມາເຖິງລຳໄສ້ໃຫຍ່ ນຳ້ຈະຖືກດູດອອກໄປ ເຫລືອແຕ່ກາກອາຫານທີ່ເຮົາກິນ ແລະ ກາຍເປັນອາຈົມ. ລຳໄສ້ໃຫຍ່ຂອງເຮົາຈະຖືກບີບໂຕເປັນໄລຍະໆໝົດມື້ເພື່ອໃຫ້ອາຈົມດັນໄປສູ່ໄສ້ໃນສຸດ ໃນຕອນນັ້ນ ນຳ້ຈະຖືກດູດຊຶມໄປຈົນເກືອບໝົດ ເຮັດໃຫ້ການຂັບຖ່າຍງ່າຍ.

ອາການຖ່າຍຍາກເກີດຂຶ້ນເມື່ອລຳໄສ້ໃຫຍ່ດູດຊຶມນຳ້ອອກໄປຫລາຍເກີນໄປ ຫລື ກ້າມຊີ້ນຂອງລຳໄສ້ໃຫຍ່ນັ້ນບີບໂຕຊ້າ ສົ່ງຜົນໃຫ້ອາຈົມເຄື່ອນຜ່ານລຳໄສ້ຊ້າ ເຮັດໃຫ້ອາຈົມແຂງ ແລະ ແຫ້ງຫລາຍຍິ່ງຂຶ້ນ ເຊິ່ງສາເຫດທີ່ເຮັດໃຫ້ເກີດອາການຖ່າຍຍາກມີຄື :

    1. ກິນອາຫານທີ່ບໍ່ພຽງພໍ ແລະ ມີກາກໄຍໜ້ອຍ, ບໍ່ກິນຜັກ ແລະ ໝາກໄມ້.

     2. ຂາດການອອກກຳລັງຢ່າງສະໝໍ່າສະເໝີ.

     3. ການໃຊ້ຢາ, ໃຊ້ຢາທີ່ມີຜົນຂ້າງຄຽງທີ່ເຮັດໃຫ້ເກີດອາການຖ່າຍຍາກ.

     – ການປິ່ນປົວອາການຖ່າຍຍາກມີຄື :

     1. ກິນອາຫານທີ່ມີກາກໄຍຫລາຍໆ ເຊັ່ນ : ເຂົ້າເໝົ້າ, ເຂົ້າກໍ່າ, ເຂົ້າໜົມປັງໂຮຫວີດ, ໝາກສາລີ, ໝາກຫຸ່ງ ເປັນຕົ້ນ ເພື່ອທີ່ຈະເພີ່ມກາກໄຍໃນເລື່ອງຂອງການຂັບຖ່າຍໄດ້ຢ່າງມີປະສິດທິພາບ ແນະນຳໃຫ້ກິນໄຍອາຫານ 20 – 30 ກຣາມຕໍ່ມື້.

     2. ການອອກກຳລັງກາຍຄວນອອກເປັນປະຈຳທຸກໆມື້ ເພື່ອໃຫ້ເກີດການກະຕຸ້ນການເຮັດວຽກຂອງຮ່າງກາຍໃຫ້ເຄື່ອນໄຫວແລະເຮັດວຽກໄດ້ດີຍິ່ງຂຶ້ນ ເມື່ອພາກສ່ວນຕ່າງໆຂອງຮ່າງກາຍເຄື່ອນໄຫວດີ ລຳໄສ້ກໍຈະເຮັດວຽກໄດ້ດີໄປນຳ ອາຫານທີ່ກິນເຂົ້າໄປກໍຈະເຄື່ອນທີ່ຢ່າງມີປະສິດທິພາບຍິ່ງຂຶ້ນ ຫລື ສຳລັບບາງຄົນທີ່ບໍ່ຄ່ອຍມີເວລາໃຫ້ຍ່າງ 20 – 30 ນາທີ ເພື່ອໃຫ້ລຳໄສ້ໄດ້ເຄື່ອນໄຫວດີຂຶ້​ນ.

     3. ຫາກທ່ານຮູ້ສຶກເຈັບທ້ອງປວດຖ່າຍ ໃຫ້ເຂົ້າຫ້ອງນຳ້ທັນທີ ຫ້າມກັ້ນໄວ້ ເພາະຍິ່ງທ່ານກັ້ນດົນເທົ່າໃດກໍຈະຍິ່ງເພີ່ມອາການຖ່າຍຍາກຫລາຍຂຶ້ນ ແລະ ຈະເຮັດໃຫ້ທ່ານຖ່າຍຍາກລຳບາກແນ່ນອນ.

     4. ຄວນຝຶກການເຂົ້າຫ້ອງນຳ້ທຸກເຊົ້າໃຫ້ເປັນລັກສະນະນິໄສໃນທຸກມື້ ນັ່ງຜ່ອນຄາຍປະມານ 10  ນາທີ ໂດຍບໍ່ຕ້ອງຟ້າວ ເຊິ່ງຈະເປັນໂຕຊ່ວຍທີ່ເຮັດໃຫ້ທ່ານຖ່າຍໄດ້ຫລາຍຂຶ້ນໃນທຸກໆມື້.

ຖ່າຍຍາກຊ້ຳເຮື້ອບໍ່ເປັນຜົນດີຕໍ່ສຸຂະພາບແນ່ນອນ - Wave100S AD to Website 2020 0 - ຖ່າຍຍາກຊ້ຳເຮື້ອບໍ່ເປັນຜົນດີຕໍ່ສຸຂະພາບແນ່ນອນ

     5.​ ດື່ມນຳ້ຫລາຍໆ ຄວນດື່ມນຳ້ຢ່າງໜ້ອຍມື້ລະ 6 – 8 ຈອກຕໍ່ມື້ ຍິ່ງຖ້າທ່ານກິນອາຫານທີ່ມີລົດຊາດເຜັດ ຄວນດື່ມນຳ້ໃຫ້ຫລາຍກ່ວາປົກກະຕິທີ່ເຄີຍດື່ມ ຈະຊ່ວຍຫລຸດອາການຖ່າຍຍາກ ເພາະນຳ້ຈະໄປຍ່ອຍ ເຮັດໃຫ້ກາກອາຫານອ່ອນລົງ.

     6. ຄວນງົດດື່ມຊາ, ກາເຟ, ເຄື່ອງດື່ມອານກໍຮໍ ເພາະສິ່ງເຫລົ່ານີ້ມີສານປະກອບທີ່ເຮັດໃຫ້ລຳໄສ້ຂອງເຮົາບີບໂຕໜ້ອຍລົງ ແລະ ກະຕຸ້ນໃຫ້ເກີດການຍ່ຽວຫລາຍຂຶ້ນ  ເຮັດໃຫ້ຮ່າງກາຍສູນເສຍນຳ້ ສົ່ງຜົນໃຫ້ອາການຖ່າຍຍາກຕາມມາ.

     7. ຢາຖ່າຍ ຫລື ຢາລະບາຍ ບໍ່ຄວນໃຊ້ຫລາຍຈົນເກີນໄປ ເພາະບໍ່ໄດ້ຊ່ວຍໃຫ້ອາການຖ່າຍຍາກເຊົາຂາດ, ແຕ່ຈະເຮັດໃຫ້ຮ່າງກາຍຂັບຖ່າຍບໍ່ເປັນຕາມເວລາທີ່ຄວນຈະເປັນ ເພາະລຳໄສ້ນັ້ນຈະລຶ້ງຕໍ່ຢາທີ່ເຮົາກິນ ແລະ ຖ້າມີອາການຖ່າຍຍາກຫລາຍຂຶ້ນກໍຕ້ອງໃຊ້ຢາແຮງຂຶ້ນ ເຊິ່ງບໍ່ແນະນຳຢ່າງເດັດຂາດ.

   8. ຄວນຜ່ອນຄາຍ ບໍ່ຄວນເຄັ່ງຄຽດຈົນເກີນໄປ ເພາະຄວາມເຄັ່ງຄຽດຕ່າງໆນັ້ນຈະສົ່ງຜົນກະທົບຕໍ່ຮ່າງກາຍຫລາຍ.

     9. ຫລັງຈາກຕື່ນນອນໃຫ້ດື່ມນຳ້ອຸ່ນ ບໍ່ຄວນດື່ມນຳ້ເຢັນ ເພາະການດື່ມນຳ້ອຸ່ນຈະເຮັດໃຫ້ລຳໄສ້ບີບໂຕ ເຮັດໃຫ້ເກີດອາການເຈັບທ້ອງຖ່າຍໄດ້ງ່າຍ.

     10. ບໍລິຫານຮ່າງກາຍໃນຕອນເຊົ້າ ຫາຍໃຈເຂົ້າເລິກໆໂດຍທ່າຢືນກົງ ແລະ ຫາຍໃຈອອກ ໂດຍການກົ້ມໂຕລົງໄປ ເອົາມືກົດ ຫົວເຂົ່າໄວ້ ຫຸບທ້ອງເຂົ້າໃຫ້ເລິິກທີ່ສຸດ.

     11. ຕອນເຂົ້າຫ້ອງນຳ້ໃຫ້ຫຸບທ້ອງເຂົ້າ ແລ້ວນວດທ້ອງເປັນຮູບວົງມົນໄປຕາມເຂັມໂມງ.

     12. ເຂົ້າຫ້ອງນຳ້ແບບນັ່ງຢ່ອງຢໍ້ຈະຖ່າຍໄດ້ງ່າຍກ່ວາແບບຊັກໂຄກ ເພາະຈະເຮັດໃຫ້ປາຍລຳໄສ້ຢູ່ໃນລັກສະນະຊື່ ແລະ ບໍ່ມີອາຈົມເຫລືອຄ້າງໃນລຳໄສ້, ແຕ່ຖ້າເຮືອນທ່ານມີແຕ່ຊັກໂຄກ ຫລື ມີຜູ້ເຖົ້າຄວນໃຫ້ນັ່ງແບບຊັກໂຄກເພື່ອຄວາມປອດໄພ ແລະ ຄວນໃຫ້ນັ່ງກົ້ມໂຕໄປທາງໜ້າໜ້ອຍໜຶ່ງເພື່ອໃຫ້ມີແຮງເບັ່ງໄດ້ຫລາຍຂຶ້ນ ຫລື ອາດຈະຫານັ່ງນ້ອຍໆມາຢຽບຈະໄດ້ຍົກຫົວເຂົ່າໃຫ້ສູງຂຶ້ນ ແລະ ຖ່າຍງ່າຍຍິ່ງຂຶ້ນ.

    – ສ່ວນອາຫານທີ່ສາມາດຫລຸດບັນຫາອາການຖ່າຍຍາກໄດ້ມີຄື : ໝາກຂາມ, ໝາກພຸນແຫ້ງ, ໝາກແອັບເປິ້ນສີຂຽວ, ໝາກກ້ວຍ,  ໝາກຫຸ່ງສຸກ,  ໝາກເຟືອງ, ຜັກໃບຂຽວ ເປັນຕົ້ນ.

ຖ່າຍຍາກຊ້ຳເຮື້ອບໍ່ເປັນຜົນດີຕໍ່ສຸຂະພາບແນ່ນອນ - WhatsApp Image 2020 05 27 at 5 - ຖ່າຍຍາກຊ້ຳເຮື້ອບໍ່ເປັນຜົນດີຕໍ່ສຸຂະພາບແນ່ນອນ
ຖ່າຍຍາກຊ້ຳເຮື້ອບໍ່ເປັນຜົນດີຕໍ່ສຸຂະພາບແນ່ນອນ - WhatsApp Image 2020 05 27 at 5 - ຖ່າຍຍາກຊ້ຳເຮື້ອບໍ່ເປັນຜົນດີຕໍ່ສຸຂະພາບແນ່ນອນ
error: Alert: ເນື້ອຫາຂ່າວມີລິຂະສິດ !!