ປີເຕີ ເຊັກ ປະກາດຈະອຳລາອາຊີບ ຫລັງຈົບລະດູການນີ້

ປີເຕີ ເຊັກ ປະກາດຈະອຳລາອາຊີບ ຫລັງຈົບລະດູການນີ້ - advert banner 728 90 728x90 - ປີເຕີ ເຊັກ ປະກາດຈະອຳລາອາຊີບ ຫລັງຈົບລະດູການນີ້

      ປີ​ເຕີ ​ເຊັກ ຜູ້​ຮັກສາ​ປະຕູ​ປະສົບ​ການ​ສູງ ອາຍຸ 36 ປີ ຊາວ​ສາທາລະນະ​ລັດ​ເຊັກ ຂອງ​ສະ​ໂມ​ສອນ ອາ​ເຊ​ນອລ ປະກາດ​ຜ່ານ​ທະວິ​ດ​ເຕີ​ສ່ວນ​ຕົວ ຈະ​ແຂວນ​ຖົງມື​ຫລັງ​ຈາກ​ຈົບ​ລະດູ​ການ​ນີ້ 2018-19. ປີ​ເຕີ ​ເຊັກ ຍຶດອາຊີບ​ມາ​ເປັນ​ລະດູ​ການ​ທີ 20 ​ແລະ 15 ປີ ກັບ​ການ​ເຝົ້າ​ເສົາ​ໃນ​ພຣີ​ເມຍ​ລີກ​ ອັງກິດ. ປີ​ເຕີ ​ເຊັກ ​ເລີ່​ມຕົ້ນອາຊີບ​ກັບສະ​ໂມ​ສອນ ​ເອັຟ​ເຄ ຊະ​ເມ​ວ ບິ​ວຊາ​ນີ ທີ​ມ​ໃນ​ລີກ​ສູງ​ສຸດ​ຂອງ​ສາທາລະນະ​ລັດ​ເຊັກ ​ເມື່ອ​ລະດູ​ການ 1999-2001 ລົງ​ສະໜາມ 28 ນັດ ກ່ອນ​ຍ້າຍ​ໄປ​ຫລິ້ນ​ໃຫ້ ສະ​ປາຣຕ້າ ປຣາກ ອີກ​ໜຶ່ງ​ທີ​ມດັງ​ໃນ​ລີກ​ສູງ​ສຸດ​ຂອງ​ສາທາລະນະ​ລັດ​ເຊັນ ລະດູ​ການ 2001-02 ລົງ​ສະໜາມ 42 ນັດ.

      ຈາກ​ນັ້ນ ຍ້າຍ​ອອກ​ມາ​ຫລິ້ນ​ໃນ​ລີກ​ຕ່າງ​ແດນ​ຄັ້ງທຳ​ອິດ​ຢູ່​ກັບ​ສະ​ໂມ​ສອນ ​ແຣນສ໌ ​ໃນ​ລີກ​ເອິງ​ຝຣັ່ງ ລະດູ​ການ 2002-04 ລົງ​ສະໜາມ 78 ນັດ ​ແລະ ຍ້າຍ​ມາ​ຫລິ້ນ​ໃນ ພຣີ​ເມຍ​ລີກ ອັງກິດ ກັບ ​ເຊ​ລຊີ ລະດູ​ການ 2004-15 ລົງ​ສະໜາມ 494 ນັດ, ສະ​ເພາະ​ພຣີ​ເມຍ​ລີກ 333 ນັດ, ຄວ້າ​ແຊ້ມພຣີ​ເມຍ​ລີກ ອັງກິດ ກັບ ​ເຊ​ລຊີ 4 ສະ​ໄໝ, ​ເອັຟ​ເອຄັບ 4 ສະ​ໄໝ, ລີກ​ຄັບ 3 ສະ​ໄໝ, ຄອມ​ມຸນ​ຕິ​ຕີ້​ຊິວ 2 ສະ​ໄໝ, ຢູຟາ ​ແຊມ​ປ້ຽນລີກ 1 ສະ​ໄໝ ​ແລະ ຢູ​ໂຣປາລີກ 1 ສະ​ໄໝ. ຍ້າຍ​ມາ​ຢູ່​ກັບ ອາ​ເຊ​ນອລ ​ເມື່ອ​ລະດູ​ການ 2015 ​ເຖິງ​ປັດຈຸບັນ​ລົງ​ສະໜາມ​ໄປ​ແລ້ວ 130 ນັດ, ສະ​ເພາະ​ພຣີ​ເມຍ​ລີກ 110 ນັດ, ຊ່ວຍ​ອາ​ເຊ​ນອລ ຄວ້າ​ແຊ້ມ ​ເອັຟ​ເອຄັບ 1 ສະ​ໄໝ ​ແລະ ຄອມ​ມຸນ​ນິຕີ້​ຊິວ 1 ສະ​ໄໝ.

       ປີ​ເຕີ​ເຊັກ ຮັບ​ໃຊ້​ທີ​ມຊາດ​ສາທາລະນະ​ລັດ​ເຊັນ ນັບ​ແຕ່ U15, U16, U17, U18, U20, U21 ລວມທັງ​ໝົດ 56 ນັດ, ຄວ້າ​ແຊ້ມ U21 ຊີງ​ແຊ້ງ​ເອີຣົບປີ 2002 ​ແລະ ​ໄດ້​ລາງວັນ​ນັກ​ເຕະ​ດີ​ເດັ່ນ​ຄັ້ງນັ້ນຂອງ U21 ​ເອີຣົບ, ​ໃນ​ນາມ​ທີ​ມຊາດ​ຊຸດ​ໃຫຍ່ ລົງ​ຫລິ້ນ​ໃຫ້​ທີ​ມຊາດ​ຊຸດ​ໃຫຍ່ 124 ນັດ.

ປີເຕີ ເຊັກ ປະກາດຈະອຳລາອາຊີບ ຫລັງຈົບລະດູການນີ້ - 1 1 - ປີເຕີ ເຊັກ ປະກາດຈະອຳລາອາຊີບ ຫລັງຈົບລະດູການນີ້
ປີເຕີ ເຊັກ ປະກາດຈະອຳລາອາຊີບ ຫລັງຈົບລະດູການນີ້ - lattana 1 - ປີເຕີ ເຊັກ ປະກາດຈະອຳລາອາຊີບ ຫລັງຈົບລະດູການນີ້

      ສະຖິຕິ​ທີ່​ໜ້າ​ສົນ​ໃຈ​ຂອງ ປີ​ເຕີ ​ເຊັກ ​ເປັນ​ຜູ້​ຮັກສາ​ປະຕູ​ທີ່​ບໍ່​ເສຍ​ປະຕູ​ໃນ 1 ລະດູ​ການ​ສູງ​ສຸດ​ໃນ​ພຣີ​ເມຍ​ລີກ ອັງກິດ 24 ນັດ ກັບ ​ເຊ​ລຊີ ​ເມື່ອ​ລະດູ​ການ 2004-05, ​ເປັນ​ຜູ້​ຮັກສາ​ປະຕູ​ທີ່​ບໍ່​ເສຍ​ປະຕູ​ໃນ​ພຣີ​ເມຍ​ລີກ ອັງກິດ ສູງ​ສຸດ​ລວມ 202 ນັດ: ​ເຊ​ລຊີ 162 ນັດ ​ແລະ ອາ​ເຊ​ນອລ 40 ນັດ ​ແລະ ​ເປັນ​ຜູ້​ຮັກສາ​ປະຕູ​ທີ່​ບໍ​ເສຍ​ປະຕູ​ໃນ​ພຣີ​ເມຍ​ລີກ ອັງກິດ ​ເປັນ​ເວລາ 1.025 ນາທີ ​ແຕ່​ວັນ​ທີ 12 ທັນວາ 2004 ຫາ​ວັນ​ທີ 5 ມີນາ 2005.

      ​ເຄີຍ​ຄວ້າ​ລາງວັນ​ຜູ້​ຮັກສາ​ປະຕູ ບໍ່​ເສຍ​ປະຕູ​ລີກ​ສາທາລະນະ​ລັດ​ເຊັນ (Czech First League Most clean Sheets): 2001-02, ຜູ້​ຮັກສາ​ປະຕູ​ດີ​ເດັ່ນ​ລີກ​ເອີ​ງຝຣັ່ງ (Best Goalkeeper of Frenc h League): 2003-04, ຜູ້​ຮັກສາ​ປະຕູ​ດີ​ເດັ່ນ ພຣີ​ເມຍ​ລີກ 4 ສະ​ໄໝ (Premier League Golden Glove): 2004-05, 2009-10, 2013-14, 2015-16, ນັກ​ເຕະ​ດີ​ເດັ່ນ​ຂອງ​ສາທາລະນະ​ລັດ​ເຊັກ 9 ສະ​ໄໝ (Czech Footballer of the Year): 2005, 2008, 2009, 2010, 2011, 2012, 2013, 2015, 2016 ລວມທັງ​ເປັນ​ນັກ​ກິລາ​ດີ​ເດັ່ນ ​ໂກ​ເດິ​ນບອລ ຂອງ​ສາທາລະນະ​ລັດ​ເຊັກ 11 ສະ​ໄໝ (Golden Ball): 2005, 2006, 2007, 2008, 2010, 2011, 2012, 2013, 2014, 2016, 2017.      ນອກຈາກ​ນັ້ນ ຍັງ​ເປັນ​ຜູ້​ຮັກສາ​ປະຕູດີ​ເດັ່ນ​ຂອງ ສະຫະພັນ​ສະຖິຕິ ​ແລະ ປະຫວັດສາດ​ບານ​ເຕະ​ສາກົນ ປີ 2005, ​ເປັນ​ຜູ້​ຮັກສາ​ປະຕູ​ດີ​ເດັ່ນ​ຂອງ​ທະວີບ​ເອີຣົບ 3 ສະ​ໄໝ 2005, 2007, 2008, ​ຜູ້​ຮັກສາ​ປະຕູ​ດີ​ເດັ່ນ​ສະ​ໂມ​ສອນ​ຂອງ ຢູຟາ 2005, 2007, 2008, ຜູ້​ຮັກສາ​ປະຕູ​ດີ​ເດັ່ນ​ຂອງ ​ເຊ​ລຊີ 2010-11.

error: Content is protected !!