ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ

ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ - advert banner 728 90 728x90 - ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ

ສວນພຶກສາ ຕັ້ງຢູ່ບ້ານ ດ່ານຊີ ເມືອງນາຊາຍທອງຫ່າງຈາກໃຈກາງນະຄອນ ຫຼວງວຽງຈັນ ໄປຕາມເສັ້ນທາງເລກທີ 13 ເໜືອ ປະມານ 22 ກິໂລແມັດ ກໍຈະໄປເຖິງສວນດັ່ງກ່າວ ເຊິ່ງເໝາະແກ່ ການໄປພັກຜ່ອນໃນຍາມວັນພັກຕ່າງໆ, ເປັນເຂດທ່ອງທ່ຽວແບບປະສົມປະສານທີ່ໄດ້ຮັບການສ້າງຂຶ້ນໃໝ່ ດ້ວຍການລົງທຶນຂອງພາກສ່ວນເອກະຊົນ100%  ເພື່ອປັບປຸງທັດສະນີຍະພາບ  ແລະ ບັນຍາກາດຂອງແຫຼ່ງ ທ່ອງທ່ຽວແຫ່ງນີ້ເຕັມໄປ ດ້ວຍຄວາມເບີກບານທາງອາລົມຈິດ.

ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ - 752 - ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ

ເມື່ອນຶກເຖິງ ແລະ ສຳ ຜັດກັບສວນອຸທິຍານດອກ ໄມ້ນານາພັນປູກເປັນຖັນເປັນແຖວຢູ່ຂອບທາງທັງ ສອງຂ້າງຍາວຢຽດໄປຕັ້ງແຕ່ທາງເຂົ້າ, ຮູບພາບໄດໂນເສົາທັງຄູ່ຢືດຄໍຫາກັນເປັນ ປະຕູໂຂງຢ່າງຊາບຊຶ້ງ, ຕູບນັ່ງພັກຜ່ອນຢ່າງງົດງາມລຽບຕາມແຄມໜອງປາທີ່ເຕັມໄປບັນຍາກາດແບບທຳມະຊາດ, ມີສາຍສະລິງແຕ່ຫໍທາງເຂົ້າຢັ່ງໄປຫາຕົ້ນໄມ້ທີ່ຢູ່ໄກສວນອີກຟາກໜຶ່ງເພື່ອໄວ້ບໍລິການສຳລັບຜູ້ໃດຢາກສຳຜັດກັບຄວາມ ທ້າທາຍຕ່າງໆ ແລະ ພ້ອມນັ້ນ ຍັງມີພາບງົວແກ່ກວຽນ ແລະຄາວບອຍ ເຮັດໃຫ້ນຶກ ເຖິງພາບບັນຍາກາດເກົ່າໆ ທີ່ເຄີຍມີໃນອະດີດ ແລະ ພິເສດສຸດແມ່ນມີບ່ອນໃຫ້ ຜູ້ໄປທ່ຽວໄດ້ຖ່າຍຮູບໄວ້ ກັບຂໍ້ຄວາມກ່ຽວກັບຄວາມຮັກ ເຊິ່ງມີທັງພາສາລາວ ແລະພາສາມົ້ງຢ່າງຫຼວງຫຼາຍ.

ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ - 1 1 - ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ
ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ - lattana 1 - ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ
ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ - 457 - ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ

ທ່ານ ພູວົງ ພະມີສິດ ປະທານສວນພຶກສາໃຫ້ຮູ້ວ່າ: ສວນພຶກສາແຫ່ງນີ້ໄດ້ເປີດ ຂຶ້ນຢ່າງເປັນທາງການເມື່ອວັນທີ 7 ເມສາ 2017 ຜ່ານມາ ໃນຄວາມຫວັງຢາກສ້າງເຂດທຳມະຊາດແຫ່ງ ນີ້ໃຫ້ກາຍເປັນໜຶ່ງແຫລ່ງທ່ອງທ່ຽວນະຄອນຫຼວງວຽງຈັນ, ເພື່ອເປັນບ່ອນພັກຜ່ອນຢ່ອນໃຈ, ເປັນບ່ອນສຶກສາພຶກສານານາພັນ,  ການກະເສດ ແລະ ການປົກປັກຮັກສາສິ່ງແວດລ້ອມໃຫ້ຍືນຍົງ, ທັງເປັນບ່ອນສ້າງວຽກເຮັດງານທຳໃຫ້ປະຊາຊົນທ້ອງຖິ່ນ ແລະ ໄດ້ຕາມ ຄວາມຫວັງ ເຊິ່ງໃນປີຜ່ານມາສວນພຶກສາແຫ່ງນີ້ກໍ ໄດ້ເປັນທີ່ໜ້າສົນໃຈຂອງຊາວນະຄອນຫຼວງເປັນຢ່າງດີ. ພ້ອມໃຫ້ການເປັນບ່ອນຈັດກິດຈະກຳຕ່າງໆ ໄປຄຽງຄູ່ກັບເທສະການງານບຸນ ປະເພນີລາວ ໂດຍສະເພາະບຸນກິນຈຽງຂອງຊາວເຜົ່າມົ້ງ ເຊິ່ງໄດ້ຈັດຂຶ້ນເປັນປີທີສອງແລ້ວ ແລະ ວັນສຳຄັນ ຕ່າງໆຂອງຊາດກໍໄດ້ມີກິດຈະກຳໃນການສົ່ງເສີມການ ທອງທ່ຽວນຳໂດຍສະເລ່ຍ ແລ້ວມາຮອດທ້າຍປີ 2018 ສາມາດດຶງດູດນັກທ່ອງທ່ຽວ ເຂົ້າມາທ່ຽວຊົມນັບເປັນແສນກວ່າຄົນແລ້ວ./.

ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ - 44451 - ສວນພຶກສາ ມິຕິໃໝ່ຂອງແຫລ່ງທ່ອງທ່ຽວນະຄອນຫລວງວຽງຈັນ
error: Content is protected !!