ທະນາຄານພົບປະກັບຜູ້ປະກອບການຕັດຫຍິບ ເຂົ້າເຖິງແຫຼ່ງທຶນ

ທະນາຄານພົບປະກັບຜູ້ປະກອບການຕັດຫຍິບ ເຂົ້າເຖິງແຫຼ່ງທຶນ - Untitled 1 2 - ທະນາຄານພົບປະກັບຜູ້ປະກອບການຕັດຫຍິບ ເຂົ້າເຖິງແຫຼ່ງທຶນ
ທະນາຄານພົບປະກັບຜູ້ປະກອບການຕັດຫຍິບ ເຂົ້າເຖິງແຫຼ່ງທຶນ - Untitled design - ທະນາຄານພົບປະກັບຜູ້ປະກອບການຕັດຫຍິບ ເຂົ້າເຖິງແຫຼ່ງທຶນ

        ສະພາການຄ້າ ແລະ ອຸດສາຫະກໍາແຫ່ງຊາດລາວ (ສຄອຊ) ຮ່ວມກັບທະນາຄານພັດທະນາລາວ (ທພລ) ໄດ້ຈັດ​ສໍາ​ມະ​ນາ​ພາຍໃຕ້​ຫົວ​ຂໍ້ “ການ​ເຂົ້າ​ຫາ​ແຫຼ່ງທຶນ​ຂອງ​ທຸລະ​ກິດ” ຊຶ່ງຈັດຂຶ້ນທີ່ ສຄອຊ ນະຄອນຫຼວງວຽງຈັນ ໃນວັນທີ 14 ມັງກອນ 2019 ໂດຍການເຂົ້າຮ່ວມຂອງທ່ານ ດາວ​ອນ ພະຈັນ​ທະ​ວົງຮອງປະທານສຄອຊ; ທ່ານ ອາຄົມ ປຣະເສີດ ຜູ້ອໍານວຍການໃຫຍ່ ທພລ;ທ່ານ ກິ່ງ​ໄຊ ຈຸ​ລະ​ມົນຕີຫົວໜ້າພະແນກຄຸ້ມຄອງກອງທຶນວິສາຫະກິດຂະໜາດນ້ອຍ ແລະ ຂະໜາດກາງ;​ ທ່ານ ​ປອ.ໄຊ​ບັນດິດ ຣາສະ​ພົງປະ​ທານສະມາຄົມອຸດສະຫະກໍາຕັດຫຍິບລາວ; ທ່ານ ບຸນລ້ວນ ດ້ວງເງິນ ຜູ້ອຳນວຍການສະຖາບັນພັດທະນາຊັບພະຍາກອນ ລາວ-ຍີ່ປຸ່ນ; ທ່ານ ທາກາຊິ ຈືເນກະວະຊ່ຽວຊານ JICA ​ປະ​ຈໍາ ທພລ ເຂົ້າຮ່ວມນຳດ້ວຍ.

ໃນກອງປະຊຸມຜູ້ອໍານວຍການໃຫຍ່ ທພລ ​ໄດ້ເນັສໍາລັບ​ ທພລ ໂດຍ​ເຫັນ​ໄດ້​ຄວາມ​ສໍາຄັນ​ຂອງ​ວຽກ​ງານ​ສົ່ງເສີມ​SME​ແລະທັງເປັນການສືບຕໍ່ປະກອບສ່ວນຜັນຂະຫຍາຍນະໂຍບາຍຂອງພັກ  ແລະ ລັດຖະບານ ໃນການຈັດຕັ້ງປະຕິບັດແຜນພັດທະນາເສດຖະກິດສັງຄົມແຫ່ງຊາດ ໃຫ້ບັນລຸຕາມເປົ້າໝາຍທີ່ກຳນົດໄວ້ໃນແຕ່ລະໄລຍະ, ທພລ ຈຶ່ງໄດ້ສຸມເຫື່ອແຮງ ​ໃນ​ການຄົ້ນຄ້ວາ ແລະ ເອົາໃຈໃສ່ວຽກງານສົ່ງເສີມວິສາຫະກິດຂະໜາດນ້ອຍ ແລະ ກາງ ເຮັດໃຫ້ທຸລະກິດSMEs ສາມາດເພີ່ມກໍາລັງການຜະລິດ ແລະ ຂະຫຍາຍຕົວຢ່າງໝັ້ນຄົງ; ໃນ​ຜ່ານ​ມາ​ກໍ່​ຄື​ປັດຈຸ​ບັນ ທພລໄດ້​ມີ​ການ​ປະສານ​ສົມພົບ ​ແລະຮ່ວມ​ມື​ກັບ​ພາກສ່ວນ​ຕ່າງໆ ​ເປັນ​ຕົ້ນ​ແມ່ນ​ກົມ​ສົ່ງ​ເສີມ SME  ​ເຊັ່ນນັບ​ແຕ່ປີ 2012  ທພລ ໄດ້ຮັບການສະໜອງທຶນຈາກກອງທຶນສົ່ງເສີມວິ SME ບ້ວງທີ I ຈຳນວນ 14 ຕື້ກີບບ້ວງທີ II ມີ 16 ຕື້ກີບ ລວມທັງໝົດ 32 ຕື້ກີບ, ມາຮອດປັດຈຸບັນເງິນທັງ 2ບ້ວງ ຍັງສາມາດສືບຕໍ່ປ່ອຍກູ້ອີກ 8 ຕື້ກີບໃນອັດຕາດອກເບ້ຍຕໍ່າ.

ທ່ານ ຜູ້ອໍານວຍການໃຫຍ່ ທພລໄດ້ຢືນຢັນຕື່ມວ່າ: ຜ່ານການຈັດຕັ້ງປະຕິບັດ ສາມາດສະຫຼຸບຕີລາຄາຂໍ້ຄົງຄ້າງບາງດ້ານ ເປັນຕົ້ນຄວາມຮຽກຮ້ອງຕ້ອງການແຫຼ່ງທຶນຂອງຜູ້ປະກອບການຍັງມີຫຼາຍແຕ່ ພທລ ບໍ່ສາມາດຕອບສະໜອງໃຫ້ໄດ້ ເນື່ອງຈາກວ່າລູກຄ້າຈຳນວນໜື່ງຍັງບໍ່ມີເງື່ອນໄຂ-ມາດຖານຄົບຖ້ວນໃນການຂໍອະນຸມັດສິນເຊື່ອ ສະນັ້ນຈຶ່ງຮຽກຮ້ອງໃຫ້ມີການສ້າງຄວາມເຂັ້ມແຂງໃຫ້ແກ່ຜູ້ປະກອບການຕື່ມ;ແຫຼ່ງທຶນທີ່ໄດ້ຮັບຈາກກອງທຶນສົ່ງເສີມ SMEs ເຫັນວ່າຍັງມີຈໍານວນຈໍາກັດ ບໍ່ທັນພຽງພໍກັບຄວາມຮຽກຮ້ອງຕ້ອງການຂອງສັງຄົມ ແລະ ລູກຄ້າສ່ວນໃຫຍ່ຍັງຂາດຄວາມຮູ້ທາງດ້ານເຕັກນິກວິຊາສະເພາະ, ການຄຸ້ມຄອງບໍລິຫານທຸລະກິດຍັງບໍ່ທັນມີປະສິດທິຜົນແລະ ນອກຈາກນີ້ ລູກຄ້າສ່ວນໃຫຍ່ຍັງບໍ່ຖືລະບົບບັນຊີວິສາຫະກິດ ແຕ່ເຖິງຢ່າງໃດກໍດີ ຊຶ່ງການສຳມະນາໃນຄັ້ງນີ້ ໄດ້ເຮັດໃຫ້ 2 ຝ່າຍ ຮັບຮູ້ວັດຖຸປະສົງ ເປັນນິມິດໝາຍທີ່ີດີທີ່ເຮັດໃຫ້ທັງຄູ່ຕີຖອຍໄດ້ຫາງສຽງຕ່າງໆໃນເມື່ອກ່ອນ.

ທະນາຄານພົບປະກັບຜູ້ປະກອບການຕັດຫຍິບ ເຂົ້າເຖິງແຫຼ່ງທຶນ - Wave100S AD to Website 2020 0 - ທະນາຄານພົບປະກັບຜູ້ປະກອບການຕັດຫຍິບ ເຂົ້າເຖິງແຫຼ່ງທຶນ

# ຂ່າວ-ພາບ: ຣັດສະໝີ ດວງສັດຈະ

ທະນາຄານພົບປະກັບຜູ້ປະກອບການຕັດຫຍິບ ເຂົ້າເຖິງແຫຼ່ງທຶນ - WhatsApp Image 2020 05 27 at 5 - ທະນາຄານພົບປະກັບຜູ້ປະກອບການຕັດຫຍິບ ເຂົ້າເຖິງແຫຼ່ງທຶນ
ທະນາຄານພົບປະກັບຜູ້ປະກອບການຕັດຫຍິບ ເຂົ້າເຖິງແຫຼ່ງທຶນ - WhatsApp Image 2020 05 27 at 5 - ທະນາຄານພົບປະກັບຜູ້ປະກອບການຕັດຫຍິບ ເຂົ້າເຖິງແຫຼ່ງທຶນ
error: Alert: ເນື້ອຫາຂ່າວມີລິຂະສິດ !!