ແຮງງານລາວ ກ້າວສູ່ລະດັບໃໝ່

ແຮງງານລາວ ກ້າວສູ່ລະດັບໃໝ່ - advert banner 728 90 728x90 - ແຮງງານລາວ ກ້າວສູ່ລະດັບໃໝ່

ຍາມໃດພວກເຮົາກໍໄດ້ຍິນບັນດານັກລົງທຶນທັງພາຍໃນ ແລະຕ່າງປະເທດ ອຸກໃຈນຳເລື່ອງແຮງງານໃນລາວ ແຕ່ຄາວນີ້ ລັດຖະບານເຮົາກຳລັງເລັ່ງສ້າງສີມືແຮງງານລາວກ້າວສູ່ລະດັບໃໝ່ແລ້ວເດີ.

ແຮງງານລາວ ກ້າວສູ່ລະດັບໃໝ່ - 18268462 799598096869835 92055690913351766 n - ແຮງງານລາວ ກ້າວສູ່ລະດັບໃໝ່

ທ່າມກາງປະເທດຊາດທີ່ກຳລັງກໍ່ຮ່າງສ້າງໂຕ, ການລົງທຶນໃນຂະແໜງການຕ່າງໆ ທີ່ເກີດຂຶ້ນຢ່າງຫຼວງຫຼາຍນັ້ນ ຕ່າງກໍຕ້ອງການແຮງງານທີ່ມີຄວາມຊຳນານທາງດ້ານສີມື ພຽບພ້ອມກັບຄຸນນະທຳ, ຄຸນສົມບັດ ເພື່ອຕອບສະໜອງກັບຄວາມຕ້ອງການ.

ແຕ່ແນວໃດກໍຕາມ, ໃນໄລຍະຜ່ານມາ ບັນດານັກລົງທຶນທັງພາຍໃນ ແລະຕ່າງປະເທດ ກໍຍັງກັງວົນ ເລື່ອງຄຸນນະພາບ ແລະປະລິມານ ຂອງແຮງງານລາວ ເຮັດໃຫ້ ນັກລົງທຶນບາງຈຳນວນ ຍັງລັງເລໃຈ ທີ່ມາລົງທຶນໃນປະເທດເຮົາ ແລະອຸດສາຫະກຳບາງຂະແໜງການ ກໍມີການຫຍາຍຕົວຊ້າ ຫຼືຖົດຖອຍ ຍ້ອນຂາດແຮງງານທີ່ມີຄຸນນະພາບ.

ການຄົ້ນຄວ້າຂອງ ທະນາຄານໂລກ ເມື່ອບໍ່ເທົ່າໃດປີຜ່ານມາ ເພິ່ນໄດ້ຮວບຮວມເອົາທັດສະນະ ຂອງບັນດາບໍລິສັດໃນລາວ ກ່ຽວກັບແຮງງານ ໃຫ້ຮູ້ວ່າ ສິ່ງທີ່ເຂົາເຈົ້າກັງວົນໃຈຫຼາຍທີ່ສຸດກໍແມ່ນຄຸນນະພາບ ເພາະແຮງງານລາວສ່ວນຫຼາຍ ຍັງບໍ່ສາມາດອ່ານ ແລະຂຽນພາສາລາວໄດ້ຢ່າງຄ່ອງແຄ່ວ ເຊິ່ງສິ່ງດັ່ງກ່າວ ແມ່ນທັກສະອັນຈຳເປັນ ແລະເປັນພື້ນຖານໃນການພັດທະນາສີມືຂອງເຂົາເຈົ້າ.

ໃນບັນດາຂະແໜງການທີ່ຂະຫຍາຍຕົວໄວຂອງປະເທດ ເຊັ່ນ ການກໍ່ສ້າງ ແລະ ການທ່ອງທ່ຽວ ຍັງຂາດແຮງງານ ທີ່ມີສີມືດີຢ່າງຫຼວງຫຼາຍ. ຍົກຕົວຢ່າງ ການປະກາດເອົາແຮງງານລາວ ບັນຈຸເຂົ້າໃນໂຄງການກໍ່ສ້າງທາງລົດໄຟລາວ-ຈີນ ເມື່ອປີຜ່ານມາ ທີ່ເພິ່ນຕ້ອງການຫຼາຍພັນຄົນ (ປະມານ 8 ພັນຄົນ) ແຕ່ຕົວຈິງແລ້ວ ມີຄົນສະໝັກ ບໍ່ພໍເທົ່າໃດ ເຊິ່ງຈຳເປັນຕ້ອງນຳເຂົ້າແຮງງານຈາກ ສປ ຈີນ ຈໍານວນຫຼາຍພັນຄົນ ແລະໂຄງການກໍ່ສ້າງຂະໜາດໃຫຍ່ຫຼາຍໂຄງການພາຍໃນປະເທດ ກໍມີລັກສະນະຄ້າຍຄືກັນ. ພ້ອມນັ້ນ, ຂະແໜງການບໍລິການ ການທ່ອງທ່ຽວກໍຍັງມີຄວາມຕ້ອງການ ແຮງງານ ທີ່ມີຄຸນນະພາບຈຳນວນຫຼວງຫຼາຍເຊັ່ນກັນ.

ແຮງງານລາວ ກ້າວສູ່ລະດັບໃໝ່ - 1 1 - ແຮງງານລາວ ກ້າວສູ່ລະດັບໃໝ່
ແຮງງານລາວ ກ້າວສູ່ລະດັບໃໝ່ - lattana 1 - ແຮງງານລາວ ກ້າວສູ່ລະດັບໃໝ່

ຄວາມຈິງແລ້ວ ລັດຖະບານກໍໄດ້ພະຍາຍາມແກ້ໄຂບັນຫານີ້ເລື້ອຍມາ, ນັບແຕ່ການສົ່ງເສີມການຮຽນ ວິຊາຊີບ (ແທນທີ່ ຊິເຮີ່ກັນຮຽນແຕ່ຂັ້ນມະຫາວິທະຍາໄລໝົດ) ໂດຍໃຫ້ທຶນຊຸກຍູ້ ເພື່ອແນໃສ່ສົ່ງເສີມການພັດທະນາສີມືແຮງງານລາວ.

ຄຽງຄູ່ກັນນີ້, ໃນກອງປະຊຸມສໍາມະນາສົ່ງເສີມການພັດທະນາສີມືແຮງງານແລະຈັດຫາງານໃນວັນທີ 4 ມັງກອນ 2019ນີ້ ກະຊວງແຮງງານ ແລະສະຫວັດດິການ ສັງຄົມ ໄດ້ປະກາດວ່າ ລັດຖະບານຈະພັດທະນາສີມືແຮງງານໃໝ່ໃຫ້ໄດ້ 658.080 ຄົນພາຍໃນປີ 2020 ໃນນັ້ນຂົງເຂດກະສິກໍາ ກວມຫຼາຍກວ່າໝູ່ ຄື 510.521 ຄົນ, ຮອງລົງມາກໍແມ່ນ ຂົງເຂດບໍລິການຄື 95.555ຄົນແລະ ອຸດສາຫະກໍາ 52.004 ຄົນ.

ພ້ອມນັ້ນ, ລັດຖະບານຍັງຈະສ້າງມາດຕະຖານສີມືແຮງງານໃຫ້ໄດ້ 25 ສາຂາວິຊາຊີບ, ເຮັດການທົດສອບ-ອອກແບບໃບຢັ້ງຢືນໃຫ້ໄດ້ 21 ສາຂາວິຊາຊີບເພື່ອຕອບສະໜອງຄວາມຕ້ອງການຂອງຕະຫຼາດແຮງງານໃນອະນາຄົດແລະໃນປີ 2018 ທີ່ຜ່ານມາ ທົ່ວປະເທດສາມາດສ້າງແຮງງານທີ່ມີສີມືໃໝ່ໄດ້ຫລາຍແສນຄົນ.

ໃນຕົວເລກ 6 ແສນກວ່າຄົນດັ່ງກ່າວ ກໍຫາກເປັນຈຳນວນຫຼາຍສົມຄວນ, ຖ້າພວກເຮົາສາມາດສ້າງໃຫ້ເຂົາເຈົ້າ ກາຍເປັນແຮງງານທີ່ມີສີມືມີຄວາມຊຳນານງານ ພຽບພ້ອມກັບ ຄຸນສົມບັດຕ່າງໆ ບໍ່ວ່າຈະເປັນການມີລະບຽບ, ມີຄວາມຮັບຜິດຊອບ ແລະດຸໝັ່ນ ຫ້າວຫັນແລ້ວ ຈະເຮັດໃຫ້ແຮງງານລາວ ກ້າວສູ່ລະດັບໃໝ່ ບໍ່ໃຫ້ໃຜມາຍາດອາຊີບໄດ້ອີກແລ້ວ!

error: Content is protected !!