ກອງທັບປະຊາຊົນລາວເກີດ ແລະ ເຕີບໃຫຍ່ກັບການຕໍ່ສູ້

ກອງທັບປະຊາຊົນລາວເກີດ ແລະ ເຕີບໃຫຍ່ກັບການຕໍ່ສູ້ - advert banner 728 90 728x90 - ກອງທັບປະຊາຊົນລາວເກີດ ແລະ ເຕີບໃຫຍ່ກັບການຕໍ່ສູ້

ໂດຍ: ທິດກ່ຳ

ຖ້າເອີ່ຍເຖິງພາລະກຳ ປະຫວັດສາດຂອງກອງທັບປະຊາຊົນລາວເຮົາແລ້ວ ຖືວ່າໄດ້ເກີດ ແລະ ເຕີບໃຫຍ່ໃນຂະບວນການຕໍ່ສູ້ປະຕິວັດ ຢ່າງຢືດເຍື້ອຍາວນານ.

ກ່ອນທ່ານ ປະທານ ໄກສອນ ພົມວິຫານ ປະກາດສ້າງຕັ້ງກອງທັບລາວອິດສະຫລະ ໃນວັນທີ 20 ມັງກອນ 1949 ຂະບວນການຕໍ່ສູ້ເພື່ອເອກະລາດຕ້ານຈັກກະພັດຜູ້ມາຮຸກຮານແມ່ນມີແຕ່ເຫິງນານ ແລະ ແກ່ຍາວມາຫລາຍ ປີແລ້ວເຊັ່ນ: ຂະບວນການຕໍ່ສູ້ຂອງພໍ່ກະດວດ, ເຈົ້າຟ້າປັດໄຈ, ອົງແກ້ວກົມມະດຳໃນຊຸມປີ 1901, ມາຮອດປີ 1945 ກໍໄດ້ມີຂະບວນການ ແນວລາວອິດສະຫລະ, ມາເຖິງວັນທີ 21 ມີນາ 1946 ກໍມີຂະບວນການສູ້ຮົບດຸ ເດືອດຢ່າງໃຫຍ່ຫລວງ ແລະ ຂ້ຽວຂາດຢູ່ເມືອງທ່າແຂກພາຍໃຕ້ການບັນຊາໂດຍ ກົງຂອງທ່ານ ປະທານ ສຸພານຸວົງ ແລະ ສືບຕໍ່ໆກັນມາຈົນຮອດປີ 1949 ຈຶ່ງໄດ້ ປະກາດຈັດຕັ້ງກອງທັບລາວອິດສະຫລະຂຶ້ນຢ່າງເປັນທາງການ.

ເມື່ອໄດ້ປະກາດກອງທັບແນວລາວອິດສະຫລະ ຢ່າງເປັນທາງການແລ້ວ, ກໍຖືວ່າມີການຈັດຕັ້ງຄຸ້ມຄອງ  ແລະ ບັງຄັບບັນຊາຢ່າງຄັກແນ່ ເຊິ່ງການເຄື່ອນໄຫວ ຕໍ່ສູ້ໃນເວລາເລີ່ມຕົ້ນແມ່ນຍັງ ຢູ່ໃນການຊີ້ນຳລວມຈາກຂະບວນການປະຕິວັດອິນດູຈີນ ຈົນມາຮອດວັນທີ 22 ມີນາ 1955 ຈຶ່ງໄດ້ແຍກພັກອອກເປັນສາມພັກ ແລະ ປະກາດເປັນພັກປະຊາຊົນ ລາວ ກອງທັບລາວ ອິດສະຫລະ ຈຶ່ງມີການຊີ້ນຳ ໂດຍກົງຈາກພັກ ແລະ ໄດ້ວາງແນວທາງການຕໍ່ສູ້ຢ່າງ ມີ ເປົ້າໝາຍຢ່າງຈະແຈ້ງ.

ນັບແຕ່ມື້ສ້າງຕັ້ງກອງທັບລາວອິດສະຫລະຖືວ່າ ຂະບວນການຕໍ່ສູ້ຕ້ານສັດ ຕູຜູ້ຮຸຸກຮານກໍໄດ້ຮັບໄຊຊະນະເປັນກ້າວໆມາ, ຂະບວນການປະຕິວັດກໍນັບມື້ຂະຫຍາຍອອກເປັນວົງກວ້າງ ສາມາດຢຶດເອົາສອງແຂວງ ເຕົ້າໂຮມຊຳເໜືອ, ຜົ້ງສາລີ ແລ້ວກໍຂະຫຍາຍລົງສູ່ພາກກາງ ແລະ ພາກໃຕ້.

ຕະຫລອດພາລະກິດ ແຫ່ງການຕໍ່ສູ້ຕ້ານຈັກກະພັດຝຣັ່ງ ແລະ ອາເມລິກາ ທີ່ເປັນມະຫາອຳນາດ ແລະ ເປັນທັງຈັກກະພັດສອງໂຕ ໃຫຍ່, ມີທັງອາວຸດຢຸດໂທປະກອນທີ່ເໜືອກວ່ານັ້ນກອງທັບລາວອິດສະຫລະ, ກອງທັບປົດປ່ອຍປະຊາຊົນໃນ ເມື່ອກອນກໍຄືກອງທັບປະຊາຊົນລາວ ໃນປັດຈຸບັນໄດ້ອຸທິດພາລະກິດອັນຍິ່ງໃຫຍ່ ຂອງຕົນໃຫ້ແກ່ປະເທດຊາດ, ຈົ່ງຮັກພັກດີຕໍ່ພັກ  ແລະ ຮັບໃຊ້ປະຊາຊົນຕະຫລອດມາຈົນມາປີ 1975 ກໍສາມາດປົດປ່ອຍໄດ້ໃນທົ່ວ ປະເທດຢ່າງສົມບູນແບບ.

ກອງທັບປະຊາຊົນລາວເກີດ ແລະ ເຕີບໃຫຍ່ກັບການຕໍ່ສູ້ - lattana 1 - ກອງທັບປະຊາຊົນລາວເກີດ ແລະ ເຕີບໃຫຍ່ກັບການຕໍ່ສູ້
ກອງທັບປະຊາຊົນລາວເກີດ ແລະ ເຕີບໃຫຍ່ກັບການຕໍ່ສູ້ - 1 1 - ກອງທັບປະຊາຊົນລາວເກີດ ແລະ ເຕີບໃຫຍ່ກັບການຕໍ່ສູ້

ພາຍຫລັງໄດ້ຮັບໄຊຊະ ນະ ໃນພາລະກິດປົດປ່ອຍ ຊາດແລ້ວ, ກອງທັບປະຊາ ຊົນລາວຍັງຕ້ອງໄດ້ອອກ ແຮງຕໍ່ສູ້ກັບສ້ຽນໜາມຂອງ ລະບອບເກົ່າທີ່ໄດ້ປະໄວ້ ແລະ ຍັງໄດ້ເຮັດຫລ້ອນໜ້າທີ່ຕີ ຕ້ານການບຸກລຸກຮຸກຮານ ຂອງຕ່າງຊາດທີ່ມີເຈດຕະ ນາບຽດຢຶດເອົາ 3 ບ້ານຂອງ ແຂວງໄຊຍະບູລີໃນ ປີ 1986.

ນອກຈາກພາລະກິດທີ່ ໄດ້ກ່າວມາໃນຂ້າງເທິງນີ້ ແລ້ວ, ໃນຂົງເຂດປ້ອງກັນຊາດ, ປ້ອງກັນຄວາມສະຫງົບ, ການພັດທະນາເສດ ຖະກິດ-ສັງຄົມອື່ນໆ ຂອງປະເທດຖັນແຖວກອງທັບ ກໍໄດ້ເຮັດຫລ້ອນໜ້າທີ່ຂອງ ຕົນຢ່າງໃຫຍ່ຫລວງ.

ຕະຫລອດ 43 ປີ ປະເທດຊາດບ້ານເມືອງເຮົາມີຄວາມສະຫງົບສຸກຮົ່ມເຢັນທັງບໍ່ມີ ສັດຕູໝູ່ມານຕົວໃດທີ່ສາ ມາດເຂົ້າມາບຸກລຸກຮຸກຮານທຳລາຍ ແລະ ບຽດຢຶດ ຈົນມາຮອດທຸກວັນນີ້ກອງທັບ ປະຊາຊົນລາວກໍນັບມື້ເຕີບ ໃຫຍ່ເຂັ້ມແຂງທາງດ້ານປະລິມານ ແລະ ຄຸນນະພາບສົມ ກັບວ່າໄດ້ເກີດ ແລະ ເຕີບໃຫຍ່ ໃນຂະບວນການຕໍ່ສູ້ປະຕິວັດອັນເປັນມູນເຊື້ອປະຫວັດສາດໃນຍຸກໃໝ່ຂອງຊາດລາວຄົນລາວທີ່ບໍ່ທັນເຄີຍມີມາໃນ ອະດີດສາມສີ່ຮ້ອຍປີ./.

ກອງທັບປະຊາຊົນລາວເກີດ ແລະ ເຕີບໃຫຍ່ກັບການຕໍ່ສູ້ - 458977 - ກອງທັບປະຊາຊົນລາວເກີດ ແລະ ເຕີບໃຫຍ່ກັບການຕໍ່ສູ້
(ພາບປະກອບ)
error: Content is protected !!