ຈັນທະພອນ ແຫວນວົງສົດ ຍ້າຍຮ່ວມ ສະໂມສອນ ຂອນແກ່ນ ເອັຟຊີ ລຸຍໄທລີກ 2

ຈັນທະພອນ ແຫວນວົງສົດ ຍ້າຍຮ່ວມ ສະໂມສອນ ຂອນແກ່ນ ເອັຟຊີ ລຸຍໄທລີກ 2 - advert banner 728 90 728x90 - ຈັນທະພອນ ແຫວນວົງສົດ ຍ້າຍຮ່ວມ ສະໂມສອນ ຂອນແກ່ນ ເອັຟຊີ ລຸຍໄທລີກ 2

      ວັນ​ທີ 17 ມັງ​ກອນນີ້, ຈັນທະພອນ ແຫວນວົງສົດ ໄດ້​ເປີດ​ເຜີຍ​ວ່າ​ຕົນ​ເອງ​ໄດ້​ຕົກ​ລົງ​ເຊັນ​ສັນ​ຍາ​ກັບສະ​ໂມ​ສອນ ຂອນ​ແກ່ນ ​ເອັຟຊີ ຢ່າງ​ເປັນ​ທາງ​ການ​ ດ້ວຍ​ສັນ​ຍາ​ 1 ປີ ພາຍຫຼັງໝົດສັນຍາກັບສະໂມສອນ ນານ ເອັຟ​ຊີ.

ຈັນທະພອນ ແຫວນວົງສົດ ຍ້າຍຮ່ວມ ສະໂມສອນ ຂອນແກ່ນ ເອັຟຊີ ລຸຍໄທລີກ 2 - new3 - ຈັນທະພອນ ແຫວນວົງສົດ ຍ້າຍຮ່ວມ ສະໂມສອນ ຂອນແກ່ນ ເອັຟຊີ ລຸຍໄທລີກ 2

      ຈັນທະພອນ ແຫວນວົງສົດ ຍັງໄດ້ໃຫ້ສຳພາດວ່າ: ພາຍຫຼັງທີ່ສໍາເລັດພາລະກິດກັບ ທີມຊາດລາວຊຸດໃຫຍ່ ລຸຍ ເອເອັຟເອັຟ ຊູຊຸກິ ຄັບ 2018 ທາງສະໂມສອນ ຂອນແກ່ນ ເອັຟຊີ ເຫັນເຖິງຜົນງານທີ່ຜ່ານມາທັງໃນທີມຊາດ ແລະ ສະໂມສອນ ຈຶ່ງໄດ້ດຶງມາຮ່ວມຝຶກຊ້ອມນັບແຕ່ປີຜ່ານມາ ແລະ ກໍ​ຕ​ັ້ງເປົ້າໝາຍສ້າງຜົນງານໃຫ້ດີທີ່ສຸດ ແລະ ຫວັງພາທີມຂຶ້ນໄທລີກ 1 ລະດູການໜ້າ.

       ສໍາລັບ ຈັນທະພອນ ແຫວນວົງສົດ ເກີດວັນທີ 4 ພະຈິກ 1994 ທີບ້ານໂພນທັນ ເມືອງໄຊເສດຖາ ນະຄອນຫຼວງວຽງຈັນ ສາມາດຫຼິ້ນໄດ້ທັງກອງກາງ ແລະ ກອງໜ້າ ໂດຍມີສ່ວນສູງ 168 ຊັງຕີແມັດ ແລະ ໜັກ 65 ກິໂລ ຕິດທີມຊາດແຕ່ຊຸດ 13 ປີຈົນເຖິງຊຸດ​ໃຫ​ຍ່ ເຊິ່ງ​ເປັນ​ກຳ​ລັງ​ຫລັກ​ທີມ​ຊາດ​ລາວຊຸດ​ໃຫ​ຍ່ໃນ​ປັດ​ຈຸ​ບັນ. ສ່ວນການ​ແຂ່ງ​ຂັນ​ລະ​ດັບສະໂມສອນເຄີຍຫຼິ້ນໃຫ້​ຫລາຍ​ສະໂມສອນທະນາຄານລາວ ໄດ້ແຊມລາວລີກ 2010-2012, ຫຼິ້ນໃຫ້ກັບສະໂມສອນ ນະຄອນຫຼວງ ເອັຟຊີ ໃນລະດູການ 2012-2013 ໄດ້ອັນດັບ 3 ລາວລີກ, ຫຼິ້ນໃຫ້ກັບ ສະໂມສອນ ຮວງແອງ ອັດຕະປື ລະຫວ່າງປີ 2014-2015 ພາທີມຄວ້າແຊມລາວພຣີເມຍລີກ 2014, ຫຼິ້ນໃຫ້ກັບ ສະໂມສອນ ໄຟຟ້າລາວ ຄວ້າອັນດັບ 4 ຂອງລາວພຣີເມຍລີກ 2016, ຫຼິ້ນໃຫ້ກັບ ສະໂມສອນ ນະຄອນຫຼວງ ຢູໄນເຕັດ ໃນປີ 2017 ແລະ ຫຼິ້ນໃຫ້ກັບ ນານ ເອັຟຊີ ໃນໄທລີກ 4 ພາທີມຄວ້າອັນດັບ 2 ໃນປີ 2018.

ຈັນທະພອນ ແຫວນວົງສົດ ຍ້າຍຮ່ວມ ສະໂມສອນ ຂອນແກ່ນ ເອັຟຊີ ລຸຍໄທລີກ 2 - lattana 1 - ຈັນທະພອນ ແຫວນວົງສົດ ຍ້າຍຮ່ວມ ສະໂມສອນ ຂອນແກ່ນ ເອັຟຊີ ລຸຍໄທລີກ 2

         ທັງ​ນີ້ ຈັນ​ທະ​ພອນ ເປັນ​ນັກ​ເຕະລາວຄົນ​ທີ 3 ຕໍ່​ຈາກ ກັນ​ລະ​ຍາ ສີ​ສົມ​ຫວັງ ແລະ ຄຳ​ແພງ ໄຊ​ຍະ​ວຸດ​ທິ ທີ່​ເຄີຍ​ຫລິ້ນ​ໃຫ້​ກັບ ສະ​ໂມ​ສອນ ຂອນ​ແກ່ນ ເອັ​ຟ​ຊີ.

        ມາ​ຮອດປີ 2019 ມີ​ນັກ​ເຕະຈາກລາວເຊ​ັນສັນ​ຍາ​ເປັນ​ທາງ​ການ​ຫລິ້ນ​ຢູ່​ລີກ​ປະ​ເທດ​ໄທ ມີ 8 ຄົນ ປະ​ກອບ​ມີ: ສຸກອ​າ​ພອນ ວົງ​ຈຽງ​ຄຳ (ໄຊ​ນາດ ເອັ​ຟ​ຊີ ໄທ​ລີກ 1), ຈັນ​ທະ​ພອນ ແຫວນ​ວົງ​ສົດ (ຂອນ​ແກ່ນ ເອັ​ຟ​ຊີ ໄທ​ລີກ 2), ຈັນ​ທະ​ຈອນ ທີ​ໂນ​ລາດ (ຣະ​ຢອງ ເອັ​ຟ​ຊີ ໄທ​ລີກ 2), ພຸດ​ທະ​ໄຊ ໂຄ​ຈະ​ເລີນ (ນະ​ຄອນ​ປະ​ຖົມ ​ຢູ​ໄນ​ເຕັດ ໄທ​ລີກ 3), ແສງວິ​ໄລ ຈັນ​ທະ​ສິ​ລິ (ພິດ​ສະ​ນຸ​ໂລກ ເອັ​ຟ​ຊີ 2015 ໄທ​ລີກ 4), ທົດ​ນີ​ລາດ ສີ​ບຸນ​ເຮືອງ (ພັດ​ທະ​ລຸງ ເອັ​ຟ​ຊີ ໄທ​ລີກ 4), ມິດ​ສະ​ດາ ສາຍ​ໃຕ້ຟ້າ (ປັດ​ຕາ​ນີ ເອັ​ຟ​ຊີ ໄທ​ລີກ 4) ແລະ ພັດ​ທະ​ນາ ພົມ​ມະ​ເທດ (ອະ​ຄ​າ​ເດ​ມີ ຊົນ​ບູ​ຣີ ເອັ​ຟ​ຊີ).

error: Content is protected !!