ເອຊຽນຄັບ 2019 ຫວຽດນາມ ຊະນະ ເຢເມນ ມີລຸ້ນເຂົ້າຮອບ 16 ທີມສຸດທ້າຍ

ເອຊຽນຄັບ 2019 ຫວຽດນາມ ຊະນະ ເຢເມນ ມີລຸ້ນເຂົ້າຮອບ 16 ທີມສຸດທ້າຍ - advert banner 728 90 728x90 - ເອຊຽນຄັບ 2019 ຫວຽດນາມ ຊະນະ ເຢເມນ ມີລຸ້ນເຂົ້າຮອບ 16 ທີມສຸດທ້າຍ

      ​ເຕະບານ​ຊາຍຊີງ​ແຊ້ມອາຊີ ຫລື ​ເອຊຽນຄັບ 2019 ທີ່​ສະຫະລັດ​ອາຣັບ​ເອມິ​ເຣດ ​ໃນ​ວັນ​ທີ 16 ມັງກອນ 2019 ນັດ​ສຸ​ດທ້າຍ​ຂອງ​ກຸ່ມ D ທີ​ມຊາດ​ຫວຽດນາມ ​ແຊ້ມອາ​ຊຽນ 2018 ພົບ​ກັບ ທີ​ມຊາດ​ເຢ​ເມນ ນ້ອງ​ໃໝ່ ທັງ​ສອງ​ທີ​ມຕ້ອງການ​ຊະນະ​ຫລາຍ​ໜ່ວຍ​ເທົ່າ​ໃດ​ຍິ່ງ​ດີ ​ເພື່ອ​ລຸ້ນ​ເຂົ້າຮອບ​ໃນ​ຖານະ​ອັນ​ດັບ 3 ດີ​ສຸດ 1 ​ໃນ 4 ທີ​ມຈາກ 6 ກຸ່ມ ​ແລະ ນັດ​ນີ້​ກາຍ​ເປັນ ຫວຽດນາມ ​ເຮັດ​ໄດ້​ດີກ​ວ່າ ​ເອົາ​ຊະນະ ​ເຢ​ເມນ 2-0 ຈາກ​ການ​ຍິງ​ຂອງ ຫງຽນກວາງ​ຫ໊າຍ ຍິງ​ຟຣີຄິກສຸດ​ງາມ ນາທີ 38 ​ແລະ ​ເກ​ວງ໊ອກຫ໊າຍ ຍິງ​ຈຸດ​ໂທດ ນາທີ 64. ຂະນະ​ທີ່ ອີຣານ ​ແຊ້ມ 3 ສະ​ໄໝ ສະ​ເໝີ​ກັບ ອີຣັກ ​ແຊ້ມ 1 ສະ​ໄໝ 0-0.

      ກຸ່ມ​ນີ້​ຈົບ 3 ນັດ ອີຣານ ​ເປັນ​ທີ 1 ມີ 7 ຄະ​ແນນ ປະຕູ​ໄດ້​ເສຍ +7, ທີ 2 ອີຣັກ ມີ 7 ຄະ​ແນນ ປະຕູ​ໄດ້​ເສຍ +4 ທັງ​ສອງ​ເຂົ້າຮອບ 16 ທີ​ມສຸດ​ທ້າຍ ​ໂດຍ ອີຣານ ລໍຖ້າ​ພົບ​ກັບ​ທີ 3 ຂອງ​ກຸ່ມ B, E, F. ສ່ວນ​ ອີຣັກ ລໍຖ້າ​ພົບ​ກັບ​ທີ 1 ຂອງ​ກຸ່ມ E. ຂະນະ​ທີ່ ຫວຽດນາມ ມີ 3 ຄະ​ແນນ ປະຕູ​ໄດ້​ເສຍ -1 ຍັງ​ມີ​ໂອກາດ​ເຂົ້າຮອບ​ໃນ​ຖານະ​ອັນ​ດັບ 3 ດີ​ສຸດ 1 ​ໃນ 4 ທີ​ມຈາກ 6 ກຸ່ມ.

ເອຊຽນຄັບ 2019 ຫວຽດນາມ ຊະນະ ເຢເມນ ມີລຸ້ນເຂົ້າຮອບ 16 ທີມສຸດທ້າຍ - lattana 1 - ເອຊຽນຄັບ 2019 ຫວຽດນາມ ຊະນະ ເຢເມນ ມີລຸ້ນເຂົ້າຮອບ 16 ທີມສຸດທ້າຍ
ເອຊຽນຄັບ 2019 ຫວຽດນາມ ຊະນະ ເຢເມນ ມີລຸ້ນເຂົ້າຮອບ 16 ທີມສຸດທ້າຍ - 1 1 - ເອຊຽນຄັບ 2019 ຫວຽດນາມ ຊະນະ ເຢເມນ ມີລຸ້ນເຂົ້າຮອບ 16 ທີມສຸດທ້າຍ
error: Content is protected !!