ປະທານ ໂຮ່ຈີມິງ ກັບວຽກງານສື່ມວນຊົນ II ( ຕໍ່ຈາກຄັ້ງທີ່ແລ້ວ )

- advert banner 728 90 728x90 - ປະທານ ໂຮ່ຈີມິງ ກັບວຽກງານສື່ມວນຊົນ II ( ຕໍ່ຈາກຄັ້ງທີ່ແລ້ວ )

 

- new3 - ປະທານ ໂຮ່ຈີມິງ ກັບວຽກງານສື່ມວນຊົນ II ( ຕໍ່ຈາກຄັ້ງທີ່ແລ້ວ )

ປະທານ ​ໂຮ່ຈີ​ມິ​ງ ​ໃຫ້​ທັດສະນະ​ໄວ້​ວ່າ: ຂ່າວສານ​ທີ່​ດີ​ລ້ວນ​ແຕ່​ມີ​ສອງ​ດ້ານ​ໃນ​ການ​ນຳ​ສະ​ເໜີ​ບັນຫາ​ໃດ​ໜຶ່ງ​ນັ້ນ​ແມ່ນ​ການ​ຕໍ່ຕ້ານ ​ແລະ ການ​ກໍ່ສ້າງ. ໝາ​ຍວ່າ​ຕ້ານ​ເພື່ອ​ການ​ກໍ່ສ້າງ. ດັ່ງນັ້ນ ຜູ້​ຂຽນ​ຂ່າວ​ຕ້ອງ​ຮູ້​ຊອກ ​ແລະ ຮູ້​ຍົກ​ໃຫ້​ເຫັນ​ອັນ​ດີ, ອັນຕັ້ງໜ້າ​ຂອງ​ສັງຄົມ, ​ແຕ່​ຂະນະ​ດຽວ​ກັນ ກໍ​ຕ້ອງ​ຮູ້​ຕຳ​ນິວິຈານ​ບັນດາ​ຈຸດ​ອ່ອນ ​ແລະ ຂໍ້​ຂາດ​ຕົກ​ບົກ​ຜ່ອງ​ອັນ​ບໍ່​ດີ​ດ້ວຍ​ຄວາມ​ສ້າງສັນ, ບໍ່​ແມ່ນ​ຮູ້​ແຕ່​ຂຽນ​ອັນ​ດີ, ອັນ​ຈົບ​ອັນ​ງາມ ​ແລ້ວ​ປິດ​ບັງ​ອັນ​ບໍ່​ດີ, ​ແຕ່​ການ​ເຮັດ​ວຽກ​ຕຳ​ນິວິຈານ​ຕ້ອງ​ຈິງ​ໃຈ, ສັດ​ຊື່​ບໍລິສຸດ ​ແລະ ຖືກຕ້ອງ​ຕາມ​ຄວາມ​ເປັນ​ຈິງ ​ແລະ ບໍ່​ຄວນ​ເວົ້າ​ໂຍກ​ເກີນ​ໄປ ​ເພື່ອ​ຜູ້​ບໍ່​ຫວັງ​ດີ​ສວຍ​ໃຊ້ ​ແລະ ​ແຕ່​ລະ​ບົດ​ຂຽນ, ບົດ​ຂ່າວ​ຕ້ອງ​ຂຽນ​ແນວ​ໃດ, ນຳ​ໃຊ້​ສັບ​ຄຳ​ເວົ້າ​ແນວ​ໃດ ​ເພື່ອ​ນຳ​ສະ​ເໜີ ​ແລະ ຊີ້​ແຈງ​ບັນຫາ​ໃດ​ໜຶ່ງ​ໄດ້​ຢ່າງ​ທຳ​ມະ​ຊາດ ​ແລະ ​ແທດ​ເໝາະ​ກັບ​ຄວາມ​ຮັບ​ຮູ້, ​ເຂົ້າ​ໃຈ​ຂອງ​ແຕ່ລະ​ເປົ້າໝາຍ​ຜູ້​ອ່ານ. ໝາຍວ່າ​ຕ້ອງ​ເລີ່​ມຈາກ​ເຫດການ ​ແລະ ປາກົດການ​ຕົວ​ຈິງ​ທີ່​ເກີດ​ຂຶ້ນ​ໃນ​ຊີວິດ​ປະຈຳ​ວັນ​ຂອງ​ປະຊາຊົນ​ເຮົາ ​ແລະ ຜູ້​ຂຽນ​ຕ້ອງ​ຮູ້​ເລືອກ​ເຟັ້ນ​ເອົາ​ສິ່ງ​ທີ່​ດີ-ມີ​ປະ​ໂຫຍ​ດ ​ແລະ ສິ່ງ​ບໍ່​ດີ​ທີ່​ຈະ​ຕ້ອງ​ໄດ້​ຕໍ່ຕ້ານ​ມາ​ໃຫ້​ຜູ້​ອ່ານ​ຜູ້​ຟັງ​ໄດ້​ຢ່າງ​ຖືກຕ້ອງ​ຊັດ​ເຈນ.

 

- 26 nam 1 - ປະທານ ໂຮ່ຈີມິງ ກັບວຽກງານສື່ມວນຊົນ II ( ຕໍ່ຈາກຄັ້ງທີ່ແລ້ວ )

 

+ ຮໍ່າຮຽນ​ເອົາ​ແນວ​ຄິດ ​ແລະ ລັກສະນະ​ສື່​ມວນ​ຊົນ​ຂອງ​ປະທານ ​ໂຮ່ຈີ​ມິ​ງ:

ອາ​ໄສ​ຄວາມ​ວ່ອງ​ໄວ, ທັນ​ເຫດການ, ບັນດາ​ຂໍ້​ມູນ​ຂ່າວສານ​ທີ່​ລະອຽດ​ຊັດ​ເຈນ​ນັ້ນ, ສື່​ມວນ​ຊົນ​ປະຕິວັດ​ໄດ້​ປະກອບສ່ວນ​ສຳຄັນ​ເຂົ້າ​ໃນ​ການ​ເປີດ​ໜ້າ​ກາກ ​ແລະ ​ໂທດ​ກຳ​ຂອງ​ພວກ​ສັດຕູ ​ແລະ ສາມາດ​ປຸກລະດົມ​ຂົນຂວາຍ​ການ​ສະໜັບສະໜູນ​ອຸ້ມ​ຊູ​ຊ່ວຍ​ເຫລືອຂອງ​ບັນດາ​ປະຊາ​ຊາດ​ຜູ້​ຖືກ​ກົດ​ຂີ່​ຂູດ​ຮີດ ​ແລະ ຂອງ​ປະຊາຊົນ​ຜູ້​ຮັກຫອມ​ສັນຕິພາບ​ໃນ​ທົ່ວ​ໂລກ​ເຂົ້າຮ່ວມ​ຂະ​ບວນການ​ປະຕິວັດ​ໄດ້​ນັບ​ມື້ຂະຫຍາຍຕົວ​ຢ່າງ​ແຂງ​ແຮງ ນັບ​ທັງ​ຢູ່​ໃນ​ກະ​ໂຕ​ປະ​ເທດ​ສັກ​ດີ​ນາ​ຫົວ​ເມືອງ​ຂຶ້ນ ​ແລະ ຈັກກະພັດ​ເອງ.

 

- bac ho nguoi sang lap nen bao chi cach mang viet nam - ປະທານ ໂຮ່ຈີມິງ ກັບວຽກງານສື່ມວນຊົນ II ( ຕໍ່ຈາກຄັ້ງທີ່ແລ້ວ )

- lattana 1 - ປະທານ ໂຮ່ຈີມິງ ກັບວຽກງານສື່ມວນຊົນ II ( ຕໍ່ຈາກຄັ້ງທີ່ແລ້ວ )

 

ກໍ​ດັ່ງ​ຢູ່​ປະ​ເທດ​ເຮົາ ບົນ​ພື້ນຖານ​ແນວທາງ​ການ​ເມືອງ​ທີ່​ຖືກຕ້ອງ, ກຳລັງ​ສື່​ມວນ​ຊົນ​ປະຕິວັດ​ໄດ້​ມີ​ຄວາມ​ເຂັ້ມ​ແຂງ​ນຳ​ໜ້າ​ໃນ​ຂະ​ບວນການ​ຕໍ່ສູ້​ຢ່າງ​ອົງອາດ​ກ້າຫານ​ບົນ​ສະໜາມຮົບ​ແນວ​ຄິດ​ວັດທະນະທຳ, ​ໄຂ​ແຈ້ງ​ຈຸດປະສົງ​ເປົ້າໝາຍ​ຂອງ​ການ​ປະຕິວັດ, ​ແນວທາງ​ນະ​ໂຍບາຍ​ຂອງ​ພັກ ​ແລະ ລະບຽບ​ກົດໝາຍ​ຕ່າງໆ​ຂອງ​ລັດ, ອອກ​ແຮງ​ຕໍ່ສູ້​ຕ້ານ​ບັນດາ​ແນວ​ຄິດ​ພິດ​ເຂ​ວ ​ແລະ ການ​ເຄື່ອນ​ໄຫວ​ມ້າ​ງ​ເພ​ທຳລາຍ​ຂອງ​ອິດ​ທິກຳລັງ​ປໍ​ລະ​ປັກ​ໄດ້​ຢ່າງ​ມີ​ໄຊ ​ແລະ ​ແຕ່​ນັ້ນມາ ​ໄດ້​ຊ່ວຍ​ໃຫ້​ກຳລັງ​ການ​ປະຕິວັດ​ສາມາດ​ດຶງ​ດູດ​ມວນ​ຊົນ​ທົ່ວ​ທັງ​ຊາດ​ເຂົ້າຮ່ວມ​ເຮັດ​ການ​ປະຕິວັດ​ປົດ​ປ່ອຍ​ຊາດ, ສ້າງ​ຄວາມ​ເປັນ​ເອກະ​ພາບ​ຂອງ​ຊາດ, ​ໃນ​ນັ້ນລັກສະນະ​ຕໍ່ສູ້, ລັກສະນະ​ນຳ​ໜ້າ​ພາ​ທາງ ​ແລະ ລັກສະນະ​ມະຫາຊົນ​ຂອງ​ລັກສະນະ​ສື່​ມວນ​ຊົນ ​ໂຮ່ຈີ​ມິ​ງ ດ້ວຍ​ການສະ​ແດງ​ອອກ​ດ້ວຍ​ຄວາມ​ໂປ່​ງ​ໃສ, ຂີດ​ຂຽນ​ກະທັດ​ຮັດ​ເບົາບາງ ​ແຕ່​ມີ​ເນື້ອ​ໃນ​ເລິກ​ເຊິ່ງ ​ແລະ ​ແທດ​ເຖິງ​ຕົວ​ຈິງ ​ແລະ ສິ່ງ​ນັ້ນ​ໄດ້​ເຮັດ​ໃຫ້​ຜູ້​ຂຽນ​ຂ່າວ​ຮໍ່າຮຽນ ​ແລະ ນຳ​ໃຊ້​ເຂົ້າ​ໃນ​ການ​ປະຕິບັດ​ຕົວ​ຈິງ​ຢ່າງ​ມີ​ຜົນສຳ​ເລັດ.

 

ປະທານ ໂຮ່ຈີມິງ ກັບວຽກງານສື່ມວນຊົນ I

ປະທານ ໂຮ່ຈີມິງ ກັບວຽກງານສື່ມວນຊົນ III ( ຕໍ່ຈາກຄັ້ງທີ່ແລ້ວ )

 

ກ້າວ​ເຂົ້າສູ່​ໄລຍະ​ສັນຕິພາບ, ​ໄລຍະ​ປົກ​ປັກ​ຮັກສາ ​ແລະ ສ້າງສາ​ປະ​ເທດ​ດັ່ງ​ປັດຈຸບັນ, ສື່​ມວນ​ຊົນ​ປະຕິວັດ​ຍັງ​ສືບ​ຕໍ່​ເປັນ​ອາວຸດ​ອັນ​ແຫລມ​ຄົມ​ໃນ​ສະໜາມຮົບ​ແນວ​ຄິດ​ວັດທະນະທຳ, ສາມາດ​ຊ່ວຍ​ໃຫ້​ປະ​ຊາ​ຊົນ​ທັງ​ພາຍ​ໃນ ​ແລະ ຕ່າງປະ​ເທດ​ເຂົ້າ​ໃຈ​ແຈ້ງ​ຕໍ່​ທັດສະນະ, ​ແນວທາງ​ຂອງ​ພັກ, ນະ​ໂຍບາຍ ​ແລະ ລະບຽບ​ກົດໝາຍ​ຕ່າງໆ​ຂອງ​ລັດ, ໝາກຜົນ​ແຫ່ງ​ການຈັດຕັ້ງປະຕິບັດ​ແນວທາງ​ປ່ຽນ​ແປງ​ໃໝ່ ​ແລະ ການ​ເຊື່ອມ​ໂຍງ​ເຂົ້າກັບ​ສາກົນ​ຂອງ​ປະ​ເທດ​ເຮົາ, ​ໄດ້​ອອກ​ແຮງ​ຕໍ່ຕ້ານ​ຖ້ອຍ​ທຳນອງ​ບິດ​ເບືອນ​ໃສ່​ຮ້າຍ​ປ້າຍ​ສີ​ຂອງ​ພວກ​ບໍ່​ຫວັງ​ດີ, ​ໂຄສະນາ​ປຸກລະດົມ​ການ​ເພີ່ມ​ທະວີ​ຄວາມ​ສາມັກຄີ​ຂອງ​ປະຊາຊົນ​ບັນດາ​ເຜົ່າ​ດ້ວຍ​ຄວາມ​ໜັກ​ແໜ້ນ, ສາມາດ​ດຶງ​ດູດ​ການ​ສະໜັບສະໜູນ​ດ້ວຍ​ຄວາມ​ຈິງ​ຈິງ​ຂອງ​ບັນດາ​ປະ​ເທດ​ເພື່ອນມິດສາ​ກົນ, ສ້າງ​ສະພາບ​ແວດ​ລ້ອມ​ສັນຕິພາບ, ໝັ້ນຄົງ ​ເພື່ອ​ການ​ພັດທະນາ​ທີ່​ກ້າວໜ້າ.

error: Content is protected !!