ແມ່ຍິງຖືພາຄວນຫລີກເວັ້ນເຄື່ອງດື່ມປະເພດໃດແດ່

ແມ່ຍິງຖືພາຄວນຫລີກເວັ້ນເຄື່ອງດື່ມປະເພດໃດແດ່ - advert banner 728 90 728x90 - ແມ່ຍິງຖືພາຄວນຫລີກເວັ້ນເຄື່ອງດື່ມປະເພດໃດແດ່

     1. ອານກໍຮໍ : ມີຄຳເຕືອນຈາກແພດວ່າແມ່ຍິງຖືພາບໍ່ຄວນດື່ມເຄື່ອງດື່ມມຶນເມົາ ເນື່ອງຈາກອານກໍຮໍຈະສົ່ງກົງໄປຫາລູກໃນ ທ້ອງ ທຳລາຍພັດທະນາການສະໝອງ ແລະ ຮ່າງກາຍໄດ້. ອານກໍຮໍທຸກຊະນິດ ບໍ່ພຽງແຕ່ເຫລົ້າເທົ່ານັ້ນທີ່ສາມາດເຮັດໃຫ້ເກີດຄວາມສ່ຽງໄດ້ແຕ່ຍັງລວມໄປເຖິງເຄື່ອງດື່ມທີ່ມີອານກໍຮໍໜ້ອຍກ່ວາ ເຊັ່ນ : ເບຍ, ເຫລົ້າແວັງ, ສະປາຍ. ແນວໃດກໍຕາມ, ແພດເບິ່ງວ່າການດື່ມເຫລົ້າແວັງໃນປະລິມານໜ້ອຍໆ ເຊັ່ນ : 1 ຈອກສຳລັບບາງໂອກາດກໍຍັງເປັນເລື່ອງທີ່ປອດໄພຢູ່ ເຊິ່ງດື່ມເຫລົ້າແວັງ 1 ຈອກກັບອາຫານບໍ່ໄດ້ເກີດບັນຫາຕໍ່ການຖືພາ.

ແມ່ຍິງຖືພາຄວນຫລີກເວັ້ນເຄື່ອງດື່ມປະເພດໃດແດ່ - new3 - ແມ່ຍິງຖືພາຄວນຫລີກເວັ້ນເຄື່ອງດື່ມປະເພດໃດແດ່

     2. ຊາ ແລະ ກາເຟ : ປະລິມານກາເຟອີນທີ່ສູງເກີນໄປສາມາດເຮັດໃຫ້ເກີດຄວາມສ່ຽງຫລຸລູກໄດ້ ແຕ່ການດື່ມກາເຟບໍ່ຫລາຍ ຍັງຖືວ່າເປັນສິ່ງທີ່ປອດໄພຢູ່ ແພດແນະນຳວ່າການດື່ມກາເຟບໍ່ເກີນ 200 ມິນລີກຣາມ ຫລື ກາເຟສຳເລັດຮູບ 2 ຈອກຕໍ່ມື້ ຖືວ່າບໍ່ເປັນບັນຫາຕໍ່ສຸຂະພາບ. ຊາມີກາເຟອີນໜ້ອຍກ່ວາກາເຟ ດັ່ງນັ້ນຈຶ່ງມີແມ່ຍິງຖືພາຈຳນວນຫລາຍນິຍົມດື່ມຊາຂຽວ ເພາະຖືວ່າດີຕໍ່ສຸຂະພາບຫລາຍກ່ວາ, ບາງຄົນກໍຫັນໄປດື່ມກາເຟປາສະຈາກກາເຟອີນແທນ ເຖິງວ່າບາງຄົນຈະບໍ່ເຫັນດີວ່າກາເຟແບບນີ້ທຳລາຍສຸຂະພາບໄດ້ຫລາຍກ່ວາກາເຟປົກກະຕິ (ແນວໃດກໍຕາມ ກາເຟປາສະຈາກກາເຟອີນບາງຍີ່ຫໍ້ອາດມີກາເຟອີນຫລົງເຫລືອຢູ່ ປະມານ 1 – 3% ບໍ່ໄດ້ໝາຍຄວາມວ່າຈະປອດໄພເຕັມ 100%). ແຕ່ແນວໃດກໍຕາມ,  ເຄື່ອງດື່ມທັງ 2 ຊະນິດກໍຍັງເຮັດໃຫ້ເກີດຜົນຮ້າຍຢູ່ ດັ່ງນັ້ນຖ້າຈະດື່ມ ກໍໃຫ້ດື່ມໜ້ອຍລົງຈະດີກ່ວາ.

     3. ນຳ້ອັດລົມ : ມີເຫດຜົນຫລາຍຢ່າງວ່າເປັນຫຍັງທ່ານຈຶ່ງຄວນຫລຸດການດື່ມນຳ້ອັດລົມໃນເວລາຖືພາ ຂໍ້ທຳອິດແມ່ນນຳ້ອັດລົມ (ຫລາຍຊະນິດ) ມີກາເຟອີນ ເຊິ່ງທ່ານຄວນກຳນົດວ່າທ່ານຈະດື່ມໃນປະລິມານເທົ່າໃດຕໍ່ມື້.

     ນອກຈາກການດື່ມນຳ້ອັດລົມຈະບໍ່ເປັນຜົນດີຕໍ່ແຂ້ວຂອງທ່ານໃນໄລຍະຖືພາ ເພາະແຂ້ວຈະບາງ ແລະ ເປັນແຂ້ວແມງໄດ້ງ່າຍກ່ວາແມ່ຍິງບໍ່ຖືພາ ເນື່ອງຈາກການປ່ຽນແປງຂອງຮໍໂມນແລະຄວາມເປັນກົດໃນຜົ້ງປາກທີ່ເພີ່ມຂຶ້ນໃນໄລຍະຖືພາ ໂດຍສະເພາະຫາກທ່ານຮາກ ແລະ ມີອາການແສບຮ້ອນກາງເອິກ.

     – ການຫລຸດນຳ້ຕານກໍເປັນເລື່ອງສຳຄັນ : ເນື່ອງຈາກແມ່ຍິງຫລາຍຄົນຈະມີອາການເປັນເບົາຫວານໃນເວລາຖືພາ, ແຕ່ຢ່າຄິດວ່າການດື່ມນຳ້ອັດລົມແບບບໍ່ມີໄຂມັນຈະແກ້ໄຂບັນຫາໄດ້ ຜົນການສຶກສາໜຶ່ງສະແດງໃຫ້ເຫັນວ່າ : ການດື່ມນຳ້ອັດລົມທີ່ມີສານໃຫ້ຄວາມຫວານແທນນຳ້ຕານອາດເຮັດໃຫ້ເກີດລູກກ່ອນກຳນົດໄດ້.

ແມ່ຍິງຖືພາຄວນຫລີກເວັ້ນເຄື່ອງດື່ມປະເພດໃດແດ່ - lattana 1 - ແມ່ຍິງຖືພາຄວນຫລີກເວັ້ນເຄື່ອງດື່ມປະເພດໃດແດ່

     4. ຊາສະໝຸນໄພ : ທ່ານອາດຄິດວ່າຊາສະໝຸນໄພເປັນຄຳຕອບທີ່ສົມບູນແບບທີ່ສຸດ ເພາະຊາສະໝຸນໄພບໍ່ມີກາເຟອີນ, ແຕ່ແນວໃດກໍຕາມທ່ານຕ້ອງເລືອກຊາສະໝຸນໄພໃຫ້ດີ ເນື່ອງຈາກບາງປະເພດກໍມີສ່ວນປະສົມທີ່ບໍ່ສົ່ງຜົນດີຕໍ່ລູກໃນທ້ອງ. ຫາກທ່ານມັກຊາອິນເດຍ ເຊິ່ງເປັນສ່ວນປະສົມລະຫ່ວາງຊາດຳກັບສະໝຸນໄພ ເຄື່ອງຫອມນາໆຊະນິດ ທ່ານກໍຄວນຈະເລືອກແບບທີ່ບໍ່ມີຫ້ວານຮັດມົດລູກ ເຊິ່ງສາມາດເຮັດໃຫ້ກ້າມຊີ້ນມົດລູກຫົດຮັດໄດ້. ນອກຈາກນີ້, ທ່ານຄວນຫລີກເວັ້ນຊາໂສມ ເຊິ່ງມີລິດຮ້ອນ ແລະ ອາດເຮັດໃຫ້ພັດທະນາການໃນໄລຍະ 3 ເດືອນທຳອິດຂອງການຖືພາລ່າຊ້າໄດ້. ຊາຄາໂມມາຍ ແລະ ເປັບເປີມິ້ນ ນັ້ນປອດໄພ ແຕ່ກໍບໍ່ຄວນດື່ມຫລາຍ.

    5. ນຳ້ໝາກໄມ້ທີ່ບໍ່ໄດ້ພາສເຈີໄຣ : ເມື່ອທ່ານຊື້ນົມສົດ ແລະ ນຳ້ໝາກໄມ້ ທ່ານຄວນໝັ້ນໃຈວ່າເຄື່ອງດື່ມເຫລົ່ານີ້ໄດ້ຮັບການພາສເຈີໄຣມາແລ້ວ ເພື່ອປ້ອງກັນແບັກທີເຣຍທີ່ມາກັບອາຫານ ເຊັ່ນ  : ອີ.  ໂຄໄລ, ຊາລໂມເນລລາ ແລະ ລິສເຕີເຣຍ. ການຖືພາເຮັດໃຫ້ພູມຕ້ານທານຮ່າງກາຍຂອງທ່ານຕໍ່າລົງ ເຮັດໃຫ້ອາການອາຫານເປັນພິດຮຸນແຮງ ແລະ ກໍ່ຜົນເສຍໄດ້ຫລາຍຍິ່ງຂຶ້ນ. ຫາກທ່ານມັກດື່ມນຳ້ໝາກໄມ້ສົດຫລືນຳ້ປັ່ນທີ່ຫາຊື້ໄດ້ຕາມຮ້ານທົ່ວໄປກໍຄວນໝັ້ນໃຈວ່າສະອາດ, ຫາກບໍ່ໝັ້ນໃຈກໍໃຫ້ປັ່ນກິນເອງຈະດີທີ່ສຸດ.

error: Content is protected !!