ອາດຖືກປັບຕົກຮອບ ! ເລບັນເຕ້ ຈະເອົາຜິດ ບາເຊໂລນາ

ອາດຖືກປັບຕົກຮອບ ! ເລບັນເຕ້ ຈະເອົາຜິດ ບາເຊໂລນາ - advert banner 728 90 728x90 - ອາດຖືກປັບຕົກຮອບ ! ເລບັນເຕ້ ຈະເອົາຜິດ ບາເຊໂລນາ

     ຟຣານຊິ​ສ​ໂກ້ ຂາ​ເບຍ ກາ​ຕາ​ລັນ ຜູ້​ບໍລິຫານ​ໃຫຍ່ ​ເລ​ບັນ​ເຕ້ ປະກາດ​ຈະ​ຟ້ອງ​ຮ້ອງ ບາ​ເຊ​ໂລ​ນາ ​ເລື່ອງ​ສົ່ງ​ນັກ​ເຕະ​ທີ່​ຖືກ​ໂທດ​ຫ້າມ​ລົງ​ຫລິ້ນ​ໃນ​ເກ​ມ ​ໂກ​ປາ ​ເດລ ​ເຣ ຮອບ 16 ທີ​ມສຸດ​ທ້າຍ ນັດ​ທຳ​ອິດ ​ໂດຍ ບາ​ຊາ ອາດ​ຈະ​​ເຖິງ​ຂັ້ນຖືກ​ປັບ​ຕົກ​ຮອບ.

ອາດຖືກປັບຕົກຮອບ ! ເລບັນເຕ້ ຈະເອົາຜິດ ບາເຊໂລນາ - new3 - ອາດຖືກປັບຕົກຮອບ ! ເລບັນເຕ້ ຈະເອົາຜິດ ບາເຊໂລນາ

      ຟຣານຊິ​ສ​ໂກ້ ຂາ​ເບຍ ກາ​ຕາ​ລັນ ປະທານ ​ເລ​ບັນ​ເຕ້ ສະ​ໂມ​ສອນ​ໃນ​ ລາ ລີ​ກາ ສະ​ເປ​ນ ກ່າວ​ວ່າ: ລາວ​ຈະ​ຍື່ນ​ເລື່ອງ​ຟ້ອງ​ຮ້ອງ​ເອົາ​ຜິດ​ກັບ ບາ​ເຊ​ໂລ​ນາ ຫລັງ​ຈາກ​​ເຊື່ອ​ວ່າ ບາ​ເຊ​ໂລ​ນາ ​ເຮັດ​ຜິ​ດກົດ ດ້ວຍ​ການ​ສົ່ງ​ນັກ​ເຕະ​ທີ່​ຖືກ​ໂທດ​ຫ້າມ​ລົງ​ຫລິ້ນ​ໃນ​ເກ​ມ ​ໂກ​ປາ ​ເດລ ​ເຣ ຮອບ 16 ທີ​ມສຸດ​ທ້າຍ ນັດ​ທຳ​ອິດ.

     ​ໃນ​ນັດ​ທຳ​ອິດ ​ເລ​ບັນ​ເຕ້ ຊະນະ​ໄປ 2-1 ​ໃນ​ວັນ​ທີ 10 ມັງກອນ​ຜ່ານ​ມາ. ຂະນະ​ທີ່ນັດ​ສອງ ບາ​ເຊ​ໂລ​ນາ ​ເປີດ​ບ້ານ ​ເອົາ​ຊະນະ​ໄປ​ແບບ​ສະບາຍໆ 3-0 ​ໃນ​ວັນ​ທີ 17 ມັງກອນ​ຜ່ານ​ມາ ຈົນ​ເຮັດ​ໃຫ້​ທີ​ມຂອງ​ຜູ້​ຈັດການ​ທີ​ມ ​ເອຣ​ເນສ​ໂຕ້ ບັລ​ເບຣ​ເດ້ ​ເຂົ້າສູ່​ຮອບ​ກ່ອນ​ຮອງ​ຊະນະ​ເລີດ​ຈາກ​ການ​ຊະນະ ດ້ວຍ​ຄະ​ແນນ​ລວມ 2 ນັດ 4-2.

       ​ເຖິງ​ຢ່າງ​ໃດ​ກໍ​ຕາມ, ກາ​ຕາ​ລັນ ​ໃຫ້​ສຳພາດ​ໃນ​ກ່ອນ​ລົງ​ຫລິ້ນນັດ​ສອງ​ວ່າ: ​ເລ​ບັນ​ເຕ້ ຈະ​ຍື່ນ​ເລື່ອງ​ຮ້ອງ​ຮຽນ​ກັບ​ທາງ​ສະຫະພັນ​ບານ​ເຕະ​ສະ​ເປ​ນ (RFEF) ​​​ເພາະ​ເບິ່ງ​ວ່າ ບາ​ເຊ​ໂລ​ນາ ສົ່ງ​ນັກ​ເຕະ​ທີ່​ຖືກ​ໂທດ​ຫ້າມ​ລົງ​ຫລິ້ນ​ໃນ​ນັດ​ທຳ​ອິດ ​ເຊິ່ງນັກ​ເຕະ​ຄົນ​ດັ່ງກ່າວຄື ຂວນ ບຣັນດາຣິຊ ກອງ​ຫລັງ​ດາວ​ຮຸ່ງ ​ໂດ​ຍກ່ອນ​ລົງ​ຫລິ້ນ​ເກ​ມ​ໃນ​ວັນ​ທີ 10 ມັງກອນ​ຜ່ານ​ມາ ນັກ​ເຕະ​ໄວ 19 ປີ ​ຖືກ​ໃບ​ເຫລືອງ​ໃນ​ເກ​ມ ​ເຊ​ກຸນ​ດ້າ ​ເບ ​ໃນ​ຕອນ​ທີ່​ລົງ​ຫລິ້ນ​ໃຫ້ ບາ​ເຊ​ໂລ​ນາ ​ເບ ຈົນ​ເຮັດ​ໃຫ້​ລາວ​ສະ​ສົມ​ໃບ​ເຫລືອງ​ຄົບ 5 ​ໃບ​ພໍດີ.

      ທັງ​ນີ້, ຕາມ​ກົດ​ໃນ​ຫລາຍ​ລະດູ​ການ​ກ່ອນ​ໜ້າ​ນີ້​ຂອງ​ລີກ​ສະ​ເປ​ນນັ້ນ ​ເມື່ອ​ນັກ​ເຕະ​ຄົນ​ໃດ​ສະ​ສົມ​ໃບ​ເຫລືອງ​ຄົບ 5 ​ໃບ ຄົນໆ​ນັ້ນຕ້ອງ​ຖືກ​ຫ້າມ 1 ນັດ​ໂດຍ​ອັດຕະ​ໂນ​ມັດ ​ແລະ ​ໂທດ​ຫ້າມ​ຈະ​ມີ​ຜົນ​ໃນ​ເກ​ມຕໍ່​ໄປ​ທັນທີ ບໍ່​ວ່າ​ຈະ​ເປັນ​ເກ​ມລີກ ຫລື ​ເກ​ມ ​ໂກ​ປາ ​ເດລ ​ເຣ.

ອາດຖືກປັບຕົກຮອບ ! ເລບັນເຕ້ ຈະເອົາຜິດ ບາເຊໂລນາ - lattana 1 - ອາດຖືກປັບຕົກຮອບ ! ເລບັນເຕ້ ຈະເອົາຜິດ ບາເຊໂລນາ

      ຖ້າ​ອ້າງ​ອີງ​ຕາມ​ກົດ​ດັ່ງກ່າວ ໝາຍ​ຄວາມ​ວ່າ: ບຣັນດາຣິຊ ບໍ່​ສົມຄວນ​ໄດ້​ລົງ​ຫລິ້ນ​ໃນ​ນັດ​ທຳ​ອິດ ​ແລະ ທາງ ກາ​ຕາ​ລັນ ກໍ​ປະກາດ​ວ່າ​ຈະ​ເອົາ​ຜິດ ບາ​ເຊ​ໂລ​ນາ ​ໃຫ້​ໄດ້ ​ໂດຍ​ຍອດ​ທີ​ມ​ແຫ່ງ​ຖິ່ນ​ຄຳ​ນູ ອາດ​ຈະ​ພົບ​ກັບ​ບົດ​ລົງ​ໂທດ​ຮ້າຍ​ແຮງ​ທີ່​ສຸດ ​ເຊັ່ນ​ການ​ຖືກ​ປັບ​ຕົກ​ຮອບ ​ເຊິ່ງຄວາມ​ຈິງ​ໃນ​ລະດູ​ການ 2015-16 ຣີລ ມາດຣິດ ​ເຄີຍ​ຖືກ​ລົງ​ໂທດ​ແບບ​ນີ້​ມາ​ແລ້ວ ​ເພາະ​ພວກ​ເຂົາ​ສົ່ງ ​ເດ​ນິສ ​ເຊີຣີ​ເຊ​ຟ ລົງ​ຫລິ້ນ​ໃນ​ເກ​ມ ​ໂກ​ປາ ​ເດລ ​ເຣ ຮອບ 32 ທີ​ມສຸດ​ທ້າຍ ນັດ​ທຳ​ອິດ ທັງ​ທີ່​ລາວ​ຖືກ​ໂທດ​ຫ້າມ​ຢູ່.

      ບາ​ເຊ​ໂລ​ນາ ຢືນຢັນ​ວ່າ​ພວກ​ເຂົາ​ບໍ່​ໄດ້​ເຮັດ​ຜິດ​ກົດ​ແຕ່​ຢ່າງ​ໃດ ​ເພາະ​ໄລຍະ​ເດືອນ​ພະຈິກ​ຜ່ານ​ມາ ມີ​ການ​ປ່ຽນ​ແປງ​ບາງ​ຢ່າງ​ຈົນ​ເຮັດ​ໃຫ້​ໂທດ​ຫ້າມ​ໃນ​ເກ​ມລີກ​ບໍ່​ມີ​ຜົນ​ກັບ​ເກ​ມ ​ໂກ​ປາ ​ເດລ ​ເຣ ອີກ​ຕໍ່​ໄປ.

error: Content is protected !!