ຢູນີເທວ ມອບຫລຽນໄຊ ແລະ ໃບຍ້ອງຍໍໃຫ້ຜູ້ມີຜົນງານເດັ່ນຮັບໃຊ້ກອງປະຊຸມອາຊຽນ

- Untitled design - ຢູນີເທວ ມອບຫລຽນໄຊ ແລະ ໃບຍ້ອງຍໍໃຫ້ຜູ້ມີຜົນງານເດັ່ນຮັບໃຊ້ກອງປະຊຸມອາຊຽນ

ເມື່ອທ້າຍອາທິດຜ່ານມານີ້, ບໍລິສັດສະຕາໂທລະຄົມ (ຢູນີເທວ UNITEL) ໄດ້ຈັດພິທີມອບຫລຽນໄຊແຮງງານ.​ ຫລຽນກາ ແລະ ໃບຍ້ອງຍໍລັດຖະບານໃຫ້ພະນັກງານຜູ້ມີຜົນງານເດັ່ນໃນການປະກອບສ່ວນຮັບໃຊ້ກອງປະຊຸມສຸດຍອດອາຊຽນຄັ້ງທີ 28 ແລະ 29 ທີ່ ສປປ ລາວ ໄດ້ຮັບກຽດເປັນເຈົ້າພາບຈັດຂຶ້ນໃນທ້າຍປີ 2016 ຜ່ານມາໄດ້ຮັບຜົນສໍາເລັດຈົບງາມ, ໂດຍສະເພາະການຕິດຕັ້ງ ແລະ ສະໜອງລະບົບສັນຍານອີນເຕີເນັດຄວາມໄວສູງແບບບໍ່ມີສາຍ (WIFI) ຢູ່ເຮືອນຮັບແຂກປະມຸກລັດ (ອາເຊັມວິນລາ) ແລະ ສູນຂ່າວພາຍໃນ ແລະ ຕ່າງປະເທດຢູ່ສູນຮ່ວມມື ແລະ ຝຶກອົບຮົມ (ITCT ຫລັກ 5) ຕົກເປັນມູນຄ່າຫລາຍກວ່າ 2 ແສນໂດລາສະຫະລັດ.

 

ການຍ້ອງຍໍຄັ້ງນີ້ມີຄື: ໄດ້ມອບຫລຽນໄຊແຮງງານຊັ້ນ II ໃຫ້ແກ່ 16 ສະຫາຍ, ຊັ້ນ III  19 ສະຫາຍ, ຫລຽນກາແຮງານຈໍານວນ 12 ສະຫາຍ ແລະ ໃບຍ້ອງຍໍລັດຖະບານມີ 12 ສະຫາຍ, ໂດຍການໃຫ້ກຽດມອບຂອງທ່ານ ບຸນສະເຫລີມ ເຄນນາວົງ ຮອງລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ.

 

- Wave100S AD to Website 2020 0 - ຢູນີເທວ ມອບຫລຽນໄຊ ແລະ ໃບຍ້ອງຍໍໃຫ້ຜູ້ມີຜົນງານເດັ່ນຮັບໃຊ້ກອງປະຊຸມອາຊຽນ

ພະນັກງານຝ່າຍການຕະຫລາດບໍລິສັດຢູນີເທວ ໃຫ້ຮູ້ວ່າ: ຢູນີເທວ ສ້າງຕັ້ງຂຶ້ນໃນປີ 2008 ໂດຍການຮ່ວມທຶນລະຫວ່າງບໍລິສັດລາວເອເຊຍໂທລະຄົມ ແລະ ບໍລິສັດຫວຽດນາມໂກລໂບ ເພື່ອໃຫ້ບໍລິການດ້ານໂທລະຄົມມະນາຄົມໃນລາວ, ປັດຈຸບັນມີລູກຄ້າໃຊ້ບໍລິການຫລາຍກວ່າ 2,6 ລ້ານເລກໝາຍ, ມີສະຖານີມືຖືລະບົບ 2G, 3G ແລະ 4G ທັງໝົດ 4 ພັນກວ່າຈຸດ ກວມເອົາປະມານ 95% ຂອງພື້ນທີ່ທົ່ວປະເທດ.

 

- WhatsApp Image 2020 05 27 at 5 - ຢູນີເທວ ມອບຫລຽນໄຊ ແລະ ໃບຍ້ອງຍໍໃຫ້ຜູ້ມີຜົນງານເດັ່ນຮັບໃຊ້ກອງປະຊຸມອາຊຽນ
- WhatsApp Image 2020 05 27 at 5 - ຢູນີເທວ ມອບຫລຽນໄຊ ແລະ ໃບຍ້ອງຍໍໃຫ້ຜູ້ມີຜົນງານເດັ່ນຮັບໃຊ້ກອງປະຊຸມອາຊຽນ
error: Alert: ເນື້ອຫາຂ່າວມີລິຂະສິດ !!