ລາວ-ຈີນ ​ເພີ່ມ​ທະວີ​ການ​ພົວພັນ​ຮ່ວມ​ມື​ດ້ານນິຕິບັນຍັດ

ລາວ-ຈີນ ​ເພີ່ມ​ທະວີ​ການ​ພົວພັນ​ຮ່ວມ​ມື​ດ້ານນິຕິບັນຍັດ - 20018   2171316   KETH4628 - ລາວ-ຈີນ ​ເພີ່ມ​ທະວີ​ການ​ພົວພັນ​ຮ່ວມ​ມື​ດ້ານນິຕິບັນຍັດ
ລາວ-ຈີນ ​ເພີ່ມ​ທະວີ​ການ​ພົວພັນ​ຮ່ວມ​ມື​ດ້ານນິຕິບັນຍັດ - Untitled design - ລາວ-ຈີນ ​ເພີ່ມ​ທະວີ​ການ​ພົວພັນ​ຮ່ວມ​ມື​ດ້ານນິຕິບັນຍັດ

    ການພົບປະສອງຝ່າຍ ລະຫວ່າງ ທ່ານ ພົນ​ໂທ ​ແສງ​ນວນ ​ໄຊ​ຍະ​ລາດ ຮອງປະທານສະພາແຫ່ງຊາດ ສປປ ລາວ ແລະ ທ່ານ ໄປມາ ສີຫລິນ​ ຮອງປະທານສະພາຜູ້ແທນປະຊາຊົນທົ່ວປະເທດ ແຫ່ງ ສປ ຈີນ ພ້ອມດ້ວຍຄະນະ ​ໄດ້​ມີ​ຂຶ້ນໃນໂອກາດເດີນທາງມາຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ ແຕ່ວັນທີ 17-20 ມັງກອນນີ້.

       ໂອກາດດັ່ງກ່າວ, ທັງສອງຝ່າຍໄດ້ຕີລາຄາສູງຕໍ່ການພົວພັນຮ່ວມມືຊ່ວຍເຫລືອເຊິ່ງກັນ ແລະ ກັນໃນທຸກຂົງເຂດວຽກງານ ໂດຍສະເພາະການພົວພັນຮ່ວມມືລະຫວ່າງ ສອງສະພາ ລາວ-ຈີນ ເຊິ່ງເປັນການຮັດແໜ້ນສາຍພົວພັນມິດຕະພາບ ແລະ ການພົວພັນ​ແບບຄູ່ຮ່ວມ​ມືຍຸດ​ທະ​ສາດຮອບດ້ານ ​ຫນັ້ນ​ຄົງ​ ແລະ ຍາວນານຕາມທິດບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ ລະຫວ່າງສອງປະເທດ ລາວ-ຈີນ ໃຫ້ໄດ້ຮັບການພັດທະນາ ແລະ ແຕກດອກອອກຜົນຍິ່ງໆຂຶ້ນ. ພ້ອມນັ້ນ ທັງສອງຝ່າຍຍັງໄດ້ແຈ້ງສະພາບການພັດທະນາເສດຖະກິດ-ສັງຄົມຂອງປະເທດໃຫ້ກັນຊາບ ເຊິ່ງການພົວພັນ​ຮ່ວມ​ມື​ສອງ​ຝ່າຍແມ່ນໄດ້ຮັບ​ການພັດທະນາດີ​ຂຶ້ນເລື້ອຍໆ ເປັນຕົ້ນດ້ານການຄ້າ-ການລົງທຶນ ລາວ-ຈີນ ໄດ້ເພີ່ມຂຶ້ນຢ່າາງຕໍ່ເນື່ອງ ມາຮອດປີ 2018 ຕົວເລກການຄ້າລະຫວ່າງລາວ ແລະ ຈີນ ບັນລຸ​ໄດ້ 1,94 ຕື້ໂລດາສະຫະລັດ, ທຽບໃສ່ໃນໄລຍະດຽວກັນຂອງປີຜ່ານມາເພີ່ມຂຶ້ນ 15,8%, ສິນຄ້າຈາກລາວສົ່ງເຂົ້າໄປຈີນ 1,15 ຕື້ໂລດາສະຫະລັດ ເພີ່ມຂຶ້ນ 27,3%, ສິນຄ້ານໍາເຂົ້າຈາກຈີນ 790 ລ້ານໂດລາສະຫະລັດ ເພີ່ມຂຶ້ນ 2,2%.

       ສໍາລັບການລົງທຶນຂອງ ສປ ຈີນ ຢູ່ ສປປ ລາວ, ມາຮອດປັດຈຸບັນມີທັງໝົດ 773 ໂຄງ ການ ມີມູນຄ່າອະນຸມັດຫລາຍກວ່າ 9,6 ຕື້ໂລດາສະຫະລັດ, ໃນນັ້ນ ການລົງທຶນຂອງຈີນ 100% ມີມູນຄ່າສູງເຖິງ 7,4 ຕື້ໂລດາສະຫະລັດ, ຈັດຢູ່ໃນອັນດັບໜຶ່ງໃນຈໍານວນ 53 ປະເທດ ແລະ ເຂດແຄ້ນທີ່ມາລົງທຶນໃນ ສປປ ລາວ ແລະ ພົ້ນເດັ່ນກວ່າໝູ່ແມ່ນໂຄງການຮ່ວມມືກໍ່ສ້າງເສັ້ນທາງລົດໄຟ ລາວ-ຈີນ, ຂະແໜງພະລັງງານ ແລະ ການລົງທຶນຢູ່ເຂດເສດຖະກິດພິເສດ.

ລາວ-ຈີນ ​ເພີ່ມ​ທະວີ​ການ​ພົວພັນ​ຮ່ວມ​ມື​ດ້ານນິຕິບັນຍັດ - Wave100S AD to Website 2020 0 - ລາວ-ຈີນ ​ເພີ່ມ​ທະວີ​ການ​ພົວພັນ​ຮ່ວມ​ມື​ດ້ານນິຕິບັນຍັດ

       ທ່ານ ພົນ​ໂທ ​ແສງ​ນວນ ​ໄຊ​ຍະ​ລາດ ກໍໄດ້ສະແດງຄວາມຂອບໃຈໄປ​ຍັງ​ພັກ, ລັດ, ສະພາ​ຜູ້​ແທນ​ປະຊາຊົນ​ທົ່ວ​ປະ​ເທດ ແລະ ປະ​ຊາ​ຊົນ​ຈີນ​ອ້າຍ​ນ້ອງ ​ທີ່​ໄດ້​ໃຫ້​ການ​ຊ່ວຍ​ເຫລືອອັນລໍ້າຄ່າທາງດ້ານທຶນຮອນ ແລະ ອື່ນໆ, ພ້ອມທັງສະເໜີໃຫ້ສຶບຕໍ່ແລກປ່ຽນການ​ຢ້ຽມຢາມ​ ​ແລະ ​ການ​ໄປມາຫາສູ່​ກັນລະຫວ່າງຄະນະ​ຜູ້​ແທນທຸກຂັ້ນຂອງ​ສະພາ​ແຫ່ງ​ຊາດ​ລາວ ​ແລະ ສປ ​ຈີນ ​ໃຫ້​ເປັນ​ປົກກະຕິ ນັບ​ທັງ​ສະພາປະຊາຊົນຂັ້ນແຂວງ ​ໂດຍ​ສະ​ເພາະບັນດາແຂວງທີ່​ມີ​ຊາຍ​ແດນ​ຕິດ​ຈອດ​ກັນ; ສຶບຕໍ່ແລກປ່ຽນບົດຮຽນ​ໃນ​ການ​ປະຕິບັດ​ບົດບາດດ້ານ​ນິຕິຍັດຂອງສະພາແຫ່ງຊາດ ໂດຍສະເພາະວຽກງານການ​ສ້າງ​ນິຕິ​ກຳ, ການ​ປົກຄອງ​ລັດ​ດ້ວຍ​ກົດໝາຍ ແລະ ການຕິດຕາມກວດກາການປະຕິບັດ ກົດຫມາຍ.  ທ່ານຮອງປະທານສະພາແຫ່ງຊາດລາວ ຍັງສະເໜີໃຫ້ຝ່າຍ​ຈີນພິຈາລະນາສືບຕໍ່ໃຫ້ການຊ່ວຍເຫລືອໃນ​ການ​ສ້າງ​ຊັບພະຍາກອນ​ມະນຸດຂົງ​ເຂດ​ວຽກ​ງານ​ຕ່າງໆ​ໃຫ້​ແກ່​ສະພາ​ແຫ່ງ​ຊາດ ແລະ ສະພາປະຊາຊົນແຂວງຂອງລາວອີກດ້ວຍ.

ລາວ-ຈີນ ​ເພີ່ມ​ທະວີ​ການ​ພົວພັນ​ຮ່ວມ​ມື​ດ້ານນິຕິບັນຍັດ - WhatsApp Image 2020 05 27 at 5 - ລາວ-ຈີນ ​ເພີ່ມ​ທະວີ​ການ​ພົວພັນ​ຮ່ວມ​ມື​ດ້ານນິຕິບັນຍັດ
ລາວ-ຈີນ ​ເພີ່ມ​ທະວີ​ການ​ພົວພັນ​ຮ່ວມ​ມື​ດ້ານນິຕິບັນຍັດ - WhatsApp Image 2020 05 27 at 5 - ລາວ-ຈີນ ​ເພີ່ມ​ທະວີ​ການ​ພົວພັນ​ຮ່ວມ​ມື​ດ້ານນິຕິບັນຍັດ
error: Alert: ເນື້ອຫາຂ່າວມີລິຂະສິດ !!