7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ

7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ - 032101 2019 - 7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ
7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ - Untitled design - 7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ

      1. ສະຜົມເລື້ອຍໆ : ບາງເທື່ອອາການຜົມມັນກໍເກີດຈາກການສະຜົມແລ້ວກຳຈັດນຳ້ມັນສ່ວນເກີນອອກໄປບໍ່ໝົດ. ດັ່ງນັ້ນ, ການສະຜົມເລື້ອຍໆຈະຊ່ວຍໃຫ້ທ່ານກຳຈັດນຳ້ມັນສ່ວນເກີນທີ່ຖືກຜະລິດອອກມາ ແລະ ຊ່ວຍເຮັດໃຫ້ໜັງຫົວຂອງທ່ານບໍ່ມັນໜຽວໄດ້, ແຕ່ສຳລັບບາງຄົນທີ່ເສັ້ນຜົມມັນໄວຫລາຍ ເຊັ່ນ : ຫາກໍສະຜົມໄດ້ບໍ່ດົນ ຜົມກໍມັນແລ້ວ. ກໍໍລະນີແບບນີ້ອາດຈະຕ້ອງຫລຸດຄວາມຖີ່ຂອງການສະຜົມລົງ ເພື່ອປັບຄວາມດຸ່ນດ່ຽງລະຫ່ວາງການຜະລິດນຳ້ມັນ ແລະ ການຫລຸດຄວາມມັນໜຽວຂອງໜັງຫົວ.

7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ - 042101 2019 - 7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ

     2. ປັບປ່ຽນວິທີການສະຜົມ : ການສະຜົມແບບຜິດວິທີກໍເປັນອີກສາເຫດໜຶ່ງທີ່ເຮັດໃຫ້ຜົມມັນແລະ ທຳຮ້າຍໜັງຫົວ ເຊິ່ງວິທີການສະຜົມທີ່ຖືກຕ້ອງກໍຄື ເທຢາສະຜົມໃສ່ຝາມື ຈາກນັ້ນກໍຄ່ອຍໆເຮັດຄວາມສະອາດໜັງຫົວໂດຍການນວດຕັ້ງແຕ່ກົກຜົມ ຈາກນັ້ນກໍຄ່ອຍໆນວດເຮັດຄວາມສະອາດໃຫ້ທົ່ວໜັງຫົວ ແຕ່ລະວັງຢ່າເກົາ ຫລື ຮຸກຖູໜັງຫົວຫລາຍຈົນເກີນໄປ ເພາະອາດຈະເຮັດໃຫ້ເກີດອາການລະຄາຍເຄືອງ ແລະ ຜະລິດນຳ້ມັນອອກມາຫລາຍຂຶ້ນ ທັງນີ້ການລ້າງຢາສະຜົມອອກຈາກໜັງຫົວຈະຕ້ອງໝັ້ນໃຈວ່າລ້າງສະອາດ, ເອົາຄາບເປິເປື້ອນທີ່ຕົກຄ້າງອອກໃຫ້ໝົດ ໂດຍສະເພາະບໍລິເວນໜັງຫົວແລະ ກົກຜົມ.

     3. ໃຊ້ຄຣີມນວດຜົມເທົ່າທີ່ຈຳເປັນ : ຄຣີມນວດຜົມກໍເປັນອີກໜຶ່ງປັດໄຈທີ່ເຮັດໃຫ້ຜົມມັນໄວ, ເຮັດໃຫ້ໜັງຫົວຂອງທ່ານເຫລື້ອມມັນ. ດັ່ງນັ້ນ, ແທນການເທຄຣີມນວດຜົມໄປທົ່ວໜັງຫົວ ກໍເລືອກໃຊ້ພຽງແຕ່ບໍລິເວນປາຍຜົມກໍພໍ  ສະເພາະພາກສ່ວນທີ່ແຫ້ງແຕກປາຍເທົ່ານັ້ນ ແລະ ຕ້ອງໝັ້ນໃຈນຳວ່າທ່ານລ້າງຄຣີມນວດອອກຈາກຜົມໝົດກ້ຽງແລ້ວແທ້ໆ ບໍ່ມີເຫລືອຕົກຄ້າງຢູ່ໜັງຫົວ.

     4. ຫລີກເວັ້ນການຈັດແຕ່ງຊົງຜົມເປັນປະຈຳ : ການລີດຜົມ ແລະ ການເປົ່າຜົມໂດຍລົມຮ້ອນ ເຮັດໃຫ້ຜົມຈັດຊົງຢູ່ໂຕໄດ້ດີ, ແຕ່ວິທີການເຫລົ່ານີ້ກໍຈະເຮັດໃຫ້ຜົມຂອງທ່ານມັນເຫລື້ອມໄວກ່ວາການປ່ອຍໃຫ້ຜົມແຫ້ງໂດຍວິທີທາງທຳມະຊາດ ທັງນີ້ຫາກສາມາດຫລີກເວັ້ນການລີດ ຫລື ລອນຜົມ, ເປົ່າ, ໄດ ກໍຈະປ້ອງກັນການທຳຮ້າຍເສັ້ນຜົມຈາກຄວາມຮ້ອນໄດ້ນຳ.

7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ -  - 7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ

     5. ເຮັດຄວາມສະອາດຫວີທີ່ໃຊ້ : ຫວີຈະຕ້ອງຖືກເຮັດຄວາມສະອາດຢູ່ເປັນປະຈຳ ເພາະວ່າຢູ່ຫວີທີ່ທ່ານໃຊ້ຫວີຜົມແລ້ວຈະມີ ສະເກັດໜັງຫົວ, ຂີ້ຄັນແຄ ແລະ ເສດຕ່າງໆຕິດຢູ່ ຖ້າຫວີທີ່ໃຊ້ນັ້ນບໍ່ສະອາດ, ມີເສດຕ່າງໆຕິດຢູ່ແລ້ວ ທ່ານເອົາມາຫວີຜົມຫລັງຈາກທີ່ສະຜົມແລ້ວ ເສດຂີ້ຄັນແຄ, ເສດຂີ້ຝຸ່ນຕ່າງໆກໍຈະມາຕິດຢູ່ຜົມ ເຮັດໃຫ້ຜົມມັນເຫລື້ອມໄດ້ງ່າຍຕື່ມອີກ.

7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ - Wave100S AD to Website 2020 0 - 7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ

     6. ຫວີກເວັ້ນການໃຊ້ຜະລິດຕະພັນທີ່ກ່ຽວກັບເສັ້ນຜົມທີ່ມີສ່ວນປະສົມຂອງຊິລິໂຄນ : ຊິລິໂຄນທີ່ປະສົມຢູ່ໃນຜະລິດຕະພັນບຳລຸງຜົມຈະເຮັດໃຫ້ຜົມລຽບມື່ນ, ເງົາງາມເປັນປະກາຍ, ແຕ່ຄຸນສົມບັດນີ້ກໍມີຜົນເຮັດໃຫ້ຜົມມັນໄດ້ຄືກັນ. ການໃຊ້ອາດຈະຕ້ອງລະວັງອາດຈະໃຊ້ແຕ່ບຳລຸງພາກສ່ວນປາຍຜົມເທົ່ານັ້ນ ເພາະຊິລິໂຄນມີຜົນຕໍ່ການດູດຊຶມຄວາມຊຸ່ມຊື່ນຂອງເສັ້ນຜົມນຳ. ດັ່ງນັ້ນ, ການໃຊ້ຜະລິດຕະພັນບຳລຸງເສັ້ນຜົມຄວນຈະອ່ານວິທີການໃຊ້ໃຫ້ລະອຽດກ່ອນການໃຊ້ໂຕຈິງ ວ່າຈະໃຊ້ໄດ້ຖີ່ເທົ່າໃດ ແລະ ຕ້ອງໃຊ້ໃນປະລິມານເທົ່າໃດ.

     7. ໃຊ້ Dry shampoo ຫລື ຢາສະຜົມແບບແຫ້ງ : ສຳລັບໃຜທີ່ບໍ່ຢາກສະຜົມທຸກມື້ ກໍລອງໃຊ້ Dry shampoo ແທນໄດ້ ສິ່ງນີ້ກໍສາມາດຊ່ວຍຫລຸດຄວາມມັນຂອງໜັງຫົວໄດ້ຄືກັນ ເຊິ່ງສານໃນ Dry shampoo ຈະໄປຊ່ວຍດູດນຳ້ມັນສ່ວນເກີນຈາກເສັ້ນຜົມ, ແຕ່ຖ້າບໍ່ມີ ຈະໃຊ້ແປ້ງເດັກນ້ອຍແທນກໍໄດ້ ທັງນີ້ຖ້າໃຊ້ Dryshampoo ຫລາຍເກີນໄປ ຈະເຮັດໃຫ້ຜົມເປື້ອນໄດ້ຄືກັນ ແລະ ສິ່ງສຳຄັນ Dry shampoo ບໍ່ສາມາດທົດແທນການສະຜົມແທ້ໄດ້.

7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ - WhatsApp Image 2020 05 27 at 5 - 7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ
7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ - WhatsApp Image 2020 05 27 at 5 - 7 ວິທີຊ່ວຍຫລຸດບັນຫາຜົມມັນຢ່າງເປັນທຳມະຊາດ
error: Alert: ເນື້ອຫາຂ່າວມີລິຂະສິດ !!