ຄົນລວຍທີ່ສຸດ 26 ຄົນມີຊັບສິນ ເທົ່າຄົນທຸກເຄິ່ງໂລກລວມກັນ

ຄົນລວຍທີ່ສຸດ 26 ຄົນມີຊັບສິນ ເທົ່າຄົນທຸກເຄິ່ງໂລກລວມກັນ - advert banner 728 90 728x90 - ຄົນລວຍທີ່ສຸດ 26 ຄົນມີຊັບສິນ ເທົ່າຄົນທຸກເຄິ່ງໂລກລວມກັນ

      ອອກ​ແຟມ ອົງ​ກອນ​ການ​ກຸສົນ​ອັງກິດ ​ເປີດ​ເຜີຍ​ວ່າ: ຄົນ​ລວຍ​ທີ່​ສຸດ​ໃນ​ໂລກ 26 ຄົນ ມີ​ຊັບ​ສິນ​ເທົ່າ​ກັບ​ຄົນ​ທຸກ​ເຄິ່ງ​ໂລກ​ມີ​ລວມກັນ ຂໍ​ໃຫ້​ລັດຖະບານ​ປະ​ເທດ​ຕ່າງໆ​​ເລັ່ງຂຶ້ນພາສີ​ຄົນ​ລວນ ​ເພື່ອ​ແກ້​ໄຂ​ບັນຫາ​ຄວາມ​ເຫລື້ອມລ້ຳທີ່​ເພີ່ມ​ຂຶ້ນ.

      ອອກ​ແຟມ ​ເຜີ​ຍ​ແຜ່​ລາຍ​ງານ​ສະບັບ​ໃໝ່​ກ່ອນ​ຈະ​ມີ​ກອງ​ປະຊຸມ​ເສດຖະກິດ​ໂລກ ຫລື ​ເວິ​ລອີ​ໂຄ​ໂນ​ມິກຟໍຣຳ ຢູ່​ເມືອງ​ດາວ​ອສ ຂອງ​ສະ​ວິດ ລະຫວ່າງ​ວັນ​ທີ 22-25  ມັງກອນ​ນີ້​ວ່າ: ປີຜ່ານມາ ມະຫາ​ເສດຖີ​ຂອງ​ໂລກ​ມີ​ຊັບ​ສິນ​ເພີ່ມ​ຂຶ້ນວັນ​ລະ 2.500 ລ້ານ​ໂດ​ລາ​ສະຫະລັດ ສະ​ເພາະ​ທ່ານ ​ເຈ ​ເບ​ຊອສ ປະທານ​ກຳມະການ​ບໍລິຫານ (CEO) ອາ​ເມ​ຊອນ ມະຫາ​ເສດຖີ​ອັນ​ດັບ​ໜຶ່ງ​ຂອງ​ໂລກ ປີຜ່ານມາ​ມີ​ຊັບ​ສິນ​ເພີ່ມ​ຂຶ້ນ 112.000 ລ້ານ​ໂດ​ລາ​ສະຫະລັດ, ສວນ​ທາງ​ກັບ​ຜູ້​ມີ​ລາຍ​ຮັບ​ໜ້ອຍ​ເຄິ່ງໜຶ່ງ​ຂອງ​ໂລກ ຫລື ປະມານ 3.800 ລ້ານ​ຄົນ​ທີ່​ມີ​ຊັບ​ສິນ​ຫລຸດ​ລົງ 11%.

ຄົນລວຍທີ່ສຸດ 26 ຄົນມີຊັບສິນ ເທົ່າຄົນທຸກເຄິ່ງໂລກລວມກັນ - 1 1 - ຄົນລວຍທີ່ສຸດ 26 ຄົນມີຊັບສິນ ເທົ່າຄົນທຸກເຄິ່ງໂລກລວມກັນ
ຄົນລວຍທີ່ສຸດ 26 ຄົນມີຊັບສິນ ເທົ່າຄົນທຸກເຄິ່ງໂລກລວມກັນ - lattana 1 - ຄົນລວຍທີ່ສຸດ 26 ຄົນມີຊັບສິນ ເທົ່າຄົນທຸກເຄິ່ງໂລກລວມກັນ

      ຊ່ອງ​ຫວ່າງ​ລະຫວ່າງ​ຄົນ​ລວນ​ກັບ​ຄົນ​ທຸກ​ທີ່​ເພີ່ມ​ຂຶ້ນ ບັນ​ທອນ​ການ​ແກ້​ໄຂ​ບັນຫາ​ຄວາມທຸກ​ຍາກ, ທຳລາຍ​ເສດຖະກິດ ​ແລະ ​ເພີ່ມ​ກະ​ແສ​ບໍ່ພໍ​ໃຈ​ຂອງ​ຄົນ​ໃນ​ສັງຄົມ. ຕົວ​ເລກ​ປີ 1980-2016 ຊີ້​ວ່າ: ຄົນ​ທຸກ​ເຄິ່ງ​ໂລກ​ໄດ້​ສ່ວນ​ແບ່ງ​ພຽງ 12 ​ເຊ​ນ ຂອງ​ລາຍ​ຮັບ​ໂລກ​ທີ່​ເພີ່ມ​ຂຶ້ນທຸກ 1 ​ໂດ​ລາ​ສະຫະລັດ. ຂະນະ​ທີ່​ຄົນ​ລວນ​ທີ່​ສຸດ 1% ຂອງ​ໂລກ​ໄດ້​ສ່ວນ​ແບ່ງ​ນີ້​ເຖິງ 27 ​ເຊ​ນ. ອອກ​ແຟມ​ໂທດ​ລັດຖະບານ​ປະ​ເທດ​ຕ່າງໆ​ວ່າ: ​ເລັ່ງຊ່ອງ​ຫວ່າງ​ໃຫ້​ກວ້າງຂຶ້ນ ​ເພາະ​ບໍ່​ລົງທຶນ​ບໍລິການ​ສາທາລະນະ​​ເຊັ່ນ: ການ​ສຶກສາ ​ແລະ ສາທາລະນະ​ສຸກ, ​ແຕ່​ພັດ​ເກັບ​ພາສີ​ຄົນ​ລວຍຕໍ່າ​ກວ່າ​ທີ່​ຄວນ, ຖ້າ​ເກັບ​ພາສີ​ຄົນ​ລວນ​ເພີ່ມ​ຂຶ້ນ 0,5% ຈະ​ມີ​ເງິນ​ໃຫ້​ເດັກນ້ອຍ​ໄດ້​ຮຽນ​ໜັງສື​ສູງ​ເຖິງ 262 ລ້ານ​ຄົນ ​ແລະ ​ໃຫ້​ບໍລິການ​ສາທາລະນະ​ສຸກ​ຊ່ວຍ​ຊີວິດ​ຄົນ​ໄດ້​ສູງ​ເຖິງ 3,3 ລ້ານ​ຄົນ.

error: Content is protected !!