ກຳປູເຈຍ-ມຽນມາ ຮ້ອງຮຽນ EU ກັບມາເກັບພາສີເຂົ້າອີກ

ກຳປູເຈຍ-ມຽນມາ ຮ້ອງຮຽນ eu ກັບມາເກັບພາສີເຂົ້າອີກ - advert banner 728 90 728x90 - ກຳປູເຈຍ-ມຽນມາ ຮ້ອງຮຽນ EU ກັບມາເກັບພາສີເຂົ້າອີກ

     ກຳປູ​ເຈຍ ​ແລະ ມຽນມາ ຮ້ອງ​ຮຽນຄະນະ​ກຳມາ​ທິການ​ເອີຣົບ ໜ່ວຍ​ງານ​ບໍລິຫານ​ຂອງ​ສະຫະພາບ​ເອີຣົບ (EU) ທີ່​ກັບ​ມາ​ເກັບ​ພາສີ​ເຂົ້າຂອງ​ທັງ​ສອງ​ປະ​ເທດ​ອີກ.

     EU ​ເກັບ​ພາສີ​ເຂົ້າຈ້າວ​ນຳ​ເຂົ້າຈາກ​ກຳປູ​ເຈຍ ​ແລະ ມຽນມາ​ສູງ​ສຸດ ​ໂຕ​ນລະ 175 ​ເອີ​ໂຣ ​ເປັນ​ເວລາ​ສາມ​ປີ​ອີກ ຕາມ​ທີ່​ອີ​ຕາ​ລີ​ຮ້ອງ​ຮຽນ​ວ່າ​ເຂົ້ານຳ​ເຂົ້າລາຄາ​ຖືກ​ເຮັດ​ໃຫ້​ກະສິກອນ​ອີ​ຕາ​ລີ​ເດືອດຮ້ອນ​ໜັກ. EU ລະບຸ​ວ່າ: ​ເຂົ້າຈ້າວ​ນຳ​ເຂົ້າຈາກ​ສອງ​ປະ​ເທດ​ນີ້​ເພີ່ມ​ຂຶ້ນ​ເຖິງ 89% ​ໃນ 5 ລະດູ​ການ​ເກັບ​ກ່ຽວ​ຫລ້າ​ສຸດ. ກະຊວງ​ການ​ຄ້າ​ກຳປູ​ເຈຍ​ຂັດ​ແຍ່ງ​ວ່າ: ​ເປັນ​ຂໍ້​ຮ້ອງ​ຮຽນ​ທີ່​ອ້າງ​ອີງ​ຈາກ​ຂໍ້​ມູນ​ທີ່​ບໍ່​ຖືກຕ້ອງ, ມາດ​ຕະການ​ຂອງ EU ບໍ່​ຕ່າງ​ຈາກ​ອາວຸດ​ທີ່​ຈະ​ເຂັ່ນຂ້າ​ຊາວນາ ​ແລະ ຄອບຄົວ​ທີ່​ມີ​ໜີ້​ສິນ. ປີຜ່ານມາ ກຳປູ​ເຈຍ​ສົ່ງ​ອອກ​ເຂົ້າ​ເກືອບ​ເຄິ່ງໜຶ່ງ​ຈາກ​ທັງ​ໝົດ 625.000 ​ໂຕນ​ໄປ EU. ສ່ວນ​ສະຫະພັນ​ເຂົ້າມຽນມາ​ຂໍ​ຮ້ອງ EU ​ໃຫ້​ຍົກ​ເວັ້ນພາສີ​ເຂົ້ານຳ​ເຂົ້າຈາກ​ມຽນມາ​ຕໍ່​ໄປ ​ເພາະ​ມຽນມາ​ຕ້ອງ​ອາ​ໄລລາ​ຍຮັບ​ຈາກ​ການ​ສົ່ງ​ອອກ​ເຂົ້າ​ໄປ EU ປີ​ລະ 100 ລ້ານ​ໂດ​ລາ​ສະຫະລັດ ມາ​ໃຊ້​ແກ້​ໄຂ​ບັນຫາ​ຫລວງຫລາຍ​ໃນ​ປະ​ເທດ.

ກຳປູເຈຍ-ມຽນມາ ຮ້ອງຮຽນ eu ກັບມາເກັບພາສີເຂົ້າອີກ - lattana 1 - ກຳປູເຈຍ-ມຽນມາ ຮ້ອງຮຽນ EU ກັບມາເກັບພາສີເຂົ້າອີກ
ກຳປູເຈຍ-ມຽນມາ ຮ້ອງຮຽນ eu ກັບມາເກັບພາສີເຂົ້າອີກ - 1 1 - ກຳປູເຈຍ-ມຽນມາ ຮ້ອງຮຽນ EU ກັບມາເກັບພາສີເຂົ້າອີກ

       ​ເດືອນ​ພະຈິກ​ປີ​ກ່ອນ, EU ​ເປີດ​ເຜີຍ​ວ່າ: ກຳລັງ​ພິຈາລະນາ​ເລື່ອງ​ຖອດ​ກຳປູ​ເຈຍ ​ແລະ ມຽນມາ​ອອກ​ຈາກ​ຂໍ້​ຕົກລົງ Everything But Arms (EBA) ທີ່​ໃຫ້​ປະ​ເທດ​ດ້ອຍ​ພັດທະນາ​ສົ່ງ​ອອກ​ສິນຄ້າ​ທຸກ​ຢ່າງ​ຍົກ​ເວັ້ນອາວຸດ ​ແລະ ​ລູກປືນ​ເຂົ້າ EU ​ໂດຍ​ບໍ່​ມີ​ພາສີ ຫລື ​ໂກ​ຕ້າ ​ເນື່ອງ​ຈາກ​ທັງ​ສອງ​ປະ​ເທດ​ລະ​ເມີດ​ສິດທິ​ມະນຸດ. ນາຍົກລັດຖະມົນຕີ ຮຸນ​ເຊ​ນ ຂອງ​ກຳປູ​ເຈຍ ຂູ່​ໃນ​ອາທິດ​ກ່ອນ​ວ່າ: ຈະ​ຫລິ້ນງານ​ປໍ​ລະ​ປັກ​ທາງ​ການ​ເມືອງ​ຢ່າງ​ໜັກ ຖ້າ​ກຳປູ​ເຈຍ​ຖືກ EU ຖອດ​ອອກ​ຈາກ EBA ​ເຊິ່ງຈະ​ເຮັດ​ໃຫ້​ອຸດສາຫະກຳ​ສົ່ງ​ອອກ​​ເຄື່ອງ​ຕັດຫຍິບ​ທີ່​ສ້າງ​ລາຍ​ຮັບ​ເຂົ້າປະ​ເທດ​ຖືກ​ກະທົບ​ຫລາຍ​ທີ່​ສຸດ.

error: Content is protected !!