ຈັບ​ຕົວ​ຜູ້​ຫລອກລວງເດັກຍິງ​ໄປຂົ່ມຂືນ

ຈັບ​ຕົວ​ຜູ້​ຫລອກລວງເດັກຍິງ​ໄປຂົ່ມຂືນ - advert banner 728 90 728x90 - ຈັບ​ຕົວ​ຜູ້​ຫລອກລວງເດັກຍິງ​ໄປຂົ່ມຂືນ
ຈັບ​ຕົວ​ຜູ້​ຫລອກລວງເດັກຍິງ​ໄປຂົ່ມຂືນ - Untitled 1 copy 6 - ຈັບ​ຕົວ​ຜູ້​ຫລອກລວງເດັກຍິງ​ໄປຂົ່ມຂືນ

   ເຈົ້າໜ້າທີ່ ປກສ ເມືອງສີໂຄດຕະບອງ ນະຄອນຫລວງ​ວຽງ​ຈັນ ສາມາດ​ຈັບ​ຕົວ​ທ້າວ ມິດ​ບັນ​ໄທ ອາຍຸ 36 ປີ ຢູ່​ບ້ານ​ນາ​ບຽນ ​ເມືອງ​ໄຊ​ເສດ​ຖາ ​ໃນ​ຂໍ້​ຫາ​ຫລອກ​ລວງ​ເດັກ​ຍິງ​ໄປ​ຂົ່ມຂືນ​ມາດໍາເນີນຄະດີຕາມລະບຽບກົດໝາຍ ໂດຍຄັ້ງຫລ້າສຸດໄດ້ກໍ່ເຫດຂົ່ມຂືນເດັກຍິງອາຍຸ 11 ປີຢູ່ເຂດປ່າບ້ານໃໝ່ເມືອງສີໂຄດຕະບອງເມື່ອກາງເດືອນທັນວາ 2018 ຜ່ານມາ.

   ເຈົ້າໜ້າທີ່ເມືອງສີໂຄດຕະບອງ ໃຫ້ຮູ້ວ່າ: ພາຍຫລັງມີຜູ້ປົກຄອງເຂົ້າແຈ້ງຄວາມວ່າລູກສາວເຂົາເຈົ້າຖືກຂົ່ມຂື່ນ, ເຈົ້າໜ້າທີ່ ກໍໄດ້ລົງຕິດຕາມເປົ້າໝາຍກໍ່ເຫດ ຊື່ທ້າວ ມິດ​ບັນ​ໄທ ມີອາຊີບ​ຄ້າຂາຍຂອງ​ກິນ​ສຸກຢູ່​ເຂດ​ວັດ​ດົງ​ຫລວງ​ເມືອງ​ນາ​ຊາຍ​ທອງ, ຈຶ່ງໄດ້ກັກຕົວມາສືບສວນ-ສອບສວນ ​ແລະ ຜູ້ກ່ຽວຮັບສາລະພາບວ່າ: ຕົນເອງເປັນ​ຜູ້​ຂົ່ມຂືນ​​ເດັກ​ຍິງຄົນ​ດັ່ງກ່າວ​ແທ້, ໂດຍໃນ​ມື້ກໍ່ເຫດຕົນໄດ້ຂີ່ລົດຈັກໄປເຂດບ້ານວາທົ່ງພົບ​ເຫັນ​ເດັກ​ຍິງຄົນນັ້ນກໍາລັງ​ຍ່າງ​ໄປ​ໂຮງຮຽນ ຈຶ່ງ​ເຂົ້າ​ໄປ​ຕີ​ສະໜິດ​ຊັກ​ຊວນ​​​ໄປ​ຊື້ໝາກສົ້ມ​ແລ້ວ​ຈະ​ໄປ​ສົ່ງ​ຢູ່​ໂຮງຮຽນ, ດ້ວຍ​ຄວາມ​ໄຮ້​ດຽງສາ ​ເດັກ​ຍິງ​​ຈຶ່ງ​ໄດ້​ຂຶ້ນລົດຈັກ​ໄປ​ນຳ​ແລ້ວຂີ່​ເຂົ້າໄປໃນ​ປ່າ​ເຂດ​ບ້ານ​ໃໝ່ ແລະ ລົງມື​ຂົ່ມຂືນ​ສໍາເລັດ, ພ້ອມທັງໄດ້ເອົາເງິນ​ຈໍານວນໜຶ່ງ​ໃຫ້ເດັກຍິງຄົນນັ້ນ ແລະ ​ນາບ​ຂູ່​​ຫ້າມ​ບອກ​ພໍ່​ແມ່ ກ່ອນ​ຈະເອົາເດັກຍິງ​ໄປ​ສົ່ງ​ຢູ່​ໂຮງຮຽນ. ເຈົ້າໜ້າທີ່ ໃຫ້ຮູ້ວ່າ: ໃນປີ 2017 ທ້າວ​ ມິດ​ບັນ​ໄທ, ​ເຄີຍກໍ່ເຫດ​ຂົ່ມຂືນທຳ​ສຳ​ເລົາ​ເດັກ​ຍິງ​ມາ​ແລ້ວ 1 ຄົນ ດ້ວຍວິທີການຄ້າຍຄືກັນ ແລະ ຕໍ່ກໍລະນີນີ້, ຈຶ່ງຝາກເຕືອນເຖິງຜູ້​ປົກຄອງ​ຕ້ອງ​ເພີ່ມ​ສະຕິ​ໃນ​ການ​ເບິ່ງ​ແຍງ​ລູກ​ຫລານ​ໃຫ້​ດີ, ຢ່າ​ປະປ່ອຍ​ໃຫ້​ເດັກ​ໄປມາ​ສະຖານທີ່ຕ່າງໆຢ່າງໂດດ​ດຽວ, ​ເພື່ອ​ຫລີກ​ລ່ຽງການຕົກເປັນເຫຍື່ອຂອງ ຄົນ​ບໍ່​ດີ​ຕົວະ​ຍົວະ​ຫລອກ​ລວງ​ໄປ​ໃນ​ທາງ​ທີ່​ບໍ່​ດີ.

ຈັບ​ຕົວ​ຜູ້​ຫລອກລວງເດັກຍິງ​ໄປຂົ່ມຂືນ - 1 1 - ຈັບ​ຕົວ​ຜູ້​ຫລອກລວງເດັກຍິງ​ໄປຂົ່ມຂືນ
ຈັບ​ຕົວ​ຜູ້​ຫລອກລວງເດັກຍິງ​ໄປຂົ່ມຂືນ - lattana 1 - ຈັບ​ຕົວ​ຜູ້​ຫລອກລວງເດັກຍິງ​ໄປຂົ່ມຂືນ
error: Content is protected !!