ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ

ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ - vangvieng - ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ
ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ - Untitled design - ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ

   ທ່ານເຈົ້າເມືອງວັງວຽງແຂວງວຽງຈັນ ໃຫ້ຮູ້ວ່າ: ເມືອງວັງວຽງເປັນທີ່ສົນໃຈຂອງນັກລົງທຶນຕ່າງປະເທດຫລາຍສົມຄວນ ເພື່ອຢາກມາລົງທຶນພັດທະນາຂະແໜງການທ່ອງທ່ຽວຕາມແນວທາງນະໂຍບາຍຂອງພັກ ແລະ ລັດຖະບານ ໃນການສົ່ງເສີມການທ່ອງທ່ຽວແບບຍືນຍົງ, ຊຶ່ງປັດຈຸບັນ, ແມ່ນເມືອງພວມເລັ່ງສໍາຫລວດພື້ນທີ່ 22 ບ້ານຢູ່ຝາກນໍ້າຊອງເບື້ອງນັ້ນລວມມີເນື້ອທີ່ປະມານ 7.000 ກວ່າເຮັກຕາເພື່ອຮອງຮັບໃຫ້ແກ່ແຜນພັດທະນາເຂດໃໝ່ວັງວຽງໃນອານາຄົດ.

ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ - vangvieng - ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ

  ທ່ານເຈົ້າເມືອງ ໃຫ້ຮູ້ວ່າ: ໂຄງການພັດທະນາເຂດໃໝ່ນີ້, ເປັນໂຄງການລະດັບຊາດ, ໂດຍລັດຖະບານໄດ້ຕົກລົງໃຫ້ບໍລິສັດ ພັດທະນາເຂດໃໝ່ວັງວຽງ ຈໍາກັດ ເປັນຜູ້ດໍາເນີນການສຶກສາສໍາຫລວດຄວາມເປັນໄປໄດ້ໃນການພັດ

ທະນາທໍາມະຊາດແບບຍືນຍົງ, ໂດຍໄດ້ກໍານົດເອົາພື້ນທີ່ຝາກນໍ້າຊອງເບື້ຶອງນັ້ນທີ່ກວມເອົາ 22 ບ້ານມາດໍາເນີນການອອກແບບ, ສຶກສາຄວາມເປັນໄປໄດ້ດ້ານເສດຖະກິດ-ເຕັກນິກ, ຜົນກະທົບດ້ານສິ່ງແວດລ້ອມສັງຄົມ ແລະ ທໍາມະຊາດ, ຄາດວ່າຜົນການສຶກສາສໍາຫລວດດ້ານຕ່າງໆຈະສໍາເລັດໃນປີ 2019 ນີ້ ເພື່ອໃຫ້ລັດຖະບານພິຈາລະນາຄົ້ນຄວ້າການຈັດຕັ້ງປະຕິບັດໂຄງການໃນຕໍ່ໜ້າ.

ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ - Wave100S AD to Website 2020 0 - ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ

   ບໍລິສັດທີ່ຮັບພິຊອບການສຶກສາສໍາຫລວດ ໃຫ້ຮູ້ວ່າ: ໂຄງການພັດທະນາເຂດໃໝ່ວັງວຽງນີ້, ແມ່ນຈະບໍ່ໄດ້ຍົກຍ້າຍເຮືອນ ຫລື ສິ່ງປົກສ້າງຂອງປະຊາຊົນແຕ່ຢ່າງໃດ, ພ້ອມທັງຈະຊ່ວຍປັບປຸງເຮືອນຊານຂອງປະຊາຊົນໃຫ້ຮັກສາເອກະລັກຂອງແຕ່ລະເຜົ່າເປັນລະບຽບຈົບງາມ ເພື່ອສາມາດດຶງດູດ ແລະ ຮອງຮັບບໍລິການນັກທ່ອງທ່ຽວພັກແຮມ (ໂຮມສະເຕ) ອີກດ້ວຍ, ເຊິ່ງຈະເປັນການສ້າງວຽກເຮັດງານທໍາ, ສ້າງລາຍຮັບໃຫ້ແກ່ປະຊາຊົນດີຂຶ້ນສອດ ຄ່ອງຕາມທິດທາງສົ່ງເສີມການທ່ອງທ່ຽວຍືນຍົງໂດຍປະຊາຊົນມີສ່ວນຮ່ວມ.

  ສັງລວມແລ້ວ, ໂຄງການພັດທະນາເຂດໃໝ່ວັງວຽງ ເປັນໂຄງການລະດັບຊາດ, ສະນັ້ນ ລັດຖະບານ ຈຶ່ງໄດ້ຊີ້ນໍາຢ່າງໃກ້ຊິດໃຫ້ຜູ້ຕ້ອງການພັດທະນາ ຕ້ອງໄດ້ເອົາໃຈໃສ່ສຶກສາສໍາຫລວດໃຫ້ລະອຽດກ່ຽວກັບຜົນປະໂຫຍດຂອງປະຊາຊົນ, ຂອງຊາດ ແລະ ຜົນກະທົບດ້ານຕ່າງໆໃຫ້ສອດຄ່ອງຕາມລະບຽບກົດໝາຍ, ໂດຍສະເພາະຕ້ອງຮັບປະກັນໃນດ້ານການປົກປັກຮັກສາເມືອງວັງວຽງມີທໍາມະຊາດທີ່ດີ, ສວຍງາມ ແລະ ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂຶ້ນ.   

ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ - WhatsApp Image 2020 05 27 at 5 - ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ
ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ - WhatsApp Image 2020 05 27 at 5 - ວັງວຽງເລັ່ງສໍາຫລວດພື້ນທີ່ເພື່ອພັດທະນາການທ່ອງທ່ຽວ
error: Alert: ເນື້ອຫາຂ່າວມີລິຂະສິດ !!