ໄຟໄໝ້ເຮືອນປະຊາຊົນ 6 ຫລັງຢູ່ບ້ານຍາພະ

- advert banner 728 90 728x90 - ໄຟໄໝ້ເຮືອນປະຊາຊົນ 6 ຫລັງຢູ່ບ້ານຍາພະ

- Fire burning 300x225 - ໄຟໄໝ້ເຮືອນປະຊາຊົນ 6 ຫລັງຢູ່ບ້ານຍາພະ          ເຈົ້າໜ້າທີ່ມອດໄຟ ນະຄອນຫລວງວຽງຈັນ ໃຫ້ຮູ້ວ່າ: ເວລາປະມານທ່ຽງຄືນຂອງວັນທີ 11 ມີນາຜ່ານມານີ້, ໄດ້ເກີດໄຟໄໝ້ເຮືອນປະຊາຊົນຢູ່ບ້ານຍະພະ, ໜ່ວຍ 18, ເມືອງສີໂຄດຕະບອງ ນະຄອນຫລວງວຽງຈັນຢ່າງຮຸນແຮງ, ເຈົ້າໜ້າທີ່ໄດ້ນຳໃຊ້ລົດນ້ຳເກືອບ 10 ຄັນ ແລະ ກຳລັງຈຳນວນໜຶ່ງເຂົ້າຊ່ວຍເຫລືອຢ່າງຮີບດ່ວນ, ຜ່ານໄປຫລາຍຊົ່ວໂມງ ຈຶ່ງສາມາດຄວບຄຸມໄຟໄດ້ສຳເລັດ, ແຕ່ກໍຍັງເຮັດໃຫ້ເຮືອນ 6 ຫລັງຖືກໄຟໄໝ້ຈົນກ້ຽງ, ເດັກນ້ອຍ 2 ຄົນໄດ້ຮັບບາດເຈັບ.

- lattana 1 - ໄຟໄໝ້ເຮືອນປະຊາຊົນ 6 ຫລັງຢູ່ບ້ານຍາພະ
- Wave100S AD to Website 2020 0 - ໄຟໄໝ້ເຮືອນປະຊາຊົນ 6 ຫລັງຢູ່ບ້ານຍາພະ

ຜ່ານການສືບສວນ-ສອບສວນຂອງເຈົ້າໜ້າທີ່ໃນເບື້ອງຕົນຮູ້ວ່າ: ເຮືອນຫລັງຕົ້ນເພີງເປັນເຮືອນຂອງທ້າວ ທອງພັນ ສີລິສຸກ, ອາຍຸ 61 ປີ ແລະ ໄດ້ລຸກລາມໄປເຮືອນໃກ້ຄຽງອີກ 5 ຫລັງຄື: ເຮືອນຂອງທ້າວ ທິດໄຫລ, ອາຍຸ 56 ປີ, ນາງ ແກ້ວມະນີ, ອາຍຸ 38 ປີ, ທ້າວ ຄໍຫ້າ, ອາຍຸ 35 ປີ, ທ້າວ ຊຽງຄຳຍອດ ຄູນປະເສີດ, ອາຍຸ 62 ປີ ແລະ ເຮືອນຫລັງສຸດທ້າຍເຮືອນຂອງທ້າວ ກອງຄຳ, ອາຍູ 41 ປີ. ນອກນີ້ ຍັງມີລົດຈັກ 2 ຄັນ, ລົດຈຳໂບ້ 1 ຄັນ ໄດ້ຮັບຄວາມເສຍຫາຍ. ສ່ວນສາເຫດຂອງການເກີດອັກຄີໄພຄັ້ງນີ້ຍັງຢູ່ໃນການສືບສວນ-ສອບສວນຂອງເຈົ້າໜ້າທີ່ ເພື່ອໃຫ້ຄວາມກະຈ່າງແຈ້ງຕໍ່ຜູ້ເສຍຫາຍ.

ປັດຈຸບັນ ສະພາບອາກາດຮ້ອນອົບເອົ້າຫລາຍ, ຊຶ່ງບາງວັນອຸນຫະພູມສູງເຖິງ 30-40 ອົງສາ, ອາດມີຄວາມສ່ຽງເຮດໃຫ້ເກີດອັກຄີໄພໄດ້ງ່າຍ, ດັ່ງນັ້ນ ຈຶ່ງເຕືອນໃຫ້ທຸກຄົນມີສະຕິລະວັງຕົວໃຫ້ດີ ໃນການນຳໃຊ້ຟືນໄຟເຂົ້າໃນຊີວິດປະຈຳວັນ ຖ້າເຫັນສະພາບລະບົບໄຟຟ້າໃນເຮືອນບໍ່ດີ ກໍຕ້ອງປ່ຽນງ່າຍ ແລະ ປົວແປງໃຫ້ຮັບປະກັນ.

error: Content is protected !!