8 ອາຫານຍິ່ງເກັບໄວ້ດົນຍິ່ງລົດຊາດດີ

8 ອາຫານຍິ່ງເກັບໄວ້ດົນຍິ່ງລົດຊາດດີ - 032201 2019 - 8 ອາຫານຍິ່ງເກັບໄວ້ດົນຍິ່ງລົດຊາດດີ
8 ອາຫານຍິ່ງເກັບໄວ້ດົນຍິ່ງລົດຊາດດີ - Untitled design - 8 ອາຫານຍິ່ງເກັບໄວ້ດົນຍິ່ງລົດຊາດດີ


    – ຊາ : ມີການວິໄຈ ແລະ ການສຶກສາພົບວ່າ ຊາຊະນິດໜຶ່ງຂອງປະເທດຈີນ ຊື່ວ່າ ຊາຜູ່ເອີ໋ ເປັນຊາທີ່ມີອາຍຸເກົ່າແກ່ ແລະ ເປັນຊາທີ່ມີປະໂຫຍດຫລາຍຢ່າງ ເຊັ່ນ : ການຫລຸດຄໍເລສເຕີໂຣນ ແລະ ອາການເມົາຄ້າງ ແລະ ເມື່ອປຽບທຽບກັບຊາອື່ນໆ ຊາຜູ່ເອີ໋ ນີ້ມີລົດຊາດທີ່ເຂັ້ມຂຸ້ນຫລາຍ ລວມທັງເປັນທີ່ຮູ້ຈັກກັນວ່າ ເປັນຊາທີ່ໃຫ້ປະລິມານກາເຟອີນສູງກ່ວາຊາດຳນຳອີກ.   

     – ຊີສ : ກໍແມ່ນເນີຍແຂງທີ່ມີອາຍຸຫລາຍ ເພາະຊີສປະເພດນີ້ຈະຖືກເກັບໄວ້ເປັນໄລຍະເວລາດົນ ປະມານ 9 ເດືອນ ຫາ 6 ປີ ຈົນເຮັດໃຫ້ມີລົດຊາດທີ່ນຸ້ມນວນຂຶ້ນ ຍ້ອນການສູນເສຍຄວາມຊຸ່ມທັງໝົດໃນໄລຍະເວລາດັ່ງກ່າວ ແລະ ຜົນໃນການສ້າງກົດແລກຕິກທີ່ເກີດຂຶ້ນ ເຊິ່ງຈະເປັນການເພີ່ມປະລິມານວິຕາມິນ ແລະ ໂປຣໄບໂອຕິກໃນຊີສ.

8 ອາຫານຍິ່ງເກັບໄວ້ດົນຍິ່ງລົດຊາດດີ - 042201 2019 - 8 ອາຫານຍິ່ງເກັບໄວ້ດົນຍິ່ງລົດຊາດດີ

     – ໄຂ່ : ມີການວິໄຈພົບວ່າໄຂ່ທີ່ເກັບມາເປັນເວລາ 6 – 10 ມື້ ຈະມີປະລິມານຮີໂດຣແຊນຊັລໄຟຢູ່ຫລາຍ ແລະ ມີປະໂຫຍດຕໍ່ສຸຂະພາບທຽບເທົ່າກັບສານຕ້ານອະນຸມູນອິດສະລະ. ນອກຈາກນີ້ ທ່ານຈະຕ້ອງປະຫລາດໃຈເມື່ອຮູ້ວ່າໄຂ່ທີ່ເກັບມ້ຽນໄວ້ດົນເຫລົ່ານີ້ ເມື່ອເອົາໄປຕົ້ມ ຈະປອກເປືອກງ່າຍກ່ວາໄຂ່ໃໝ່ໆ.  

     – ໝາກແຕງດອງ : ການໝັກໝາກແຕງດອງໃນກວດໂຫລຈະເປັນສ່ວນສຳຄັນໃນການເພີ່ມລົດຊາດໃໝ່ໃຫ້ກັບໝາກແຕງ ພ້ອມກັບວິຕາມິນທີ່ເປັນປະໂຫຍດຕໍ່ຮ່າງກາຍຂອງທ່ານ ຍິ່ງດອງໄວ້ດົນເທົ່າໃດ ໝາກແຕງດອງຂອງທ່ານກໍຈະມີລົດຊາດທີ່ເຂັ້ມຂຸ້ນຍິ່ງຂຶ້ນ. ນອກຈາກນີ້, ໝາກແຕງດອງຍັງເປັນດັ່ງໂປຣໄບໂອຕິກທີ່ສາມາດຊ່ວຍໃຫ້ລະບົບຍ່ອຍອາຫານຂອງທ່ານເຮັດວຽກໄດ້ຢ່າງເປັນລະບົບຍິ່ງຂຶ້ນ.

     – ເຄັກເຫລົ້າຣຳ : ໃນຊ່ວງເທດສະການຄຣິສມາດ ຮ້ານເຂົ້າໜົມເກືອບທຸກຮ້ານກໍຈະເຕັມໄປດ້ວຍເຄັກເຫລົ້າຣຳ ເຊິ່ງໃນປະຈຸບັນສາມາດຫາເຫລົ້າຣຳມາເຮັດເຄັກໄດ້ພາຍໃນ 2 – 3 ມື້, ແຕ່ຄວາມຈິງແລ້ວຂະບວນການໝັກຂອງຜູ້ຄົນແບບດັ້ງເດີມຈະເປັນການໝັກໝາກໄມ້ແຫ້ງແຊ່ໄວ້ໃນເຫລົ້າຣຳເປັນເວລາດົນ ບາງເຈົ້າກໍໝັກໄວ້ເປັນເດືອນ ເຊິ່ງນີ້ແມ່ນເຂົ້າໜົມເຄັກທີ່ໜ້າອັດສະຈັນ ແລະ ເພີ່ມປະສົບການທີ່ທ່ານບໍ່ສາມາດລືມໄດ້.

8 ອາຫານຍິ່ງເກັບໄວ້ດົນຍິ່ງລົດຊາດດີ - Wave100S AD to Website 2020 0 - 8 ອາຫານຍິ່ງເກັບໄວ້ດົນຍິ່ງລົດຊາດດີ

     – ນຳ້ສົ້ມສາຍຊູບັລຊາມິກ : ໃນວິທີແບບດັ້ງເດີມຂອງປະເທດອີຕາລີ ນຳ້ສົ້ມສາຍຊູບັລຊາມິກຈະຖືກເຮັດຂຶ້ນມາ ແລະ ໝັກໄວ້ປະມານ 10 – 12 ປີ ເພື່ອໃຫ້ໄດ້ລົດຊາດທີ່ຫວານ ແລະ ກິ່ນຫອມທີ່ຮຸນແຮງຈົນເປັນເອກະລັກ ເຊິ່ງນີ້ແມ່ນສິ່ງທີ່ເຮັດໃຫ້ນຳ້ສົ້ມສາຍຊູບັລຊາມິກເປັນທີ່ຮູ້ຈັກ ແລະ ໄດ້ຮັບຄວາມນິຍົມໄປທົ່ວໂລກ.

     – ເຫລົ້າແວັງ : ອາຍຸເປັນພຽງໂຕເລກເທົ່ານັ້ນ ແລະ ຍິ່ງເປັນໂຕເລກທີ່ໝາຍເຖິງລົດຊາດຂອງຄວາມດີເລີດແລ້ວ ການເກີດປະຕິກິລິຍາທາງເຄມີທີ່ສັບຊ້ອນລະຫ່ວາງນຳ້ຕານ, ສານປະກອບຟີນັອນ ແລະ ກົດເທນນິນ ຈະຍິ່ງເຮັດໃຫ້ສີ, ກິ່ນ ແລະ ລົດຊາດ ຂອງເຫລົ້າແວັງປ່ຽນໄປຕາມເວລາ ເຊິ່ງເປັນການປ່ຽນແປງໃນທິດທາງທີ່ດີຫລາຍ.

     – ເຫລົ້າວິສກີ້ : ເປັນທີ່ຮູ້ກັນດີຢູ່ແລ້ວວ່າ ເຫລົ້າວິສກີ້ ຈະໃຫ້ລົດຊາດທີ່ດີຂຶ້ນເມື່ອເກັບໄວ້ເປັນເວລາດົນ ເພາະເກີດການປ່ຽນແປງທາງເຄມີໃນການໝັກບົ່ມ ນອກຈາກນີ້, ຍັງຂຶ້ນຢູ່ກັບຊະນິດຂອງໄມ້ທີ່ໃຊ້ເຮັດຖັງໝັກບົ່ມນຳອີກ ຄ້າຍຄືກັບເຫລົ້າສະກ໊ອດນັ້ນເອງ.

8 ອາຫານຍິ່ງເກັບໄວ້ດົນຍິ່ງລົດຊາດດີ - WhatsApp Image 2020 05 27 at 5 - 8 ອາຫານຍິ່ງເກັບໄວ້ດົນຍິ່ງລົດຊາດດີ
8 ອາຫານຍິ່ງເກັບໄວ້ດົນຍິ່ງລົດຊາດດີ - WhatsApp Image 2020 05 27 at 5 - 8 ອາຫານຍິ່ງເກັບໄວ້ດົນຍິ່ງລົດຊາດດີ
error: Alert: ເນື້ອຫາຂ່າວມີລິຂະສິດ !!