ຮັດເດີຟິວ ແຕ່ງຕັ້ງຄູຝຶກຊຸດສຳຮອງ ດ໋ອດມຸນ ຄຸມທີມໜີຕົກຊັ້ນ

ຮັດເດີຟິວ ແຕ່ງຕັ້ງຄູຝຶກຊຸດສຳຮອງ ດ໋ອດມຸນ ຄຸມທີມໜີຕົກຊັ້ນ - advert banner 728 90 728x90 - ຮັດເດີຟິວ ແຕ່ງຕັ້ງຄູຝຶກຊຸດສຳຮອງ ດ໋ອດມຸນ ຄຸມທີມໜີຕົກຊັ້ນ

     ຮັດ​ເດີ​ຟິວ ທາວ ສະ​ໂມ​ສອນ​ໃນ​ພຣີ​ເມຍ​ລີກ ອັງກິດ ປະກາດ​ແຕ່ງຕັ້ງ ຢານ ​ຊີ​ເວີ​ດ ຜູ້​ຈັດການ​ທີ​ມຊາວ​ເຢຍລະ​ມັນ ​ໄວ 36 ປີ ຄຸມ​ທີ​ມໜີ​ຕົກ​ຊັ້ນ​ແທນ ​ເດ​ວິດ ວັກ​ເນີ ຜູ້​ຈັດການ​ທີ​ມຊາວ​ອາ​ເມ​ລິ​ກາ ​ໄວ 47 ປີ ທີ່​ຖືກ​ປົດ​ອອກ​ຈາກ​ຕຳ​ແໜ່​ງຫລັງ​ນຳ​ທີ​ມສ້າງ​ຜົນງານ​ຕົກ​ຕໍ່າ​ໜ້າ​ເປັນ​ຫ່ວງ​ຈົ່ມ​ຢູ່​ທ້າຍ​ຕາຕະລາງ​ພຣີ​ເມຍ​ລີກ.

     ຢານ ຊີ​ເວີ​ດ ລາ​ການ​ຄຸມ​ທີ​ມສຳຮອງ​ຂອງ​ສະ​ໂມ​ສອນ ​ໂບຣຸສ​ເຊຍ ດ໋ອດມຸນ ທີ​ມດັງ​ໃນ​ບຸນ​ເດ​ສລີ​ກ້າ ​ເຢຍລະ​ມັນ ມາ​ຄຸມ ຮັດ​ເດີ​ຟິວ ທາວ ​ໃນ​ສັນຍາ​ຈົນ​ຈົບ​ລະດູ​ການ 2020-21 ນັດ​ທຳ​ອິດ​ຂອງ ຢານ ຊີ​ເວີ​ດ ຈະ​ນຳ ຮັດ​ເດີຟິວ ທາວ ​ເປີດ​ບ້ານ​ຕ້ອນຮັບ ​ເອັຟ​ເວີ​ຕັນ ​ເກ​ມລີກ​ຄືນ​ວັນທີ 29 ມັງກອນ​ນີ້. ປັດຈຸບັນ ທີ​ມມີ​ພຽງ 11 ຄະ​ແນນ ຈາກ 23 ນັດ ຊະນະ 2 ສະ​ໄໝ 5 ​ເສຍ 16 ຍິງ​ໄດ້​ພຽງ 13 ປະຕູ ​ເສຍ​ເຖິງ 40 ປະຕູ ຫ່າງ​ຈາກ​ພື້ນທີ່​ປອດ​ໄພ 11 ຄະ​ແນນ.

ຮັດເດີຟິວ ແຕ່ງຕັ້ງຄູຝຶກຊຸດສຳຮອງ ດ໋ອດມຸນ ຄຸມທີມໜີຕົກຊັ້ນ - lattana 1 - ຮັດເດີຟິວ ແຕ່ງຕັ້ງຄູຝຶກຊຸດສຳຮອງ ດ໋ອດມຸນ ຄຸມທີມໜີຕົກຊັ້ນ
ຮັດເດີຟິວ ແຕ່ງຕັ້ງຄູຝຶກຊຸດສຳຮອງ ດ໋ອດມຸນ ຄຸມທີມໜີຕົກຊັ້ນ - 1 1 - ຮັດເດີຟິວ ແຕ່ງຕັ້ງຄູຝຶກຊຸດສຳຮອງ ດ໋ອດມຸນ ຄຸມທີມໜີຕົກຊັ້ນ

     ສຳລັບ ຢານ ຊີ​ເວີ​ດ ສະ​ໄໝ​ເປັນ​ນັກ​ເຕະ​ຫລິ້ນຕຳ​ແໜ່​ງກາງ​ຮັບ, ​ແຕ່​ຜົນງານ​ບໍ່​ເດັ່ນ ຜັນ​ຕົວ​ເປັນ​ຄູ​ຝຶກ​ໃນ​ປີ 2015 ດ້ວຍ​ການ​ຄຸມ​ທີ​ມ Rot-Weiss Essen 2015-16 ຈາກ​ນັ້ນ​ໄປ​ຄຸມ​ທີ​ມ VFL Bochum U19 ຊຸດ 19 ປີ 2016-17 ​ແລະ ​ໄປ​ຄຸມ​ທີ​ມຊຸດ​ສຳຮອງ Borussia Dortmund II ​ໃນ​ປີ 2017-19.

error: Content is protected !!