UN ເຜີຍຍອດ FDI ຈີນຂະຫຍາຍຕົວສວນທາງທົ່ວໂລກ

un ເຜີຍຍອດ fdi ຈີນຂະຫຍາຍຕົວສວນທາງທົ່ວໂລກ - advert banner 728 90 728x90 - UN ເຜີຍຍອດ FDI ຈີນຂະຫຍາຍຕົວສວນທາງທົ່ວໂລກ

      ກອງ​ປະຊຸມ​ສະຫະ​ປະຊາ​ຊາດ​ວ່າ​ດ້ວຍ​ການ​ຄ້າ ​ແລະ ການ​ພັດທະນາ (UNCTAD) ​ເປີດ​ເຜີຍ​ວ່າ: ຍອດ​ກາ​ນລົງທຶນ​ໂດຍ​ກົງ​ຈາກ​ຕ່າງປະ​ເທດ (FDI) ຂອງ​ທົ່ວ​ໂລກ​ຂະຫຍາຍຕົວ​ຊ້າ​ລົງ​ໃນ​ປີ 2018, ​ແຕ່ FDI ຂອງ​ຈີນ​ພັດ​ເປັນ​ໄປ​ໃນ​ທິດ​ທາງ​ກົງກັນຂ້າມ ​ແລະ ​ເປັນ​ປະ​ເທດ​ທີ່​ມີ​ເມັດ​ເງິນ FDI ​ເຂົ້າປະ​ເທ​ດຫລາຍ​ທີ່​ສຸດ​ໃນ​ໂລກ.

un ເຜີຍຍອດ fdi ຈີນຂະຫຍາຍຕົວສວນທາງທົ່ວໂລກ - new3 - UN ເຜີຍຍອດ FDI ຈີນຂະຫຍາຍຕົວສວນທາງທົ່ວໂລກ

      ສຳນັກ​ຂ່າວ​ຊິ​ນຮົວລາຍ​ງານ​ວ່າ: UNCTAD ​ໄດ້​ເປີດ​ເຜີຍ​ລາຍ​ງານ​ຈັບ​ຕາ​ທ່າ​ອ່ຽງການ​ລົງທຶນ​ປີ 2019 (2019 Investment Trends Monitor) ​ເຊິ່ງລະບຸ​ວ່າ: FDI ທົ່ວ​ໂລກ​ຄວນ​ປັບ​ຕົວ​ຂຶ້ນ​ໃນ​ປີ 2019, ​ແຕ່​ທ່າ​ອ່ຽງ​ໃນ​ປັດຈຸບັນ​ຍັງ​ຢູ່​ໃນ​ລະດັບ​ທີ່​ອ່ອນ​ແອ.

      ສ່ວນ​ຍອດ FDI ທົ່ວ​ໂລກ​ໃນ​ປີ 2018 ປັບ​ຫລຸດ​ລົງ 19% ສູ່​ລະດັບ 1,2 ຕື້​ໂດ​ລາ ຈາກ​ລະດັບ 1,47 ຕື້​ໂດ​ລາ ​ໃນ​ປີ 2017.

      ທ່ານ ​ເຈ​ມ ຈານ ຜູ້ອຳນວຍການ​ຝ່າຍ​ການ​ລົງທຶນ ​ແລະ ບໍລິສັດ​ຂອງ UNCTAD ກ່າວ​ວ່າ: ຍອດ FDI ທົ່ວ​ໂລກ​ຫລຸດ​ລົງ​ຕິດ​ຕໍ່​ກັນ​​ເປັນ​ປີ​ທີ 3 ສົ່ງ​ຜົນ​ໃຫ້​ຍອດ​ລວມຫລຸດ​ລົງ​ມາ​ຢູ່​ລະດັບ​ຕໍ່າ​ສຸດ​ນັບ​ແຕ່​ຫລັງ​ເກີດ​ວິ​ກິດ​ການ​ເງິນ​ໂລກ, ​ແຕ່​ສຳລັບ​ຈີນ​ນັ້ນ ​ໃນ​ໄລຍະ​ເຄິ່ງປີ​ທຳ​ອິດ ຈີນ​ເປັນ​ປະ​ເທດ​ທີ່​ມີ​ຍອດ FDI ຫລາຍ​ທີ່​ສຸດ​ໃນ​ໂລກ.

un ເຜີຍຍອດ fdi ຈີນຂະຫຍາຍຕົວສວນທາງທົ່ວໂລກ - lattana 1 - UN ເຜີຍຍອດ FDI ຈີນຂະຫຍາຍຕົວສວນທາງທົ່ວໂລກ

      ທ່ານ ຈານ ກ່າວ​ວ່າ: ປັດ​ໄຈ​ທີ່​ເຮັດ​ໃຫ້​ເມັດ​ເງິນ FDI ​ໄຫລ​ເຂົ້າສູ່​ຈີນ​ຈຳນວນ​ຫລາຍ​ນັ້ນ ມາ​ຈາກ​ຫລາຍ​ປັດ​ໄຈ ​ເຊິ່ງລວມທັງ​ການ​ທີ່​ຈີນ​ເປີດ​ເສລີ​ຢ່າງ​ຕໍ່​ເນື່ອງ ​ໂດຍ​ສະ​ເພາະ​ໃນ​ຂະ​ແໜງ​ບໍລິການ ​ແລະ ການ​ເງິນ. ນອກຈາກ​ນີ້ ຈີນ​ຍັງ​ເພີ່ມ​ຄວາມ​ພະຍາຍາມ​ໃນ​ການ​ສະໜັບສະໜູນ​ການ​ລົງທຶນ​ໃນ​ອຸດສາຫະກຳ​ໄຮ​ເທັກ.

error: Content is protected !!