ວາງສີລາລືກ ໂຄງການກໍ່ສ້າງສູນຄົ້ນຄວ້າວິໄຈຢາງພາລາ ແລະ ພືດກະສິກໍາລາວ

ວາງສີລາລືກ ໂຄງການກໍ່ສ້າງສູນຄົ້ນຄວ້າວິໄຈຢາງພາລາ ແລະ ພືດກະສິກໍາລາວ - laos chiana - ວາງສີລາລືກ ໂຄງການກໍ່ສ້າງສູນຄົ້ນຄວ້າວິໄຈຢາງພາລາ ແລະ ພືດກະສິກໍາລາວ
ວາງສີລາລືກ ໂຄງການກໍ່ສ້າງສູນຄົ້ນຄວ້າວິໄຈຢາງພາລາ ແລະ ພືດກະສິກໍາລາວ - Untitled design - ວາງສີລາລືກ ໂຄງການກໍ່ສ້າງສູນຄົ້ນຄວ້າວິໄຈຢາງພາລາ ແລະ ພືດກະສິກໍາລາວ

    ພິທີວາງສີລາລຶກ ໂຄງການກໍ່ສ້າງສູນຄົ້ນຄວ້າວິໄຈຢາງພາລາ ແລະ ພືດກະສິກໍາລາວ ໂຄງການຮ່ວມມືລະຫວ່າງກະຊວງກະສິກໍາ ແລະ ປ່າໄມ້ ແລະ ກຸ່ມບໍລິສັດພັດທະນາກະສິກໍາຢຸນນານ ຈໍາກັດ ສປ ຈີນ, ໄດ້ມີຂຶ້ນໃນວັນທີ 20 ມັງກອນນີ້, ຢູ່ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ທອງພັດ ວົງມະນີ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້, ທ່ານ ຖານຊື້ໜີງ ຕາງໜ້າປະທານກຸ່ມບໍລິສັດດັ່ງກ່າວ ແລະ ມີທ່ານຮອງຫົວໜ້າພະແນກ ຄະນະກໍາມະການຄຸ້ມຄອງຊັບສິນລັດ ແຂວງຢຸນນານເຂົ້າຮ່ວມນໍາດ້ວຍ.

    ເພື່ອກໍ່ສ້າງພື້ນຖານໂຄງລ່າງ ລວມທັງຫ້ອງວິໄຈຢາງພາລາ, ຫ້ອງວິໄຈພືດກະສິກໍາ, ຫ້ອງຝຶກອົບຮົມ, ຂໍ້ມູນຂ່າວສານ, ຫ້ອງວາງສະແດງໝາກຜົນຂອງການປູກພືດທົດແທນການປູກຝິ່ນ, ຫ້ອງການ, ຫໍພັກ ແລະ ພ້ອມທັງປະກອບອຸປະກອນເຄື່ອງມືການວິໄຈ ແລະ ສິ່ງອໍານວຍຄວາມສະດວກອື່ນໆທີ່ກ່ຽວຂ້ອງ, ເພື່ອພັດທະນາຄວາມສາມາດ ແລະ ຝຶກອົບຮົມວິຊາການໃຫ້ແກ່ພະນັກງານ-ວິຊາການຂອງລາວ ໃນມີຄວາມເຂັ້ມແຂງໃນການດໍາເນີນງານວິໄຈຄຸນນະພາບ ແລະ ການກໍານົດມາດຕະຖານພືດກະສິກໍາລາວ ພ້ອມທັງອອກໃບຢັ້ງຢືນໃຫ້ເປັນທີ່ຍອມຮັບຂອງພາກພື້ນ ແລະ ສາກົນ.

    ສູນດັ່ງກ່າວຕັ້ງຢູ່ບ້ານ ໂນນສະອາດ ເມືອງໄຊທານີ ນະຄອນຫຼວງວຽງຈັນ, ຊຶ່ງມີເນື້ອທີ່ດິນປຸກສ້າງທັງໝົດຫຼາຍກວ່າ 20.000 ຕາແມັດ, ມີອາຄານທັງໝົດ 4 ຫຼັງ, ໃນນັ້ນປະກອບດ້ວຍອາຄານຫ້ອງການ ແລະ ຫ້ອງຝຶກອົບຮົມຕ່າງໆ 1 ຫຼັງ, ອາຄານຫ້ອງທົດລອງ 2 ຫຼັງ ແລະ ອາຄານຫໍພັກ 1 ຫຼັງ, ດ້ວຍມູນຄ່າການກໍ່ສ້າງ 10 ລ້ານໂດລາສະຫະລັດ ໂດຍແມ່ນທຶນສະໜັບສະໜູນຂອງກຸ່ມບໍລິສັດພັດທະນາກະສິກໍາ  ຢຸນນານ ຈໍາກັດ ແລະ ໂຄງການຮ່ວມມືດັ່ງກ່າວມີໄລຍະດໍາເນີນງານ 30 ປີ ໂດຍແບ່ງອອກເປັນ 2 ໄລຍະຄື: ໄລຍະ 1 ເລີ່ມແຕ່ຕົ້ນປີ 2018-2020 ເປັນໄລຍະກໍ່ສ້າງຕຶກອາຄານ ແລະ ກໍ່ສ້າງພະນັກງານວິຊາການລາວ ແລະ ໄລຍະ 2  ເລີ່ມແຕ່ຕົ້ນປີ 2021-2051 ເປັນໄລຍະການຮ່ວມມືດ້ານວິຊາການ ເປັນຕົ້ນແມ່ນ ພາຍຫຼັງສ້າງສູນຄົ້ນຄວ້າວິໄຈດັ່ງກ່າວສໍາເລັດ ທັງສອງຝ່າຍຈະໄດ້ຮ່ວມມືກັນຄົ້ນຄວ້າວິໄຈລົງເລິກດ້ານແນວພັນ, ການປູກ, ການບົວລະບັດຮັກສາ, ການຂີດຢາງ, ການປຸງແຕ່ງ, ການຄົ້ນຄວ້າວິໄຈຄຸນນະພາບ ແລະ ການກໍານົດມາດຕະຖານຢາງພາລາ ແລະ ພືດກະສິກໍາລາວ.

ວາງສີລາລືກ ໂຄງການກໍ່ສ້າງສູນຄົ້ນຄວ້າວິໄຈຢາງພາລາ ແລະ ພືດກະສິກໍາລາວ - Wave100S AD to Website 2020 0 - ວາງສີລາລືກ ໂຄງການກໍ່ສ້າງສູນຄົ້ນຄວ້າວິໄຈຢາງພາລາ ແລະ ພືດກະສິກໍາລາວ
ວາງສີລາລືກ ໂຄງການກໍ່ສ້າງສູນຄົ້ນຄວ້າວິໄຈຢາງພາລາ ແລະ ພືດກະສິກໍາລາວ - WhatsApp Image 2020 05 27 at 5 - ວາງສີລາລືກ ໂຄງການກໍ່ສ້າງສູນຄົ້ນຄວ້າວິໄຈຢາງພາລາ ແລະ ພືດກະສິກໍາລາວ
ວາງສີລາລືກ ໂຄງການກໍ່ສ້າງສູນຄົ້ນຄວ້າວິໄຈຢາງພາລາ ແລະ ພືດກະສິກໍາລາວ - WhatsApp Image 2020 05 27 at 5 - ວາງສີລາລືກ ໂຄງການກໍ່ສ້າງສູນຄົ້ນຄວ້າວິໄຈຢາງພາລາ ແລະ ພືດກະສິກໍາລາວ
error: Alert: ເນື້ອຫາຂ່າວມີລິຂະສິດ !!