ດາສຕິນ ຈ໋ອນສັນ ຄວ້າແຊ້ມກັອຟ ຊາອຸ ອິນເຕີເນເຊິນນໍລ 2019

ດາສຕິນ ຈ໋ອນສັນ ຄວ້າແຊ້ມກັອຟ ຊາອຸ ອິນເຕີເນເຊິນນໍລ 2019 - advert banner 728 90 728x90 - ດາສຕິນ ຈ໋ອນສັນ ຄວ້າແຊ້ມກັອຟ ຊາອຸ ອິນເຕີເນເຊິນນໍລ 2019

      ການ​ແຂ່ງຂັນ​ກັອຟ ຢູ​ໂຣປ້ຽນທົວ ລາຍການ​ໃໝ່ ຊາ​ອຸ ອິນ​ເຕີ​ເນ​ເຊິ​ນນໍລ 2019 (Saudi International 2019) ຊີງ​ເງິນ​ລາງວັນ​ລວມ 3.500.000 ​ໂດ​ລາ​ສະຫະລັດ ທີ່​ສະໜາມ King Abdullah Economic City ປະ​ເທດ​ຊາ​ອຸ​ດິອາຣະ​ເບຍ ​ໃນ​ທ້າຍ​ອາທິດ​ຜ່ານ​ມາ. ດາ​ສຕິນ ຈ໋ອນສັນ ອະດີດ​ນັກ​ກັອຟມື 1 ຂອງ​ໂລກ ​ເບີ 3 ຂອງ​ໂລກ​ໃນ​ປັດຈຸບັນ ຈາກ​ສະຫະລັດ​ອາ​ເມ​ລິ​ກາ ຄະ​ແນນ​ລວມ 4 ວັນ -19 ອັນ​ເດີ​ພາຣ ​ເອົາ​ຊະນະ ຫລີ ຫາວ​ຕົງ ນັກ​ກັອຟມື​ອັນ​ດັບ 44 ຂອງ​ໂລກ ຈາກ​ຈີນ 2 ສະ​ໂຕຣກ ຄວ້າ​ແຊ້ມລາຍການ​ທຳ​ອິດ​ໃນ​ລະດູ​ການ​ນີ້ ຮັບ​ເງິນ​ລາງວັນ 583.450 ​ໂດ​ລາ​ສະຫະລັດ.

        ຂະນະ​ທີ່ ອຽນ ​ໂພ​ເຕີ ນັກ​ກັອຟຊື່​ດັງ​ຈາກ​ອັງກິດ ​ໄດ້​ອັນ​ດັບ​ທີ 6 ຮ່ວມ ຄະ​ແນນ​ລວມ -11 ອັນ​ເດີ​ພາຣ, ​ແພັດທຣິກ ຣີດ ຈາກ​ອາ​ເມ​ລິ​ກາ ຕີ​ເກີນ +1 ​ໂອ​ເວີ​ພາຣ ຈົບ​ອັນ​ດັບ​ທີ 56, ບຣຸກ ຄັອບກ້າ ອີກ​ໜຶ່ງ​ນັກ​ກັອຟຈາກ​ອາ​ເມ​ລິ​ກາ ຈົບ​ອັນ​ດັບ​ທີ 57 ຮ່ວມ ຕີ​ເກີນ +2 ​ໂອ​ເວີ​ພາຣ, ​ເອີ​ນີ້ ​ເອວ ຈາກ​ອາ​ຟຣິກາ​ໃຕ້ ຈົບ​ອັນ​ດັບ​ທີ 89 ຮ່ວມ ຕີ​ເກີນ +3 ​ໂອ​ເວີ​ພາຣ ​ແລະ ລີ ​ເວັສວູດ ຈາກ​ອັງກິດ ຕີ​ເກີນ +4 ​ໂອ​ເວີ​ພາຣ ຈົບ​ທີ 95 ຮ່ວມ.

ດາສຕິນ ຈ໋ອນສັນ ຄວ້າແຊ້ມກັອຟ ຊາອຸ ອິນເຕີເນເຊິນນໍລ 2019 - lattana 1 - ດາສຕິນ ຈ໋ອນສັນ ຄວ້າແຊ້ມກັອຟ ຊາອຸ ອິນເຕີເນເຊິນນໍລ 2019
ດາສຕິນ ຈ໋ອນສັນ ຄວ້າແຊ້ມກັອຟ ຊາອຸ ອິນເຕີເນເຊິນນໍລ 2019 - 1 1 - ດາສຕິນ ຈ໋ອນສັນ ຄວ້າແຊ້ມກັອຟ ຊາອຸ ອິນເຕີເນເຊິນນໍລ 2019

      ຢູ​ໂຣປ້ຽນທົວ ລາຍການ​ຕໍ່​ໄປ​ຈະ​ມີ​ຂຶ້ນ​ໃນ​ທ້າຍ​ອາທິດ​ນີ້ ລາຍການ ISPS Handa Victoria Open ທີ່ Victoria ປະ​ເທ​ດອົດ​ສະຕຣາລີ ຊີງ​ເງິນ​ລາງວັນ​ລວມ 1.500.000 ​ໂດ​ລາ​ອົດ​ສະຕຣາລີ.

error: Content is protected !!