ເຊລຊີ ສົນໃຈດຶງ ໂປເຊັດຕິໂນ່ ເປັນຜູ້ຈັດການທີມ

ເຊລຊີ ສົນໃຈດຶງ ໂປເຊັດຕິໂນ່ ເປັນຜູ້ຈັດການທີມ - advert banner 728 90 728x90 - ເຊລຊີ ສົນໃຈດຶງ ໂປເຊັດຕິໂນ່ ເປັນຜູ້ຈັດການທີມ

     ດິ ​ເອັກ​ເພຣສ ສື່​ຂອງ​ອັງກິດ ລາຍ​ງານ​ວ່າ: ​ເຊ​ລຊີ ຮ່ວມ​ວົງ​ສົນ​ໃຈ​ດຶງ ​ເມົາຣິຊິ​ໂອ ​ໂປ​ເຊັດ​ຕິ​ໂນ່ ຜູ້​ຈັດການ​ທີ​ມ ສະ​ເປີ ​ໄປ​ເປັນ​ຜູ້​ຈັດການ​ທີ​ມຄົນ​ໃໝ່ ​ໂດຍ ​ໂຣມັນ ອົບຣາ​ໂມ​ວິດ ​ເຈົ້າຂອງ​ທີ​ມ ​ເຊ​ລ ຊີ ບອກ​ກັບ ​ເມົາຣິຊິ​ໂອ ຊາຣີ ຜູ້​ຈັດການ​ທີ​ມຄົນ​ປັດຈຸບັນ​ຂອງ​ທີ​ມວ່າ​ອາດ​ຖືກ​ປົດ ຖ້າ​ທີ​ມບໍ່​ໄດ້​ເຂົ້າຊີງ ​ແຊມ​ປ້ຽນລີກ ລະດູ​ການ​ໜ້າ.

      ​ເຊ​ລຊີ ຍອດ​ສະ​ໂມ​ສອນ​ແຫ່ງ ພຣີ​ເມຍ​ລີກ ອັງກິດ ​ໃຫ້​ຄວາມ​ສົນ​ໃຈ​ຈະ​ຄວ້າ ​ເມົາຣິຊິ​ໂອ ​ໂປ​ເຊັດ​ຕິ​ໂນ່ ຜູ້​ຈັດການ​ທີ​ມ ທ໊ອດ​ແນ່​ມ ຮັອດສະ​ເປີ ມາ​ເປັນ​ຜູ້​ຈັດການ​ທີ​ມຄົນ​ໃໝ່​ຂອງ​ທີ​ມ.

      ​ໂປ​ເຊັດ​ຕິ​ໂນ່ ບອກ​ລາ ​ເຊົາ​ແຮມ​ຕັນ ​ແລ້ວ​ມາ​ຄຸມ ສະ​ເປີ ​ໃນ​ຊ່ວງ​ຊຳ​ເມີ້​ປີ 2014 ​ເຊິ່ງລາວ​ສ້າງ​ຜົນງານ​ໄດ້​ຍອດ​ຢ້ຽມ​ມາ​ໂດຍ​ຕະຫລອດ ຈາກ​ການ​ພາ​ທີ​ມຕິດ 4 ອັນ​ດັບ​ທຳ​ອິດ​ໄດ້​ເຖິງ 3 ຈາກ 4 ລະດູ​ການ ​ແລະ ​ເປັນ​ໜຶ່ງ​ໃນ​ຄົນ​ສຳຄັນ​ທີ່​ເຮັດ​ໃຫ້ ​ແຮຣີ ​ເຄນ ກາຍ​ເປັນ​ຍອດ​ກອງ​ໜ້າ​ຄົນ​ໜຶ່ງ​ຂອງ ພຣີ​ເມຍ​ລີກ.

ເຊລຊີ ສົນໃຈດຶງ ໂປເຊັດຕິໂນ່ ເປັນຜູ້ຈັດການທີມ - 1 1 - ເຊລຊີ ສົນໃຈດຶງ ໂປເຊັດຕິໂນ່ ເປັນຜູ້ຈັດການທີມ
ເຊລຊີ ສົນໃຈດຶງ ໂປເຊັດຕິໂນ່ ເປັນຜູ້ຈັດການທີມ - Tiger Head 728x90 - ເຊລຊີ ສົນໃຈດຶງ ໂປເຊັດຕິໂນ່ ເປັນຜູ້ຈັດການທີມ

      ຝີ​ມື​ທີ່​ຍອດ​ຢ້ຽມ​ດັ່ງກ່າວ​ເຮັດ​ໃຫ້​ກ່ອນ​ໜ້າ​ນີ້​ມີ​ຂ່າວ​ວ່າ ​ແມນ​ເຊັສ​ເຕີ ຢູ​ໄນ​ເຕັດ ກັບ ຣີລ ມາດຣິດ ສົນ​ໃຈ​ຈະ​ດຶງ​ລາວ​ໄປ​ເປັນ​ຜູ້​ຈັດການ​ທີ​ມຄົນ​ໃໝ່, ​ແຕ່​ຫລ້າ​ສຸດ ດິ​ ​ເອັກ​ເພຣສ ບອກ​ວ່າ: ​ເຊ​ລຊີ ກໍ​ຮ່ວມ​ວົງ​ໃຫ້​ຄວາມ​ສົນ​ໃຈ​ຜູ້​ຈັດການ​ທີ​ມຊາວ​ອາ​ເຈນ​ຕິ​ນາ​ນຳ ຫລັງ​ຈາກ ​ເມົາຣິຊິ​ໂອ ຊາຣີ ຜູ້​ຈັດການ​ທີ​ມທີ່ ​ເຊ​ລຊີ ດຶງ​ມາ​ຄຸມ​ທີ​ມ​​ໃນ​ຊຳ​ເມີ້​ຜ່ານ​ມາ ສ້າງ​ຜົນງານ​​ໄດ້​ບໍ່​ດີ​ເທົ່າ​ທີ່​ຄວນ.

       ທັງ​ນີ້ ດິ ​ເອັກ​ເພຣສ ກ່າວ​ອີກ​ວ່າ: ​ໂຣມັນ ອົບຣາ​ໂມ​ວິດ ​ເຈົ້າຂອງ​ທີ​ມ ​ເຊ​ລຊີ ​ເຖິງ​ຂັ້ນສົ່ງ​ຂໍ້ຄວາມ​ຫາ ຊາຣີ ວ່າ: ລາວ​ອາດ​ຈະ​ຖືກ​ປົດ​ອອກ​ຈາກ​ຕຳ​ແໜ່​ງ​ໄດ້ ຖ້າ​ບໍ່​ສາມາດ​ພາ​ທີ​ມຄວ້າ​ສິດ​ຫລິ້ນ ພຣີ​ເມຍ​ລີກ ​ໃນ​ລະດູ​ການ​ໜ້າ​ໄດ້ ​​ໂດຍ​ເງື່ອນ​ໄຂ​ທີ່​ຈະ​ເຮັດ​ໃຫ້ ​ເຊ​ລຊີ ​ໄດ້​ໂກ​ຕ້າ​ດັ່ງກ່າວ​ຄື​ການ​ເຮັດ​ໃຫ້​ທີ​ມຈົບ​ລະດູ​ການ​ດ້ວຍ​ການ​ຕິດ 4 ອັນ​ດັບ​ທຳ​ອິດ​ຂອງ​ຕາຕະລາງ​ຄະ​ແນນ ຫລື ​ໄດ້​ແຊ້ມ ຢູຟາ ຢູ​ໂຣປາ ລີກ ​ໃນ​ລະດູ​ການ​ນີ້.

error: Content is protected !!