ຣັດເຊຍຈີກຂໍ້ຕົກລົງນິວເຄຼຍກັບອາເມລິກາ

ຣັດເຊຍຈີກຂໍ້ຕົກລົງນິວເຄຼຍກັບອາເມລິກາ - advert banner 728 90 728x90 - ຣັດເຊຍຈີກຂໍ້ຕົກລົງນິວເຄຼຍກັບອາເມລິກາ

       ປະທານາທິບໍດີ ວະ​ລາ​ດິ​ເມຍ ປູ​ຕິນ ຖະ​ແຫລ​ງ​ໃນ​ວັນ​ທີ 2 ກຸມພາ​ວ່າ: ຣັດ​ເຊຍ​ໄດ້​ຍົກ​ເລີກ​ການ​ມີ​ສ່ວນ​ຮ່ວມ​ໃນ​ພາຄີ​ສົນທິສັນຍາ​ອາວຸດ​ນິວ​ເຄຼຍ​ໄລຍະ​ກາງ (INF) ຮ່ວມ​ກັບ​ອາ​ເມ​ລິ​ກາ​ແລ້ວ ​ແລະ ຈະ​ບໍ່​ເຈລະຈາ​ເລື່ອງ​ການ​ປົດ​ອາວຸດ​ກັບ​ອາ​ເມ​ລິ​ກາ​ອີກ​ຕໍ່​ໄປ. ພຽງ 1 ວັນຫລັງ​ລັດຖະບານ​ອາ​ເມ​ລິ​ກາ​ປະກາດ​ຖອນ​ຕົວ​ຈາກ​ຂໍ້​ຕົກລົງ INF ຮ່ວມ​ກັບຣັດ​ເຊຍ​ຢ່າງ​ເປັນ​ທາງ​ການ.

       ​ໃນ​ວັນ​ທີ 1 ກຸ​ມພາ, ທ່ານ ​ໄມ ປອມ​ເປ​ໂອ ລັດຖະມົນຕີ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ ຖະ​ແຫລ​ງວ່າ: ອາ​ເມ​ລິ​ກາ​ໄດ້​ແຈ້ງ​ເລື່ອງ​ຖອນ​ຕົວຈາກ INF ​​ໄປ​ຫາຣັດ​ເຊຍ​ຫລາຍ​ກວ່າ 30 ຄັ້ງ ​ເພື່ອ​ຫລຸດ​ຄວາມ​ສ່ຽງ​ຈະ​ເກີດ​ບັນຫາ​ດ້ານ​ຄວາມ​ໝັ້ນຄົງ​ຕໍ່​ອາ​ເມ​ລິ​ກາ ​ແລະ ບັນດາ​ປະ​ເທດ​ພັນທະ​ມິດ​ໃນ​ເອີຣົບ.

      INF ​ເປັນ​ສົນທິສັນຍາ​ທີ່​ອາ​ເມ​ລິ​ກາ ​ແລະ ຣັດ​ເຊຍ​ລົງ​ນາມ​ຮ່ວມ​ກັນ​ໃນ​ເດືອນ​ທັນວາ 1987 ມີ​ເນື້ອ​ໃນ​ສຳຄັນ​ຄື: ຫ້າມ​ທັງ 2 ຝ່າຍ​ພັດທະນາ​ລູກ​ສອນ​ໄຟ​ທີ່​ມີ​ໄລຍະ​ການ​ຍິງ​ເກີນ​ກວ່າ​ໄລຍະ 500-5.500 ກິ​ໂລ​ແມັດ.

ຣັດເຊຍຈີກຂໍ້ຕົກລົງນິວເຄຼຍກັບອາເມລິກາ - 1 1 - ຣັດເຊຍຈີກຂໍ້ຕົກລົງນິວເຄຼຍກັບອາເມລິກາ
ຣັດເຊຍຈີກຂໍ້ຕົກລົງນິວເຄຼຍກັບອາເມລິກາ - Tiger Head 728x90 - ຣັດເຊຍຈີກຂໍ້ຕົກລົງນິວເຄຼຍກັບອາເມລິກາ

      ນອກຈາກ​ນີ້, ຜູ້​ນຳຣັດ​ເຊຍ ຍັງ​ກ່າວ​ອີກ​ວ່າ: ຣັດ​ເຊຍ​ຈະ​ຫາ​ທາງ​ພັດທະນາ​ຜະລິດ​ລູກ​ສອນ​ໄຟ​ໄລຍະ​ກາງ​ໃນ​ໂຄງການ​ທີ່​ຄ້າຍຄື​ອາ​ເມ​ລິ​ກາ, ​ແຕ່​ຈະ​ບໍ່​ນຳຣັດ​ເຊຍ​ເຂົ້າສູ່​ການ​ແຂ່ງຂັນ​ອາວຸດ​ທີ່​ສິ້ນ​ເປືອງ​ງົບປະມານ.

error: Content is protected !!