ນະຄອນຫລວງວຽງຈັນສະຫລອງວັນສ້າງຕັ້ງກອງທັບຄົບ 70 ປີຂຶ້ນຢ່າງຟົດຟື້ນ
ກອງບັນຊາການທະຫານ ນະຄອນຫລວງວຽງ ຈັນ (ນວ) ໄດ້ຈັດງານສະ ເຫລີມສະຫລອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ( 20 ມັງ ກອນ 1949-20 ມັງກອນ 2019) ແລະ ວັນສ້າງຕັ້ງກອງບັນຊາການທະຫານ ນວ ຄົບຮອບ 43 ປີ (6 ເມ ສາ 1976-6 ເມສາ 2019) ຂຶ້ນຢ່າງຟົດຟື້ນ, ໃນວັນທີ1 ກຸມພານີ້, ໂດຍການເຂົ້າຮ່ວມຂອງ ທ່ານ ສິນລະວົງ ຄຸດໄພທູນ, ເຈົ້າຄອງນະຄອນ ຫລວງວຽງຈັນ, ພ້ອມການ ນໍານາຍ ແລະ ພົນທະຫານ- ຕໍາຫລວດເຂົ້າຮ່ວມຢ່າງ ຫລວງຫລາຍ.
ໃນພິທີ ທ່ານ ພົນຈັດຕະວາ ສີພອນ ຈັນສົມວົງ ຫົວໜ້າການເມືອງ ກອງບັນ ຊາການທະຫານ ນະຄອນ ຫລວງວຽງຈັນ ໄດ້ຍົກໃຫ້ ເຫັນໝາກຜົນ ແລະ ໄຊຊະ ນະອັນໃຫຍ່ຫລວງທີ່ກອງທັບປະຊາຊົນລາວສາມາດ ຍາດມາໄດ້ໃນຕະຫລອດໄລຍະ 70 ປີ ຜ່ານມາ ເຊິ່ງເປັນຜົນງານອັນມີກຽດ ແລະ ສະ ຫງ່າ ຜ່າເຜີຍ ໃນພາລະກິດ ປົກປັກຮັກສາ ແລະ ສ້າງ ສາພັດທະນາປະເທດຊາດ. ກ່ອນນີ້ 70 ປີ ຢູ່ຖານທີ່ໝັ້ນ ຂອງການປະຕິວັດເຂດ, ຕາ ແສງລາວຮຸ່ງ ເມືອງຊຽງ ຄໍ້ແຂວງຫົວພັນ ໄດ້ມີເຫດ ການສໍາຄັນທາງປະຫວັດ ສາດຄື: ເປັນມື້ສ້າງຕັ້ງກໍາ ລັງປະກອບອາວຸດປະຊາຊົນ ລາວ ເຊິ່ງມີຊື່ວ່າ “ກອງລາດ ສະວົງ” ຂຶ້ນຢ່າງເປັນທາງການ, ໃນວັນທີ 20 ມັງກອນ 1949 ໂດຍແມ່ນປະທານ ໄກສອນ ພົມວິຫານ ເປັນຜູ້ ປະກາດສ້າງຕັ້ງ ແລະ ເປັນຜູ້ບັນຊາ.
ສໍາລັບວັນທີ 6 ເມສາ 1976 ກໍເປັນມື້ສ້າງຕັ້ງກອງບັນຊາການທະຫານນະຄອນ ຫລວງວຽງຈັນ ຂຶ້ນຢູ່ທີ່ບ້ານໜອງແຕ່ງ ເມືອງສີ ໂຄດຕະບອງນະຄອນຫລວງວຽງຈັນ ແລະ ນັບແຕ່ມື້ນັ້ນ ເປັນຕົ້ນມາທະຫານ ນວ ໄດ້ປັບປຸງກໍາລັງຕົນເອງໄດ້ເຕີບໃຫຍ່ເຂັ້ມແຂງ, ໄດ້ເຂົ້າຮ່ວມທັບມ້າງການເຄື່ອນໄຫວ ເກາະພວກອິດທິກໍາລັງປໍລະປັກ ແລະ ສາມາດປົກປັກ ຮັກສາເຂດນໍ້າດິນແດນໄວ້ໄດ້ຢ່າງໝັ້ນຄົງ.
ໃນພິທີສະເຫລີມສະ ຫລອງດັ່ງກ່າວ, ໄດ້ມີການ ສະແດງກິດຈະກໍາຫລາຍ ຢ່າງຄື: ການຫັດກາຍປະກອບອາວຸດຂອງເຫລົ່າຮົບ ຕີພິເສດກອງຮ້ອຍ 415, ຫັດກາຍມວຍເຫລົ່າຮົບສືບ ຂ່າວຂອງກອງຮ້ອຍ 416, ມວຍສູ້ຮົບຂອງເຫລົ່າຮົບຕີ ພິເສດ, ຟ້ອນປະສານສຽງ ເພງຂອງສະຫະພັນແມ່ຍິງ ກອງບັນຊາການທະຫານ ນວ ແລະ ຊົມການສະແດງ ໂດດຈ້ອງ ຂອງເຫລົ່າຮົບ ທະຫານອາກາດກອງພັນ ໃຫຍ່ 703 ດ້ວຍບັນຍາກາດຟົດຟື້ນ.
