ວິທີປິ່ນປົວຂີ້ຫິດຈາກແພດຜິວໜັງ

ວິທີປິ່ນປົວຂີ້ຫິດຈາກແພດຜິວໜັງ - 020102 2019 - ວິທີປິ່ນປົວຂີ້ຫິດຈາກແພດຜິວໜັງ
ວິທີປິ່ນປົວຂີ້ຫິດຈາກແພດຜິວໜັງ - Untitled design - ວິທີປິ່ນປົວຂີ້ຫິດຈາກແພດຜິວໜັງ

     ຂີ້ຫິດ ເປັນພະຍາດຕິດເຊື້ອທາງຜິວໜັງທີ່ພົບງ່າຍ ໂດຍສະເພາະໃນເດັກນ້ອຍ ແລະ ໃນຊຸມຊົນແອອັດ, ຜູ້ເປັນຈະມີອາການ ຄັນໃນຕອນກາງຄືນ ເຊິ່ງອາການຄັນ ແລະ ຜື່ນເກີດຈາກປະຕິກິລິຍາທາງພູມຕ້ານທານຂອງຮ່າງກາຍຕໍ່ພະຍາດຂີ້ຫິດ, ໄຂ່ຫິດ ຫລື ສິ່ງຂັບຖ່າຍຂອງຂີ້ຫິດ ໂດຍຕຸ່ມຜື່ນມັກເກີດຫລັງຈາກຕິດເຊື້ອປະມານ 2 ອາທິດ, ລັກສະນະຜື່ນມັກຈະເປັນຕຸ່ມນຳ້ໃສ ຫລື ຕຸ່ມແດງຄັນ, ຕຸ່ມຜື່ນມັກກະຈາຍໄປທົ່ວໂຕບໍລິເວນທີ່ພົບຜື່ນໄດ້ງ່າຍແມ່ນຢູ່ງ່າມມື, ງ່າມຕີນ, ຂໍ້ພັບແຂນ, ຂີ້ແຮ້, ເຕົ້ານົມ, ອ້ອມສາຍບື, ກົ້ນ ແລະ ອະໄວຍະວະເພດ. ໃນເດັກອາດພົບຜື່ນບໍລິເວນໃບໜ້າ ແລະ  ຫົວຮ່ວມນຳ. ນອກຈາກນີ້, ຜູ້ທີ່ມີອາການພູມຕ້ານທານບົກພ່ອງ ຫລື ຜູ້ເຖົ້າທີ່ບໍ່ໍ່ສາມາດຊ່ວຍເຫລືອໂຕເອງໄດ້ ຮ່າງກາຍຈະບໍ່ສາມາດກຳຈັດປະລິມານເຊື້ອຫິດໄດ້ ເຮັດໃຫ້ຜູ້ມີເຊື້ອຫິດຈຳນວນຫລາຍຢູ່ຜິວໜັງຈະເກີດລັກສະນະແຕກຕ່າງອອກໄປຄື ເປັນສະເກັດໜາທົ່ວໂຕ, ບໍ່ຄັນ ແລະ ມີກິ່ນເໝັນ.

     ການບົ່ງມະຕິພະຍາດໂດຍການສອບຖາມປະຫວັດຮ່ວມກັບກວດຮ່າງການພົບຜື່ນທີ່ມີລັກສະນະຈຳເພາະ ເມື່ອພົບຮອຍພະຍາດທີ່ເຫັນເປັນເສັ້ນນ້ອຍໆຄົດຄ້ຽວຢູ່ງາມນິ້ວ ສາມາດກວດເບິ່ງເຊື້ອຂີ້ຫິດໂດຍກ້ອງຈຸລະທັດເພື່ອຢັ້ງຢືນ ໂດຍຂູດບໍລິເວນຜື່ນຄັນຈະພົບໂຕຫິດ, ໄຂ່ ຫລື ສິ່ງຂັບຖ່າຍຂອງຫິດ ທັງນີ້ການປິ່ນປົວພະຍາດຫິດຈະຕອບສະໜອງໄດ້ດີຕໍ່ຍາທາ ໂດຍຕ້ອງທາຢາໃຫ້ທົ່ວຕັ້ງແຕ່ຄໍຈົນຮອດປາຍນິ້ວຕີນ ເນັ້ນບໍໍລິເວນງ່າມຕ່າງໆ ລວມທັງແຈເລັບນຳ, ໃນເດັກນ້ອຍໃຫ້ທາທົ່ວໂຕແຕ່ຫົວ, ໃບໜ້າ, ຄໍໍ, ໃບຫູ ໂດຍສະເພາະຫລັງຫູ, ຮ່ອງກົ້ນ, ງ່າມມື ແລະ ກ້ອງເລັບ ໂດຍປະຕິບັດຕາມຄຳແນະນຳຂອງແພດຢ່າງເຄັ່ງຄັດ.

     ສຳລັບການປ້ອງກັນການແຜ່ກະຈາຍ ແລະ ການກັບມາເປັນຊຳ້ອີກແມ່ນຄວນຮັກສາສະມາຊິກທຸກຄົນໃນຄອບຄົວພ້ອມໆກັນເຖິງ ວ່າບໍ່ມີອາການ ເພາະອາດຢູ່ໃນໄລຍະຟັກໂຕ, ເຮັດຄວາມສະອາດເຄື່ອງໃຊ້, ເຄື່ອງນຸ່ງຫົ່ມ, ບ່ອນນອນ, ຜ້າປູບ່ອນ, ຜ້າຫົ່ມ, ຜ້າຄຸມຕຽງ, ເຄື່ອງນຸ່ງ, ຜ້າເຊັດໂຕທີ່ໃຊ້ໃນ 1 ອາທິດທີ່ຜ່ານມາ. ສຳລັບເຄື່ອງນຸ່ງຫົ່ມທີ່ຊັກບໍໄດ້ ເຊັ່ນ : ບ່ອນນອນ, ໝອນ, ຜ້າພົມ ແລະ ເຟີນິເຈີໃນເຮືອນຄວນດູດຝຸ່ນ ຫລື ເກັບໄວ້ໃນຖົງປລາສະຕິກ ປິດປາກຖົງໃຫ້ແໜ້ນ, ເກັບມ້ຽນໄວ້ໃນບ່ອນທີ່ອຸ່ນມີແສງແດດສ່ອງເຖິງເປັນເວລາຢ່າງໜ້ອຍ 3 ມື້, ແຍກສິ່ງຂອງເຄື່ອງໃຊ້ສ່ວນໂຕ ເຊັ່ນ : ຫວີ ຫລື ຜ້າເຊັດໂຕ, ເຄື່ອງນຸ່ງຫົ່ມ ບໍ່ໃຊ້ຮ່ວມກັບຜູ້ອື່ນ ແລະ ຕັດເລັບໃຫ້ສັ້ນ ບໍ່ແກະ ຫລື ເກົາຕຸ່ມຜື່ນຂີ້ຫິດ ເຫລົ່ານີ້ເປັນຕົ້ນ ເຊິ່ງຫາກທ່ານປະຕິບັດຕາມທີ່ກ່າວມານີ້ໄດ້ ບໍ່ດົນອາການກໍຈະດີຂຶ້ນ.

ວິທີປິ່ນປົວຂີ້ຫິດຈາກແພດຜິວໜັງ - Wave100S AD to Website 2020 0 - ວິທີປິ່ນປົວຂີ້ຫິດຈາກແພດຜິວໜັງ
ວິທີປິ່ນປົວຂີ້ຫິດຈາກແພດຜິວໜັງ - WhatsApp Image 2020 05 27 at 5 - ວິທີປິ່ນປົວຂີ້ຫິດຈາກແພດຜິວໜັງ
ວິທີປິ່ນປົວຂີ້ຫິດຈາກແພດຜິວໜັງ - WhatsApp Image 2020 05 27 at 5 - ວິທີປິ່ນປົວຂີ້ຫິດຈາກແພດຜິວໜັງ
error: Alert: ເນື້ອຫາຂ່າວມີລິຂະສິດ !!