ກຽມເລືອກປະທານທະນາຄານໂລກຜູ້ໃໝ່ ຫລັງຜູ້ເກົ່າອອກກະທັນຫັນ

ກຽມເລືອກປະທານທະນາຄານໂລກຜູ້ໃໝ່ ຫລັງຜູ້ເກົ່າອອກກະທັນຫັນ - advert banner 728 90 728x90 - ກຽມເລືອກປະທານທະນາຄານໂລກຜູ້ໃໝ່ ຫລັງຜູ້ເກົ່າອອກກະທັນຫັນ

      ການ​ຄັດ​ເລືອກ​ປະທານ​ທະນາຄານ​ໂລກ​ຜູ້​ໃໝ່​ຈະ​ເລີ່​ມ​ໃນ​ວັນ​ທີ 7 ກຸມພາ​ນີ້​ຕາມ​ເວລາ​ອາ​ເມ​ລິ​ກາ, ຫລັງ​ຈາກ​ທ່ານ ຈິ​ມ ຢົງ​ຄິມ ຊາວ​ອາ​ເມ​ລິ​ກາ​ເຊື້ອສາຍ​ເກົາຫລີ​ລາ​ອອກ​ຈາກ​ຕຳ​ແໜ່​ງຢ່າງ​ກະທັນຫັນ​ມີ​ຜົນ​ໃນ​ວັນ​ທີ 1 ກຸມພາ​ ທັງ​ທີ່​ຍັງ​ບໍ່​ຄົບ​ວາລະ 5 ປີ​ສະ​ໄໝ​ທີ​ສອງ, ຄາດ​ວ່າ​ຜູ້​ໄດ້​ຮັບ​ເລືອກ​ຈະ​ເປັນ​ຜູ້​ທີ່​ໄດ້​ຮັບ​ການສະ​ເໜີ​ຊື່​ຈາກ​ອາ​ເມ​ລິ​ກາ​ຄື​ຜ່ານ​ມາ.

     ທະນາຄານ​ໂລກ ​ເຊິ່ງຕັ້ງຢູ່​ໃນ​ນະຄອນຫລວງ​ວໍ​ຊິງ​ຕັນ​ຂອງ​ອາ​ເມ​ລິ​ກາ ມີ​ຊາວ​ອາ​ເມ​ລິ​ກາ​ເປັນ​ປະທານ​ນັບ​ແຕ່​ສ້າງ​ຕັ້ງຂຶ້ນຫລັງ​ສິ້ນສຸດ​ສົງຄາມ​ໂລກ​ຄັ້ງທີ​ສອງ, ​ເຊັ່ນ​ດຽວ​ກັບ​ກອງ​ທຶນ​ການ​ເງິນ​ສາກົນ (IMF) ທີ່​ສ້າງຕັ້ງຂຶ້ນພ້ອມ​ກັບ​ທະນາຄານ​ໂລກ ​ແລະ ຢູ່​ໃນ​ນະຄອນຫລວງ​ວໍ​ຊິງ​ຕັນ​ເຊັ່ນ​ກັນ. ມີ​ຊາວ​ເອີຣົບ​ເປັນ​ກຳມະການ​ຜູ້​ຈັດການ​ມາ​ໂດຍ​ຕະຫລອດ. ຄະນະ​ກຳມະການ​ບໍລິຫານ​ທະນາຄານ​ໂລກ​ຈະ​ເປີດ​ຮັບ​ການສະ​ເໜີ​ຊື່​ປະທານ​ຜູ້​ໃໝ່​ນັບ​ແຕ່​ວັນ​ທີ 7 ກຸມພາ​ຈົນ​ເຖິງ​ວັນ​ທີ 14 ມີນາ, ຈາກ​ນັ້ນຈະ​ນຳ​ຊື່​ປະທານ​ທີ່​ຜ່ານ​ການ​ຄັດ​ເລືອກ​ສະ​ເໜີ​ຕໍ່​ກອງ​ປະຊຸມ​​ທະນາຄານ​ໂລກ ​ແລະ IMF ວັນ​ທີ 12-14 ​ເມສາ, ສະມາຊິກ​ທະນາຄານ​ໂລກ 189 ປະ​ເທດ​ສາມາດ​ຄັດຄ້ານ​ຊື່​ໄດ້. ອາ​ເມ​ລິ​ກາ​ໃນ​ຖານະ​ຜູ້​ຖື​ຫຸ້ນ​ລາຍ​ໃຫຍ່​ທີ່​ສຸດ​ໃນ​ທະນາຄານ​ໂລກ​ຈຶ່ງ​ມີ​ອິດ​ທິພົນ​ຕໍ່​ການ​ຄັດ​ເລືອກ, ​ແຕ່​ບໍ່​ສາມາດ​ໃຊ້​ສິດ​ຢັບຢັ້ງ ​ແລະ ຕ້ອງ​ໄດ້​ຮັບ​ການ​ສະໜັບສະໜູນ​ຈາກ​ປະ​ເທດ​ເອີຣົບ.

       ຜ່ານ​ມາ​ປະ​ເທດ​ເສດຖະກິດ​ເກີດ​ໃໝ່​ຮຽກຮ້ອງ​ໃຫ້​ທະນາຄານ​ໂລກ​ໃຊ້​ຂະ​ບວນການ​ຄັດ​ເລືອກ​ທີ່​ເປີດ​ກວ້າງ ​ແລະ ພິຈາລະນາ​ຕາມ​ຄຸນສົມບັດ​ຜູ້​ໄດ້​ຮັບ​ການສະ​ເໜີ​ຊື່, ພ້ອມ​ກັບ​ຂໍ​ໃຫ້​ປະ​ເທດ​ເສດຖະກິດ​ເກີດ​ໃໝ່​ມີ​ສິດ​ມີ​ສຽງ​ຫລາຍ​ຂຶ້ນ, ​ແຕ່​ອະດີດ​ນັກ​ເສດຖະສາດ​ຂອງ IMF  ບໍ່​ຄິດ​ວ່າ: ປະ​ເທດ​ເຫລົ່າ​ນີ້​ຈະ​ມີ​ຄວາມ​ໜຽວ​ແໜ້ນ​ຄື​ໄລຍະ​ວິ​ກິດ​ການ​ເງິນ​ໂລກ​ທີ່​ຕົ້ນ​ເຫດ​ເກີດ​ຈາກ​ປະ​ເທດ​ເສດຖະກິດ​ກ້າວໜ້າ. ສ່ວນ​ເອີຣົບຖ້າ​ຈະ​ຄັດຄ້ານ​ຜູ້​ທີ່​ອາ​ເມ​ລິ​ກາສະ​ເໜີ​ຊື່​ຕ້ອງ​ສ່ຽງ​ເສຍ​ຕຳ​ແໜ່​ງກຳມະການ​ຜູ້​ຈັດການ IMF ​ເມື່ອ​ນາງ ຄຣິສຕິນ ລາ​ກາດ ພົ້ນວາລະ​ໃນ​ປີ 2021.

ກຽມເລືອກປະທານທະນາຄານໂລກຜູ້ໃໝ່ ຫລັງຜູ້ເກົ່າອອກກະທັນຫັນ - lattana 1 - ກຽມເລືອກປະທານທະນາຄານໂລກຜູ້ໃໝ່ ຫລັງຜູ້ເກົ່າອອກກະທັນຫັນ
ກຽມເລືອກປະທານທະນາຄານໂລກຜູ້ໃໝ່ ຫລັງຜູ້ເກົ່າອອກກະທັນຫັນ - 1 1 - ກຽມເລືອກປະທານທະນາຄານໂລກຜູ້ໃໝ່ ຫລັງຜູ້ເກົ່າອອກກະທັນຫັນ

       ຜູ້​ທີ່​ມີ​ຂ່າວ​ວ່າ​ຢູ່​ໃນ​ລາຍ​ຊື່​ການ​ພິຈາລະນາ​ຂອງ​ປະທານາທິບໍດີ ທຣຳ ​ເຊັ່ນ: ນາງ ​ເອັນ​ໂກ​ຊີ ​ໂອກ​ນາ​ໂຢ-ອິວລາ ອະດີດ​ລັດຖະມົນຕີ​ການ​ເງິນ​ນີ​ເຊຣີ, ທ່ານ ​ໂມ​ຮຳ​ເໝັດ ​ເອລ​ເອຣຽນ ຊາວ​ອາ​ເມ​ລິ​ກາ​ເຊື້ອສາຍ​ເອຢິບ ອະດີດ​ປະທານ​ກຳມະການ​ບໍລິຫານ​ພິມ​ໂກ ບໍລິສັດ​ບໍລິຫານ​ຊັບ​ສິນ, ນາງ ອິນທຣາ ນູຢີ ອະດີດ​ປະທານ​ເປັບ​ຊີ​ໂຄ.

error: Content is protected !!