ເອີຣົບໃຫ້ການຮັບຮອງທ່ານ ກຸຍໂດ ເປັນຜູ້ນຳຊົ່ວຄາວຂອງເວເນຊູເອລາ

ເອີຣົບໃຫ້ການຮັບຮອງທ່ານ ກຸຍໂດ ເປັນຜູ້ນຳຊົ່ວຄາວຂອງເວເນຊູເອລາ - advert banner 728 90 728x90 - ເອີຣົບໃຫ້ການຮັບຮອງທ່ານ ກຸຍໂດ ເປັນຜູ້ນຳຊົ່ວຄາວຂອງເວເນຊູເອລາ

       ກະ​ແສ​ຮຽກຮ້ອງຈາກ​ບັນດາ​ປະ​ເທດ​ທີ່​ໃຫ້​ເວ​ເນ​ຊູ​ເອລາ ຈັດການ​ເລືອກ​ຕັ້ງກ່ອນ​ກຳນົດ​ທະວີ​ຄວາມ​ຮຸນ​ແຮງ​ຍິ່ງ​ຂຶ້ນ ​ເມື່ອ​ປະ​ເທດ​ມະຫາ​ອຳນາດ​ໃນ​ເອີຣົບ ​ໃຫ້ການ​ຮັບຮອງ​ທ່ານ ຮວນ ກຸຍ​ໂດ ຜູ້ນຳ​ຝ່າຍ​ຄ້ານ ​ໃນ​ຖານະ​ປະທານາທິບໍດີ​ຊົ່ວຄາວ​ຂອງ​ເວ​ເນ​ຊູ​ເອລາ ຫລັງ​ຈາກ​ປະທານາທິບໍດີ ນິ​ໂກ​ລັດ ມາ​ດູ​ໂຣ ບໍ່​ສົນ​ຄຳ​ຂາດ​ທີ່​ໃຫ້​ຈັດການ​ເລືອກ​ຕັ້ງ​ໃໝ່​ໂດຍ​ໄວ.

ເອີຣົບໃຫ້ການຮັບຮອງທ່ານ ກຸຍໂດ ເປັນຜູ້ນຳຊົ່ວຄາວຂອງເວເນຊູເອລາ - new3 - ເອີຣົບໃຫ້ການຮັບຮອງທ່ານ ກຸຍໂດ ເປັນຜູ້ນຳຊົ່ວຄາວຂອງເວເນຊູເອລາ

     ​ແອັດ​ສະ​ປາຍ, ອັງກິດ ​ແລະ ຝຣັ່ງ ​ແລະ ອີກ 16 ປະ​ເທດ​ສະມາຊິກ​ສະຫະພາບ​ເອີຣົບ ທີ່​ໃຫ້ການ​ຮັບຮອງ​ສະໜັບສະໜູນ​ທ່ານ ກຸຍ​ໂດ ​ໃນ​ວັນ​ທີ 4 ກຸມພາ, ຫລັງ​ຈາກ​ອາ​ເມ​ລິ​ກາ​ຮັບຮອງທ່ານ ກຸຍ​ໂດ ​ໄປ​ກ່ອນ​ໜ້າ​ນີ້ ​ແລະ ປະກາດ​ວ່າ: ຈະ​ບໍ່​ຢືນຢັນ​ວ່າ​ຈະ​ບໍ່​ໃຊ້​ກຳລັງ​ທະຫານ​ເຂົ້າ​ແຊກ​ແຊງ ​ເພື່ອ​ແກ້​ບັນຫາ​ວິ​ກິດ​ການ​ໃນ​ເວ​ເນ​ຊູ​ເອລາ. ຂະນະ​ທີ່ ຣັດ​ເຊຍ ​ເຊິ່ງ​ເປັນ​ພັນທະ​ມິດ​ສຳຄັນ​ຂອງ​ທ່ານ ມາ​ດູ​ໂຣ ກ່າວ​ໂຈມ​ຕີ​ປະ​ເທດ​ໃນ​ເອີຣົບວ່າ: ​ແຊກ​ແຊງ​ກິດຈະການ​ພາຍ​ໃນ​ຂອງ​ເວ​ເນ​ຊູ​ເອລາ ​ແລະ ພະຍາຍາມ​ເຮັດ​ໃຫ້ການ​ຊ່ວງ​ຊີງ​ອຳນາດ​ເປັນ​ເລື່ອງ​ທີ່​ຖືກຕ້ອງ​ຕາມ​ກົດໝາຍ. ສ່ວນ​ທ່ານ ກຸຍ​ໂດ ​ໄດ້​ກ່າວ​ຂອບ​ໃຈ​ປະ​ເທດ​ເອີຣົບທີ່​ສະໜັບສະໜູນ​ຊາວ​ເວ​ເນ​ຊູ​ເອລາ​ໃນ​ການ​ຕໍ່ສູ້​ ​ເພື່ອ​ຮັກສາ​ປະຊາທິປະ​ໄຕ, ​ເສລີພາບ ​ແລະ ຄວາມ​ຍຸຕິ​ທຳ. ທ່ານ ກຸຍ​ໂດ ປະທານ​ສະພາ​ນິຕິບັນຍັດ​ແຫ່ງ​ຊາດ ອາຍຸ 35 ປີ ອ້າງ​ຄວາມ​ຊອບ​ທຳ​ຕາມ​ລັດຖະທຳ​ມະນູນ ປະກາດ​ຕົນ​ເອງ​ເປັນ​ປະທານາທິບໍດີ​ຮັກສາການ ​ໃນ​ວັນ​ທີ 23 ມັງກອນ​ຜ່ານ​ມາ ​ເຮັດ​ໃຫ້​ເກີດ​ການ​ຜະ​ເຊີນ​ກັບ​ປະທານາທິບໍດີ ມາ​ດູ​ໂຣ ​ໂດຍ​ປະຊາຊົນ​ຜູ້​ສະໜັບສະໜູນ​ທັງ​ສອງ​ຝ່າຍ ຕ່າງ​ຈັດການຊຸມນຸມຕາມ​ຖະໜົນ​ໃນ​ນະຄອນຫລວງ​ກາຣາກັດ ​ໃນ​ວັນ​ທີ 2 ກຸມພາ.

ເອີຣົບໃຫ້ການຮັບຮອງທ່ານ ກຸຍໂດ ເປັນຜູ້ນຳຊົ່ວຄາວຂອງເວເນຊູເອລາ - lattana 1 - ເອີຣົບໃຫ້ການຮັບຮອງທ່ານ ກຸຍໂດ ເປັນຜູ້ນຳຊົ່ວຄາວຂອງເວເນຊູເອລາ
error: Content is protected !!