ສຕລ ຝຶກອົບຮົມກຳມະການຕັດສິນ ກຽມຕັດສິນ ເປບຊີ ລາວພຣີເມຍລີກ 2019

ສຕລ ຝຶກອົບຮົມກຳມະການຕັດສິນ ກຽມຕັດສິນ ເປບຊີ ລາວພຣີເມຍລີກ 2019 - advert banner 728 90 728x90 - ສຕລ ຝຶກອົບຮົມກຳມະການຕັດສິນ ກຽມຕັດສິນ ເປບຊີ ລາວພຣີເມຍລີກ 2019

      ໃນ 5 ກຸມພານີ້ ຢູ່ສະຫະພັນບານເຕະແຫ່ງຊາດລາວ ໄດ້ຈັດຝຶກອົບຮົມກຳມະການຕັດສິນ ເພື່ອກຽມຄວາມພ້ອມ ຕັດສິນການແຂ່ງຂັນບານເຕະ ເປບຊີ ລາວພຣີເມຍລີກ 2019 ທີ່ຈະເປີດສາກຂຶ້ນໃນວັນທີ 23 ກຸມພາ 2019 , ເຂົ້າຮ່ວມໃນພິທີດັ່ງກ່າວໂດຍມີທ່ານ ກະເສມ ອິນທະລາ ຮອງປະທານຄະນະກຳມະການໂອແລມປິກແຫ່ງຊາດລາວ, ທ່ານ ສີປະເສີດ ສິນບັນດິດ ຫົວຫນ້າພະແນກກຳມະການຕັດສິນ, ຜູ້ປະເມີນກຳມະການຕັດສິນ ແລະ ນັກສຳມະກອນ ທັງຫມົດ 31 ຄົນ ທີ່ມາຈາກສະຫະພັນບານເຕະແຫ່ງຊາດລາວ, ກົມກິລາລະດັບສູງ , ມຊ, ຄະນະວິທະຍາສາດການກິລາ-ກາຍະກຳ, ກະຊວງ ປກສ, ພະແນກສຶກສາທິການ ແລະ ກິລາ ເມືອງໄຊເຊດຖາ, ວິທະຍາໄລພະລະສຶກສາທົ່ງປົ່ງ, ໂຄສະນາອົບຮົມສູນກາງພັກ, ມສ ຈັນທະບູລີ, ແຂວງສະຫວັນນະເຂດ ແລະ ແຂວງຈຳປາສັກ, ໃນນັ້ນມີກຳມະການຕັດສິນຟີຟາ 3 ຄົນ, ຜູ້ຊ່ວຍກຳມະການຕັດສິນຟີຟາ 6 ຄົນ, ຜູ້ຊ່ວຍກຳມະການຟີຟາໃຫມ່ ປີ 2019 ຈຳນວນ 2 ຄົນ ແລະ ກຳມະການຕັດສິນຟີຟາ ຟຸດຊໍ 1 ຄົນ.

      ທ່ານ ກະເສມ ອິນທະລາ ຮອງປະທານຄະນະກຳມະການໂອແລມປິກແຫ່ງຊາດລາວ ກ່າວວ່າ: ການຝຶກອົບໃນຄັ້ງນີ້ເພື່ອເປັນການກະກຽມແຂ່ງຂັນ ເປບຊີ ລາວພຣີເມຍລີກ 2019 ຂໍໃຫ້ກຳມະການຕັດສິນເອົາໃຈໃສ່ໃນການຝຶກອົບຮົມ ສຶກສາກົດລະບຽບທີ່ທາງຟີຟາປັປປຸງໃຫມ່ໃຫ້ລະອຽດ. ພ້ອມດຽວກັນນັ້ນ ຍັງໄດ້ເນັ້ນຫນັກໃຫ້ກຳມະການຈົ່ງຕັ້ງຫນ້າຕັດສິນ ໃຫ້ຄວາມເປັນທຳໃນທຸກໆນັດທີ່ລົງທຳການຕັດສິນ.

      ສຳລັບການຝຶກອົບກຳມະການຕັດສິນຈະໄດ້ດຳເນີນ​ໄປ​ຮອດ​ວັນ​ທີ 8 ກຸມພາ 2019 ໂດຍນັກສຳມະກອນຈະໄດ້ຮຽນຮູ້ທາງດ້ານທິດສະດີ ແລະ ການປະຕິບັດຕົວຈິງ, ແກ້ໄຂ້ປັບປຸງຂໍ້ຜິດພາດທີ່ຜ່ານມາ. ພ້ອມດຽວກັນນັ້ນ ຈະໄດ້ມີການທົດສອບພະລະກຳລັງ ເຊິ່ງຈະໃຊ້ກຳມະການຕັດສິນລົງທຳການຕັດສິນທັງຫມົດ 25 ຄົນ.

      ການແຂ່ງຂັນບານເຕະ ເປບຊີ ລາວພຣີເມຍລີກ 2019 ມີ 6 ທີມເຂົ້າຮ່ວມ ປະກອບມີ: ສະໂມສອນ ລາວໂຕໂຢຕ້າ ເອັຟຊີ (ແຊ້ມເກົ່າ), ສະໂມສອນ ປກສ ເອັຟຊີ, ສະໂມສອນ ມາສເຕີ້ ເຊເວັ້ນ ເອັຟຊີ, ສະໂມສອນ ຊ້າງນ້ອຍ ເອັຟຊີ, ສະໂມສອນ ກອງທັບ ເອັຟຊີ ແລະ ສະໂມສອນ ອີໂວ ຢູໄນເຕັດ (ນ້ອງໃຫມ່) ເຊິ່ງຈະເລີ່ມເປີດສາກຂຶ້ນໃນວັນທີ 23 ກຸມພາ ຫາວັນ​ທີ 28 ກັນຍາ 2019.

ສຕລ ຝຶກອົບຮົມກຳມະການຕັດສິນ ກຽມຕັດສິນ ເປບຊີ ລາວພຣີເມຍລີກ 2019 - 1 1 - ສຕລ ຝຶກອົບຮົມກຳມະການຕັດສິນ ກຽມຕັດສິນ ເປບຊີ ລາວພຣີເມຍລີກ 2019
ສຕລ ຝຶກອົບຮົມກຳມະການຕັດສິນ ກຽມຕັດສິນ ເປບຊີ ລາວພຣີເມຍລີກ 2019 - lattana 1 - ສຕລ ຝຶກອົບຮົມກຳມະການຕັດສິນ ກຽມຕັດສິນ ເປບຊີ ລາວພຣີເມຍລີກ 2019

     ຮູບແບບການແຂ່ງຂັນ​ເປັນ​ການ​ພົບກັນໝົດ ໂດຍມີ 3 ຮອບຄື: ຮອບຂາໄປ, ຮອບຂາກັບ ແລະ ຮອບທີ 3 ໂດຍໃນການແຂ່ງຂັນຮອບທີ 3 ນັ້ນຈະນໍາໃຊ້ຫຼັກການ Head to Head ໂດຍທີມທີ່ມີຜົນ Head to Head ຈາກການແຂ່ງຂັນ 2 ຮອບໄປກັບດີກວ່າຈະໄດ້ລົງແຂ່ງຂັນໃນສະໜາມຂອງຕົນເອງໃນການແຂ່ງຂັນຮອບທີ 3 ລວມທັງຫມົດ 48 ນັດ ໂດຍມີ 3 ສະຫນາມແຂ່ງຂັນປະກອບມີ: ສະຫນາມກິລາແຫ່ງຊາດຫລັກ 16 , ສະຫນາມກິລາ ມຊ ແລະ ສະຫນາມກິລາເຈົ້າອານຸວົງ.

      ຕາຕະລາງການແຂ່ງຂັນ  ອາທິດທີ 1 ວັນທີ 23 ກຸມພາ 2019 ເວລາ 17:00 ສະໂມສອນ ປກສ ເອັຟຊີ ພົບ ສະໂມສອນ ກອງທັບ ເອັຟຊີ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16. ວັນທີ 23 ກຸມພາ 2019 ເວລາ 17:00 ສະໂມສອນ ມາສເຕີ້ ເຊເວັ້ນ ເອັຟຊີ ພົບ ສະໂມສອນ ຊ້າງນ້ອຍ ເອັຟຊີ ແຂ່ງຂັນຢູ່ທີ່ສະຫນາມກິລາ ມຊ. ວັນທີ 6 ມີນາ 2019 ເວລາ 17:00 ສະໂມສອນ ລາວໂຕໂຢຕ້າ ເອັຟຊີ ພົບ ສະໂມສອນ ອີໂວ ຢູໄນເຕັດ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16.

error: Content is protected !!