ເດິລິກ ຍ້າຍຮ່ວມ ບາເຊໂລນາ ຫລັງຈົບລະດູການນີ້

ເດິລິກ ຍ້າຍຮ່ວມ ບາເຊໂລນາ ຫລັງຈົບລະດູການນີ້ - advert banner 728 90 728x90 - ເດິລິກ ຍ້າຍຮ່ວມ ບາເຊໂລນາ ຫລັງຈົບລະດູການນີ້

      ມັດ​ໄທ ​ເດິ ລິກ ​ເຊັນ​ເຕີ​ແບັກ​ດາວ​ຮຸ່ງຄົນ​ເກັ່ງ​ຂອງ ອາ​ແຈ໊ກ ອຳ​ສະ​ເຕີ​ດຳ ສະ​ໂມ​ສອນ​ຍັກ​ໃຫຍ່​ໃນ ​ເອຣດິວິ​ຊີ ຮອລ​ແລນ ມີ​ຄວາມ​ຕັ້ງ​ໃຈ​ຈະ​ຍ້າຍ​ໄປ​ຮ່ວມ​ທີ​ມ ບາ​ເຊ​ໂລ​ນາ ຍອດ​ສະ​ໂມ​ສອນ​ແຫ່ງ ລາ ລີ​ກາ ສະ​ເປ​ນ ຫລັງ​ຈົບ​ລະດູ​ການ​ນີ້. ຕາມ​ລາຍ​ງານ​ຈາກ ມຸນ​ໂດ້ ​ເດ​ປໍ​ຕິ​ໂບ ສື​່ກິລາ​ຊັ້ນນຳ​ຂອງ​ສະ​ເປ​ນ.

      ​ເຊື່ອ​ກັນ​ວ່າ: ​ເດິ ລິກ ກຳລັງ​ເປັນ​ຈຸດ​ຕ້ອງການ​ຂອງ​ຫລາຍ​ສະ​ໂມ​ສອນ​ໃນຢູ​ໂຣບ ​ແລະ ​​ມໍ່ໆ​ມາ​ນີ້ ບາ​ເຊ​ໂລ​ນາ ​ໄດ້​ເຊັນ​ສັນຍາ​ລ່ວງ​ໜ້າ​ກັບ ​ເຟຣງກີ້ ​ເດິ ຍອງ ກອງ​ກາງ​ເພື່ອນ​ຮ່ວມ​ທີ​ມ ອາ​ແຈ໊ກ ຮຽບຮ້ອຍ ​ໂດຍ ​ເດິ ຍອງ ຈະ​ຍ້າຍ​ມາ​ຖິ່ນ​ຄຳ​ນູຢ່າງ​ເປັນ​ທາງ​ການ​ໃນ​ຊຳ​ເມີ້​ນີ້.

      ຫລ້າ​ສຸດ ມຸນ​ໂດ້ ​ເດ​ປໍ​ຕິ​ໂບ ລະບຸ​ວ່າ: ​ເດິ ລິກ ຕ້ອງການ​ຈະ​ຍ້າຍ​ຕາມ ​ເດິ ຍອງ ມາ​ຮ່ວມ​ທີ​ມ ບາ​ເຊ​ໂລ​ນາ ຫລັງ​ຈົບ​ລະດູ​ການ​ນີ້ ​ໂດຍ​ເຊື່ອ​ກັນ​ວ່າ ບາ​ຊາ ຈຳ​ເປັນ​ຕ້ອງ​ຈ່າຍ​ຄ່າ​ຕົວ​ເບື້ອງຕົ້ນສູງ​ເຖິງ 74 ລ້ານ​ຢູ​ໂຣ ຖ້າ​ຕ້ອງການ​ເຊັນ​ສັນຍາ​ກັບ ປຣາກາ​ຫລັງ​ທີ​ມຊາດ​ຮອລ​ແລນ​ໄວ 19 ປີ.

ເດິລິກ ຍ້າຍຮ່ວມ ບາເຊໂລນາ ຫລັງຈົບລະດູການນີ້ - 1 1 - ເດິລິກ ຍ້າຍຮ່ວມ ບາເຊໂລນາ ຫລັງຈົບລະດູການນີ້
ເດິລິກ ຍ້າຍຮ່ວມ ບາເຊໂລນາ ຫລັງຈົບລະດູການນີ້ - Tiger Head 728x90 - ເດິລິກ ຍ້າຍຮ່ວມ ບາເຊໂລນາ ຫລັງຈົບລະດູການນີ້

      ທັງ​ນີ້ ​ເດິ ລິກ ລົງ​ຫລິ້ນ​ໃຫ້ ອາ​ແຈ໊ກ ​ໄປ​ແລ້ວ​ທັງ​ໝົດ 92 ນັດ ຍິງ​ໄດ້ 9 ປະຕູ ນັບ​ແຕ່​ກ້າວ​ຂຶ້ນສູ່​ທີ​ມຊຸດ​ໃຫຍ່​ໃນ​ປີ 2016.

error: Content is protected !!