ລັດຖະມົນຕີກະຊວງແຮງງານ ແລະ ສະຫວັດດີການສັງຄົມມອບເຄື່ອງຊ່ວຍເຫລືອໃຫ້ປະຊາຊົນ ຢູ່ແຂວງອັດຕະປື

ໃນວັນທີ 5 ກຸມພານີ້, ທ່ານ ຄຳແພງ ໄຊສົມແພງ ລັດຖະມົນຕີ ກະຊວງແຮງ ງານ ແລະ ສະຫວັດດີການສັງຄົມ ໄດ້ນຳເອົາເຄື່ອງອຸປະໂພກບໍລິໂພກ ຈຳນວນ ຫລາຍໄປແຈກຢາຍໃຫ້ປະຊາຊົນ ຢູ່ສູນພັກຊົ່ວຄາວ ບ້ານ ດົງບາກ ແລະ ຫາດຍາວ ເມືອງ ສະໜາມໄຊ ແຂວງ ອັດຕະປື, ທີ່ໄດ້ຮັບຜົນກະທົບຈາກເຫດການສັນເຂື່ອນເຊປຽນ-ເຊນ້ຳນ້ອຍແຕກໃນທ້າຍປີຜ່ານມາ.

ໃນໂອກາດນີ້, ທ່ານ ຄຳ ແພງ ໄຊສົມແພງ ໄດ້ຮັບຟັງ ລາຍງານແຜນການຟື້ນຟູ ຊ່ວຍເຫລືອ, ເຊິ່ງມາຮອດ ປັດຈຸບັນ ແມ່ນມີຫລາຍພາກ ສ່ວນທີ່ໃຫ້ການຊ່ວຍເຫລືອ ແລະ ໄດ້ມີການ ມອບເງີນ 10 ພັນໂດລາສະຫະລັດໃຫ້ຜູ້ ເສຍຊີວິດໃນເຫດການດັ່ງກ່າວ, ພ້ອມດຽວນັ້ນ ກໍຍັງໄດ້ສະເໜີໃຫ້ພາກລັດຊ່ວຍ ເຫລືອ, ຄົ້ນຄວ້າຈັດສັນດິນ ປຸກສ້າງທີ່ຢູ່ຖາວອນ, ການກໍ່ສ້າງໂຮງຮຽນຄ່າກະແສໄຟຟ້າ ແລະ ອື່ນໆ.

ໃນໂອກາດນີ້, ທ່ານ ລັດ ຖະມົນຕີ ກະຊວງແຮງງານ ແລະ ສັດດີການສັງຄົມ ໄດ້ ສະແດງຄວາມຍ້ອງຍໍຊົມເຊີຍຕໍ່ອຳນາດການປົກຄອງທ້ອງຖິ່ນ ແລະ ໜ່ວຍງານ ຕ່າງໆ ທີ່ໄດ້ເອົາໃຈໃສ່ແກ້ ໄຂບັນຫາໄພພິບັດທີ່ເກີດ ຂຶ້ນຢູ່ເມືອງສະ ໜາມໄຊ ໃນໄລຍະຜ່ານມາ, ພ້ອມນີ້ ເນັ້ນໃຫ້ອຳນາດການປົກຄອງທ້ອງຖິ່ນສຸມໃສ່ວຽກງານບຸກເບີກເນື້ອທີ່ທຳການ        ຜະລິດ, ເນື້ອທີ່ປຸກສ້າງຖາວອນ, ເອົາໃຈໃສ່ເບິ່ງແຍງສຸຂະພາບຊີວິດການເປັນຢູ່ຂອງປະຊາຊົນທີ່ສູນພັກຊົ່ວຄາວຢ່າງເປັນປົກກະຕິ, ພ້ອມ ທັງຄວບຄຸມພະຍາດລະບາດ ທີ່ອາດຈະເກີດຂຶ້ນຈາກສັດສູ່ຄົນ, ໃນນີ້, ໃຫ້ເອົາໃຈໃສ່ຂຶ້ນທະບຽນສັດລ້ຽງໃຫ້ປະຊາຊົນ,ຈັດສັນທີ່ຢູ່ອາໄສ, ເຂດທຳການຜະລິດ ແລະ ລ້ຽງສັດຂອງປະຊາຊົນໃຫ້ດີ./.