ສະຫລະເວລາພຽງ 5 ນາທີຕໍ່ມື້ ເຮັດໃຫ້ສະໝອງແຂງແຮງຍິ່ງຂຶ້ນ

- 031605 - ສະຫລະເວລາພຽງ 5 ນາທີຕໍ່ມື້ ເຮັດໃຫ້ສະໝອງແຂງແຮງຍິ່ງຂຶ້ນ
- Untitled design - ສະຫລະເວລາພຽງ 5 ນາທີຕໍ່ມື້ ເຮັດໃຫ້ສະໝອງແຂງແຮງຍິ່ງຂຶ້ນ

- 031605 300x160 - ສະຫລະເວລາພຽງ 5 ນາທີຕໍ່ມື້ ເຮັດໃຫ້ສະໝອງແຂງແຮງຍິ່ງຂຶ້ນ     ການຫາເວລາພັກຜ່ອນຂອງຄົນທີ່ຫຍຸ້ງວຽກຫລາຍໆ ມັນເປັນເລື່ອງທີ່ເກືອບຈະເປັນໄປບໍ່ໄດ້ເລີຍ ເພາະຍ້ອນເວລາທີ່ຈຳກັດຂອງພວກເຂົານັ້ນເອງ, ແຕ່ແນວໃດກໍຕາມ ການພັກຜ່ອນກໍເປັນສິິ່ງທີ່ຈຳເປັນສຳລັບພວກເຂົາບໍ່ໜ້ອຍ ເພາະບໍ່ພຽງແຕ່ຊ່ວຍຫລຸດຄວາມເຄັ່ງຄຽດ ແຕ່ຍັງຊ່ວຍຜ່ອນຄາຍສະໝອງໃຫ້ມີສຸຂະພາບທີ່ດີຂຶ້ນນຳ.

ຈາກຜົນການວິໄຈທີ່ຜ່ານມາຂອງ Dr. Florian Kurth ສາດສະດາຈານຈາກສາຂາວິຊາປະສາດວິທະຍາ ມະຫາວິທະຍາໄລຢູຊີແອລ ເຜີຍວ່າ : ເມື່ອເຂົ້າສູ່ໄວກາງຄົນ ສະໝອງຄົນເຮົາຈະເລີ່ມຫົດ ແລະ ສູນເສຍປະສິດທິພາບໃນການເຮັດວຽກ ແລະ ເຮົາກໍເກືອບຈະບໍ່ທັນສັງເກດ ຈົນອາການຫລົງລືມເລີ່ມເກີດຂຶ້ນ.

ທີມງານຂອງເພິ່ນເຊິ່ງນຳໂດຍ  Dr. Eileen Luders ໄດ້ທົດລອງ ກັບກຸ່ມຄົນທີ່ນັ່ງສະມາທິເປັນປະ ຈຳ ແລະ ບໍ່ເຄີຍນັ່ງສະມາທິເລີຍ ຈຳນວນ 100 ຄົນ ພົບວ່າຈາກຮູບສະແກນສະໝອງຂອງກຸ່ມຄົນທີ່ນັ່ງສະມາທິມີມວນສະໝອງທີ່ຫລາຍກ່ວາກຸ່ມຄົນທີ່ບໍ່ນັ່ງສະມາທິ ເຊິ່ງ Dr. Sara Lazur ນັກປະສາດວິທະຍາຈາກມະຫາວິທະຍາໄລແພດຮາເວີດ ແລະ ທີມວິໄຈຂອງນາງ ກໍໄດ້ວິໄຈກ່ຽວກັບການນັ່ງສະມາທິເຊັ່ນກັນ ເຊິ່ງຈາກຮູບສະແກນສະໝອງພົບວ່າ ເມື່ອເຂົ້າສູ່ອາທິດທີ 8 ຜູ້ທົດລອງທີ່ນັ່ງສະມາທິຕິດຕໍ່ກັນເປັນເວລາດົນ ສົ່ງຜົນຕໍ່ສະໝອງໃຫ້ເຮັດວຽກໄດ້ດີຂຶ້ນ. ເພື່ອສຸຂະພາບສະໝອງທີ່ດີທ່ານຄວນຈະເລີ່ມນັ່ງສະມາທິ ໂດຍເລີ່ມຈາກຂັ້ນຕອນງ່າຍໆດັ່ງນີ້ :

  1. ການຝຶກສະມາທິໃນແບບທີ່ມັກ ແລະ ເຮັດໃຫ້ຕິດເປັນນິໄສ : ການນັ່ງສະມາທິມີຜົນຊ່ວຍໃຫ້ຂະບວນການຮັບຮູ້ພັດທະນາຂຶ້ນ ແລະ ຍັງຊ່ວຍຫລຸດຄວາມເຄັ່ງຄຽດໄດ້. ນອກຈາກນີ້ ການນັ່ງສະມາທິຍັງຊ່ວຍຫລຸດຄວາມເສື່ອມໂຊມຂອງສະໝອງ ເຊິ່ງຈະເຫັນຜົນໄດ້ຈະແຈ້ງຈາກຄົນຝຶກສະມາທິ ໂດຍຄົນເຮົາຄວນຝຶກສະມາທິທີ່ເໝາະສົມກັບໂຕເອງ ເຊິ່ງອາດຈະໃຊ້ວິທີຕັ້ງສະມາທິ ຫລື ຝຶກໂຢຄະ ແລະ ເຮັດທຸກໆມື້ ມື້ລະ 5 – 10 ນາທີ ຈົນຕິດເປັນນິໄສ.
  2. ຈັດຕາຕະລາງ : ຫາກວຽກຫຍຸ້ງຫລາຍຈົນກັງວົນວ່າຈະບໍ່ມີເວລາຝຶກສະມາທິ ໃຫ້ຄິດວ່າການຝຶກສະມາທິເປັນວິທີຍືດອາຍຸການໃຊ້ງານຂອງສະໝອງ ຄືກັນກັບທີ່ເຮົາຕ້ອງຖູແຂ້ວທຸກມື້ເພື່ອໃຫ້ແຂ້ວສະອາດ ດັ່ງນັ້ນ ລອງຈັດຕາຕະລາງເວລາບໍ່ເທົ່າໃດນາທີເພື່ອຝຶກສະມາທິຢູ່ໂຕະເຮັດວຽກ ຫລື ຢູ່ໃນລົດກໍໄດ້ ເພື່ອໃຫ້ສະໝອງໄດ້ພັກຜ່ອນແດ່.
  3. ເລີ່ມອອກກຳລັງກາຍແບບງ່າຍໆ : ນັກໂຢຄະ ແລະ ຜູ້ໃຫ້ຄຳປຶກສາເລື່ອງການຝຶກສະມາທິ ດັ່ງທ່ານ ອະເລັກຊິສ ພຽສ ໄດ້ແນະນຳວ່າ : ການກຳນົດລົມຫາຍໃຈຊ່ວຍໃຫ້ສະໝອງເຮົາຝຶກສະມາທິຢູ່ຕະຫລອດເວລາ ແລະ ເຮັດໃຫ້ເຮົາມີສະຕິຮັບຮູ້ ເຊິ່ງຫລຸດຄວາມເຄັ່ງຄຽດ ເຮັດໃຫ້ເຮົາພົບຄວາມສະຫງົບ ແລະ ເຕັກນິກການຝຶກສະມາທິເຫລົ່ານີ້ກໍໃຊ້ເວລາພຽງ 5 ນາທີ ຖ້າພ້ອມແລ້ວກໍລອງໄປເຮັດກັນເລີຍ :

– ກຳນົດລົມຫາຍໃຈ, ຫລັບຕາລົງ ແລະ ກຳນົດຈິດໃຈໄປຍັງຈຸດກາງລະຫວ່າງຕາທັງສອງເບື້ອງ, ຈິນຕະນາການເຖິງລົມທີ່ເຄື່ອນທີ່ກ້ຽວເຂົ້າອອກເປັນຮູບໂຕ (V), ຈິນຕະນາການໃຫ້ມັນເຄື່ອນທີ່ຂຶ້ນໄປຫາໜ້າຜາກເມື່ອທ່ານຫາຍໃຈເຂົ້າ ແລະ ໃຫ້ມັນກັບມາບ່ອນເກົ່າເມື່ອທ່ານຫາຍໃຈອອກ ເຮັດແບບນີ້ກ້ຽວໄປເລື້ອຍໆ ຈະຊ່ວຍຜ່ອນຄາຍສະໝອງເບື້ອງໜ້າ ເຊິ່ງມີບົດບາດໃນການຕັດສິນໃຈສິ່ງຕ່າງໆ. ການສືບເອົາອົກຊີແຊນເຂົ້າໄປຈະຊ່ວຍຜ່ອນຄາຍສະໝອງເບື້ອງນີ້ໃຫ້ເຮັດວຽກໄດ້ດີຂຶ້ນ.

- Wave100S AD to Website 2020 0 - ສະຫລະເວລາພຽງ 5 ນາທີຕໍ່ມື້ ເຮັດໃຫ້ສະໝອງແຂງແຮງຍິ່ງຂຶ້ນ

– ຫາຍໃຈແບບ 3 ຂັ້ນຕອນ : ຫລັບຕາລົງ ແລະ ຫາຍໃຈເຂົ້າເລິກໆໃຫ້ເຕັມປອດ ຈາກນັ້ນກັ້ນຫາຍໃຈໄວ້ ແລ້ວຈຶ່ງຄ່ອຍໆປ່ອຍລົມຫາຍໃຈອອກມາ 3 ຈັງຫວະ ເທື່ອລະໜ້ອຍ ເລີ່ມຈາກລົມຢູ່ເອິກເທິງ, ເອິກລຸ່ມ ແລະ ທ້ອງ ເຊິ່ງການຫາຍໃຈອອກແບບນີ້ທ່ານຈະຮູ້ສຶກໄດ້ເຖິງລົມທີ່ຜ່ານອອກມາຈາກເອິກ ແລະ ທ້ອງຂອງທ່ານ ຫາກລອງເຮັດແບບນີ້ຈັກ 2 – 3 ນາທີ ທ່ານຈະຮັບຮູ້ໄດ້ເຖິງຄວາມຜ່ອນຄາຍ ແລະ ຮ່າງກາຍທີ່ເບົາລົງ.

- WhatsApp Image 2020 05 27 at 5 - ສະຫລະເວລາພຽງ 5 ນາທີຕໍ່ມື້ ເຮັດໃຫ້ສະໝອງແຂງແຮງຍິ່ງຂຶ້ນ
- WhatsApp Image 2020 05 27 at 5 - ສະຫລະເວລາພຽງ 5 ນາທີຕໍ່ມື້ ເຮັດໃຫ້ສະໝອງແຂງແຮງຍິ່ງຂຶ້ນ
error: Alert: ເນື້ອຫາຂ່າວມີລິຂະສິດ !!