ປີນີ້ທະນາຄານກະສິກອນໄທຢູ່ລາວຕັ້ງເປົ້າບັນລຸຍອດສີນເຊື່ອ 1.800 ລ້ານບາດ

- AGL banner - ປີນີ້ທະນາຄານກະສິກອນໄທຢູ່ລາວຕັ້ງເປົ້າບັນລຸຍອດສີນເຊື່ອ 1.800 ລ້ານບາດ

- 17269785 1220270364735244 1813193933 o 300x199 - ປີນີ້ທະນາຄານກະສິກອນໄທຢູ່ລາວຕັ້ງເປົ້າບັນລຸຍອດສີນເຊື່ອ 1.800 ລ້ານບາດ  ຜູ້ບໍລິຫານລະດັບສູງຂອງທະນາຄານກະສິກອນໄທໃຫ້ຮູ້ໃນພິທີເປີດສໍານັກງານໃຫຍ່ປະຈໍາລາວທີ່ຖະໜົນລ້ານຊ້າງ, ເມືອງຈັນທະບູລີ, ນະຄອນຫລວງວຽງຈັນ ເມື່ອວັນທີ 13 ມີນານີ້ວ່າ: ການເຂົ້າມາລົງທຶນສ້າງຕັ້ງສໍານັກງານໃຫຍ່ໃນລາວນີ້, ເປັນການເພີ່ມຊ່ອງທາງເຂົ້າເຖິງກຸ່ມລູກຄ້າທຸລະກິດໃນລາວ, ເພື່ອຕອບສະໜອງດ້ານການຄ້າ ແລະ ການລົງທຶນຈາກນັກລົງທຶນຕ່າງປະເທດ ແລະ ໄທທີ່ເພີ່ມຂຶ້ນຢ່າງຕໍ່ເນື່ອງ, ພ້ອມເປັນສູນກາງເຊື່ອມໂຍງທຸລະກິດຈາກພາກພື້ນສູ່ ສປປ ລາວ.

ປັດຈຸບັນ, ສປປ ລາວ ມີການຂະຫຍາຍຕົວທາງດ້ານເສດຖະກິດຢ່າງຕໍ່ເນື່ອງສະເລ່ຍ 8% ຕໍ່ປີ. ການເຕີບໃຫຍ່ຂອງເສດຖະກິດສູງດັ່ງກ່າວແມ່ນມາຈາກປັດໃຈ ເຊັ່ນ: ຊັບພະຍາກອນທຳມະຊາດມີຄວາມອຸດົມສົມບູນ, ແຮງງານມີປະສິດທິພາບ, ລວມໄປເຖິງແຜນຍຸດທະສາດຂອງລັດຖະບານທີ່ສຸມໃສ່ການພັດທະນາໂຄງລ່າງພື້ນຖານຢ່າງຕໍ່ເນື່ອງເພື່ອແນໃສ່ກາຍເປັນສູນກາງດ້ານການຂົນສົ່ງຂອງພາກພື້ນ, ຂະນະດຽວກັນການພັດທະນາເຂດເສດຖະກິດພິເສດ ແລະ ສະເພາະ, ລວມເຖິງການມີນະໂຍບາຍສະໜັບສະໜູນນັກລົງທຶນຕ່າງປະເທດເຂົ້າມາດໍາເນີນການຄ້າ-ການລົງທຶນຫລາຍຂຶ້ນ, ພິເສດຍັງມີແຮງຍູ້ສຳຄັນຄືການຮ່ວມມືລະຫວ່າງກະຊວງອຸດສາຫະກຳ ແລະ ການຄ້າລາວ ແລະ ກະຊວງພານິດຂອງໄທວ່າດ້ວຍການເປັນຮຸ້ນສ່ວນດ້ານຍຸດທະສາດເພື່ອສົ່ງເສີມການຄ້າ ແລະ ການລົງທຶນລະຫວ່າງສອງປະເທດລາວ-ໄທ, ເຊິ່ງຕັ້ງເປົ້າໝາຍໃຫ້ບັນລຸມູນຄ່າການຄ້າຮ່ວມກັນປະມານ 8.000 ລ້ານໂດລາສະຫະລັດພາຍໃນປີ 2017 ນີ້ ແລະ ດ້ວຍປັດໃຈເຫລົ່ານີ້ເຮັດໃຫ້ ສປປ ລາວ ເປັນປະເທດທີ່ໜ້າລົງທຶນທີ່ສຸດແຫ່ງໜຶ່ງໃນພາກພື້ນ.

ຜູ້ບໍລິຫານທະນາຄານກະສິກອນໄທ ກ່າວວ່າ: ພາຍຫລັງທະນາຄານຕົນໄດ້ເຂົ້າມາດໍາເນີນທຸລະກິດໃນລາວນັບແຕ່ທ້າຍປີ 2014 ເປັນຕົ້ນມາ, ປັດຈຸບັນມີສາຂາບໍລິການ 2 ແຫ່ງຢູ່ນະຄອນ ຫລວງວຽງຈັນຄື: ສາຂາບ້ານໂພນສີນວນ ແລະ ສຳນັກງານໃຫຍ່ຖະໜົນລ້ານຊ້າງ ເພື່ອຕອບສະໜອງຄວາມຕ້ອງການດ້ານການຄ້າ ແລະ ການລົງທຶນລະຫວ່າງລາວ ແລະ ໄທທີ່ມີທ່າອ່ຽງເພີ່ມຂຶ້ນຢ່າງຕໍ່ເນື່ອງ, ພ້ອມທັງເປັນສູນກາງເຊື່ອມໂຍງເສດຖະກິດຂອງອາຊຽນໃນອານາຄົດ, ໂດຍໃນປີ 2017 ຕັ້ງເປົ້າຍອດສິນເຊື່ອໃຫ້ບັນລຸ 1.800 ລ້ານບາດ ແລະ ຍອດເງິນຝາກບັນລຸ 1.300 ລ້ານບາດ (ສະກຸນເງິນໄທ).

ໃນໄລຍະ 3 ປີຜ່ານມາ, ທະນາຄານກະສິກອນໄທໄດ້ສະໜັບສະໜູນສິນເຊື່ອໃຫ້ແກ່ລັດວິສາຫະກິດໄຟຟ້າລາວ (EDL) ໃນຈຳນວນເງິນ 3.000 ລ້ານບາດເພື່ອພັດທະນາໂຄງສ້າງພື້ນຖານລະບົບພະລັງງານໄຟຟ້າ ແລະ ສະໜັບສະໜູນພາກທຸລະກິດໃນການໃຫ້ສິນເຊື່ອ ແລະ ບໍລິການດ້ານການເງິນໃຫ້ແກ່ຫລາຍບໍລິສັດເອກະຊົນໃນລາວ, ພ້ອມທັງໃຫ້ຄວາມສຳຄັນໃນດ້ານການ ພັດທະນາຊັບພະຍາ ກອນມະນຸດຂອງລາວ, ໂດຍໄດ້ຄັດເລືອກນັກສຶກສາຈາກມະຫາວິທະຍາໄລຊັ້ນນຳຂອງປະເທດໄປຝຶກງານຢູ່ໃນທະນາຄານທີ່ມີຊື່ສຽງຂອງໄທເພື່ອຮຽນຮູ້ວິທີ ແລະ ສ້າງທັກສະຄວາມສາມາດໃນການເຮັດວຽກໃຫ້ມີປະສິດທິພາບດີຂຶ້ນ.

- Wave100S AD to Website 2020 0 - ປີນີ້ທະນາຄານກະສິກອນໄທຢູ່ລາວຕັ້ງເປົ້າບັນລຸຍອດສີນເຊື່ອ 1.800 ລ້ານບາດ

ທະນາຄານຍັງສຸມໃສ່ພັດທະນາຜະລິດຕະພັນ ແລະ ບໍລິການດ້ານການເງິນທີ່ຫລາກຫລາຍເພື່ອຕອບສະໜອງຄວາມຕ້ອງການຂອງລູກຄ້າ, ໂດຍສະເພາະການເປີດສູນບໍລິການ ເດິວິສດອມ, ເຊິ່ງເປັນທະນາຄານແຫ່ງດຽວທີ່ໃຫ້ບໍລິການໃນລາວ ແລະ ໄດ້ຮັບຄວາມນິຍົມໃຊ້ບໍລິການຈາກລູກຄ້າເປັນຈຳນວນຫລາຍ, ລວມເຖິງນັກທຸລະກິດຕ່າງປະເທດ ແລະ ໄທທີ່ເຂົ້າມາລົງທຶນໃນລາວ, ພ້ອມການໃຫ້ຄຳປຶກສາແກ່ນັກລົງທຶນໄທຫ ແລະ ຕ່າງປະເທດທີ່ສົນໃຈດໍາເນີນການຄ້າ ແລະ ການລົງທຶນໃນລາວຜ່ານການບໍລິການຈັບຄູ່ (Business Matching) ແລະ ບໍລິການໃຫ້ຄຳປຶກສາທາງທຸລະກິດ (Business Advisory) ເພື່ອກຽມຄວາມພ້ອມໃນການຄ້າ ແລະ ການລົງທຶນໄປຈົນເຖິງກົດລະບຽບຕ່າງໆໃຫ້ໄດ້ດີຍິ່ງຂຶ້ນ ເພື່ອເປັນການຕໍ່ຍອດເສດຖະກິດ ແລະ ເຊື່ອມໂຍງການຄ້າລະຫວ່າງປະເທດໃນພາກພື້ນອາຊຽນກັບ ສປປ ລາວ.

- WhatsApp Image 2020 05 27 at 5 - ປີນີ້ທະນາຄານກະສິກອນໄທຢູ່ລາວຕັ້ງເປົ້າບັນລຸຍອດສີນເຊື່ອ 1.800 ລ້ານບາດ
- WhatsApp Image 2020 05 27 at 5 - ປີນີ້ທະນາຄານກະສິກອນໄທຢູ່ລາວຕັ້ງເປົ້າບັນລຸຍອດສີນເຊື່ອ 1.800 ລ້ານບາດ
- WhatsApp Image 2020 05 27 at 5 - ປີນີ້ທະນາຄານກະສິກອນໄທຢູ່ລາວຕັ້ງເປົ້າບັນລຸຍອດສີນເຊື່ອ 1.800 ລ້ານບາດ
- WhatsApp Image 2020 05 27 at 5 - ປີນີ້ທະນາຄານກະສິກອນໄທຢູ່ລາວຕັ້ງເປົ້າບັນລຸຍອດສີນເຊື່ອ 1.800 ລ້ານບາດ
error: Alert: Content is protected !!