ສ້າງຜົນງານເພື່ອຄວາມກ້າວໜ້າດ້ວຍ 12 ຫລັກການ
ຜົນງານທີ່ດີມີປະສິດທິພາບຂຶ້ນຢູ່ກັບວັດຖຸດິບທີ່ມີຄຸນນະພາບ. ການປ່ຽນແປງເປັນໂອກາດທີ່ເຮົາ ໃຫຍ່ຂຶ້ນກັບມາຢູ່ກັບໂຕເອງດ້ວຍແນວຄິດຂອງໂຕເອງຕາມຮູບແບບທີ່ໂຕເອງມີຄວາມສຸກກັບການເດີນທາງ, ເດີນທາງແນວໃດໃຫ້ມີຄວາມສຸກກັບວິຖີຄວາມເປັນຈິງດ້ວຍ 12 ປະເດັນພັດທະນາຕົນເອງດ້ວຍຕົນເອງເພື່ອຕົນເອງ.
1. ອ່ານໜັງສືແລ້ວໃຊ້ຄວາມຄິດກັ່ນຕອງອອກມາເປັນຮູບແບບຂອງຕົນເອງ.
2. ຄວາມເຊື່ອໃນຕົນເອງຄວນເປັນຂອງຕົນເອງຫລາຍກ່ວາຈື່ຈາກເຂົາມາເຊື່ອ.
3. ຂຽນເປົ້າໝາຍຂອງຕົນເອງເປັນໂຕໜັງສືລົງໃສ່ເຈ້ຍໃຫ້ຈະແຈ້ງດ້ວຍຕົນເອງ.
4. ເຮັດວຽກເປັນທີມ (ຮັກສາຄວາມສຳພັນທ່ີດີຕໍ່ບຸກຄົນອ້ອມຂ້າງ) ຂອງຕົນເອງ.
5. ພູມໃຈໃນຄວາມສາມາດຂອງຕົນເອງ ຄິດວ່າເຮົາເຮັດໄດ້.
6. ຄວນລົງມືເຮັດກ່ອນຕອບວ່າຂ້ອຍເຮັດໄດ້ຫລືບໍ່ໄດ້.
7. ສະສົມປະສົບການໃຫ້ຫລາຍເພື່ອເປັນຕົ້ນທຶນຂອງການເຮັດວຽກ.
8. ຝຶກເຮັດຫຍັງທີ່ຮູ້ສຶກຝືນໃຈໂຕເອງແດ່ ເຊັ່ນ : ໃຊ້ມືເບື້ອງທີ່ບໍ່ລຶ້ງ, ຢູ່ກັບຄວາມອຶດອັດ, ໃຊ້ອາລົມຢ່າງຮູ້ຄຸນຄ່າ, ຢູ່ກັບໂຕເອງແບບງຽບໆແດ່, ຮັກໂຕເອງໃຫ້ເປັນ.
9. ຢ່າຟ້າວຊ່ວຍເຫລືອຄົນອື່ນໄວເກີນໄປ (ໃຈເຢັນໆ ເບິ່ງອົງປະກອບກ່ອນການຕັດສິນໃຈຊ່ວຍ).
10. ຄຳເວົ້າທີ່ຄວນຝຶກໄວ້ເປັນປະຈຳ ແມ່ນ : ມີຫຍັງໃຫ້ຊ່ວຍຫລືບໍ່ ? ມີຫຍັງໃຫ້ຊ່ວຍກໍບອກໄດ້ເດີ້.
11. ເປົ້າໝາຍຕ້ອງການສະບາຍ ມື້ນີ້ຕ້ອງລຳບາກກ່ອນ ຫລື ວ່າມື້ນີ້ທ່ານສະບາຍກ່ອນໄດ້ເລີຍ ປາຍທາງຈະລຳບາກແນ່ນອນ ຈົ່ງວາງແຜນທີ່ຊີວິດຂອງຕົນເອງໄວ້.
12. ຄິດດ້ານບວກເປັນສິ່ງທີ່ມີຄວາມສຳຄັນຫລາຍໃນຊີວິດ ເປັນດັ່ງເສົາເຂັມຂອງຊີວິດຄົນເຮົາ, ຫາກພື້ນຖານຄວາມຄິດດີ ທຸກສິ່ງດີໆກໍຈະດຶງດູດເຂົ້າຫາເຮົາຢ່າງແນ່ນອນ.
ຫາກທ່ານບໍ່ອ່ານໜັງສື ທ່ານກໍຈະບໍ່ຮູ້ເລື່ອງລາວໃນໜັງສືເຫລັ້ມນັ້ນ, ການຝຶກຝົນເປັນບົດຮຽນສຳ ຄັນ ຫາກທ່ານບໍ່ເຮັດກໍຈະບໍ່ຮຽນຮູ້ໄດ້.
