ສະມາຊິກພັກ-ພະນັກງານ ຕ້ອງເປັນຕົວແບບນຳໜ້າ

ໂດຍ: ທິດກ່ຳ

ໃນມະຕິກອງປະຊຸມຄົບຄະນະຄັ້ງທີ 7 ສະໄໝທີ X ຂອງຄະນະບໍລິຫານງານສູນກາງພັກ, ໄດ້ມຸ້ງເປົ້າແກ້ໄຂ 2 ບັນຫາໃຫຍ່ຄື: ການເພີ່ມທະ ວີນຳພາແກ້ໄຂຄວາມຫຍຸ້ງ ຍາກດ້ານເສດຖະກິດ-ການ ເງິນ ແລະ ສ້າງຄວາມເຂັ້ມ ແຂງຂອງການຄຸ້ມຄອງມະ ຫາພາກ. ສ່ວນອັນທີສອງ ແມ່ນການປັບປຸງຮາກຖານ ການເມືອງຂອງລະບອບປະຊາທິປະໄຕປະຊາຊົນໃຫ້ເຂັ້ມແຂງ ແລະ ແໜ້ນແໜ້ນ.

 ເມື່ອເອີ່ຍເຖິງຂົງເຂດ ເສດຖະກິດ-ການເງິນແລ້ວ, ນັບແຕ່ປີ 2016 ເປັນຕົ້ນມາ ພັກ ແລະ ລັດຖະບານເຮົາ ໄດ້ ສຸມໃສ່ແກ້ໄຂຫລາຍບັນຫາ ທີ່ໄດ້ສະສົມມາເປັນເວລາ ຍາວນານຈົນເກືອບເຂົ້າກະ ດູກດຳຊຳເຮື້ອ.

ການດຳເນີນການ ແກ້ໄຂ ນີ້, ກໍເລີ່ມແຕ່ການຄົ້ນຄວ້າ, ການກຳນົດທິດທາງ, ກ້າວໄປ ເຖິງການວາງມາດຕະການ ຕ່າງໆ ຈົນວ່າມີຜົນສຳເລັດໃນ ຫລາຍດ້ານເຊັ່ນຕົວຢ່າງ ສິ່ງ ທີ່ໄດ້ເຫັນຢ່າງເປັນຮູບປະທຳ ກໍຄືການແກ້ໄຂເລື່ອງໄມ້ໄປ ຕາມຄຳສັ່ງເລກທີ 15/ນຍ. ການວາງມາດຕະການກ່ຽວກັບການເກັບລາຍຮັບ, ບັນ ຫາການສໍ້ລາດບັງຫລວງ, ຢາເສບຕິດ ແລະ ອື່ນໆ ກໍເຫັນວ່າມີຜົນດີເປັນກ້າວໆ ມາ, ກ່ຽວກັບວຽກງານປັບ ປຸງຮາກຖານການເມືອງ ກໍໄດ້ຖືເອົາປະຊາຊົນເປັນກົກ, ເອົາຊົນນະບົດເປົ້າໝາຍເພື່ອສ້າງກຳລັງແຮງ ແຕ່ຮາກຖານ ບ້ານຂຶ້ນມາ ຜ່ານໄລຍະປະຕິບັດກໍເຫັນ ວ່າຊົນນະບົດນັບແຕ່ຮາກ ຖານຂັ້ນບ້ານໄດ້ມີການປ່ຽນ ແປງ ແລະ ພັດທະນາທີ່ດີ ຂຶ້ນເລື້ອຍໆ.

ແນວໃດກໍດີ, ຕາມເຮົາ ວ່າ ຈາກດ້ານດີທີ່ໄດ້ຍົກ ມາຂ້າງເທິງນັ້ນ ພວກເຮົາ ກໍຍັງມີຈຸດອ່ອນ ແລະ ຄ້າງ ຄາໃນຫລາຍດ້ານທີ່ຕ້ອງໄດ້ ເອົາໃຈໃສ່ປັບປຸງເໝືອນ ດັ່ງມະຕິ 7 ໄດ້ຕີລາຄາຢ່າງ ຈະແຈ້ງ, ຕາມທິດກ່ຳຄິດ ກ່ອນອື່ນໝົດແມ່ນຕ້ອງແກ້ ເລື່ອງຂອດພະນັກງານນັ້ນ ກ່ອນ ແລະ ເປັນກົກ.

ໃນໄລຍະຜ່ານມາ, ພວກ ເຮົາກໍມີການເວົ້າວ່າ, ມີທິດ ທາງ, ມີເປົ້າໝາຍ ແລະ ມີ ມາດຕະການຕ່າງໆຢ່າງຮັດກຸມ ແລະ ຈະແຈ້ງ, ແຕ່ຍັງມີ ບາງກົມກອງທ້ອງຖິ່ນຍັງ ອືດໆອາດໆປານດຶງຂາເຕົ່າ ຍ້ອນຄານຳໜ້າທີ່ຕຳແໜ່ງ, ພະຍາດອາຍາສິດ ແລະ ຕິດ ພັນກັບຜົນປະໂຫຍດສ່ວນ ຕົວນັ້ນເປັນໃຫຍ່, ເວົ້າແຈ້ງ ແມ່ນຍັງມີພະຍາດສໍ້ລາດ ບັງຫລວງທີ່ຍັງບໍ່ມີຢາປົວໃຫ້ຫາຍຂາດໄດ້.

ສະນັ້ນ, ເພື່ອເຮັດໃຫ້ມະ    ຕິ 7 ທີ່ໄດ້ວາງອອກມາໃຫ້ສຳເລັດຜົນໃນຕໍ່ໜ້າ ອັນສຳຄັນ ທີ່ສຸດ ແມ່ນຄົນເປັນຜູ້ເຮັດ, ແມ່ນບັນດາສະຫາຍສະມາ ຊິກພັກ-ພະນັກງານນັ້ນຕ້ອງ ເປັນຕົວແບບນຳໜ້າທັງນຳ ພາເຮັດ, ນຳພາໄປ, ໃນນີ້ກໍ ໝາຍເຖິງຄະນະພັກແຕ່ລະ ຂັ້ນຕ້ອງເດັດຂາດຈິງຈັງ   ແລະ ຈົ່ງຮັກພັກດີຕໍ່ພັກ, ຕໍ່ ປະຊາຊົນ ແລະ ເພື່ອຜົນປະ ໂຫຍດຂອງຊາດຮັບໃຊ້ປະ  ຊາຊົນນັ້ນເປັນໃຫຍ່.

ໃນໄລຍະຜ່ານມາ, ເຮົາ ເຫັນວ່າການນຳພາປັບປຸງຮາກຖານການເມືອງຍັງມີ ຫລາຍດ້ານບໍ່ທັນແທດເໝາະ ແລະ ບໍ່ທັນມີຄຸນນະພາບເທົ່າ ທີ່ຄວນ ຈຶ່ງເຮັດໃຫ້ການນຳພາ ຄຸ້ມຄອງ, ການພັດທະນາເສດ ຖະກິດ-ສັງຄົມຂອງປະເທດ ບໍ່ທັນສົມດູນກັບການປ່ຽນ ແປງຂອງຍຸກສະໄໝ.

ສະພາບຜ່ານມາ, ບາງ ສະຫາຍສະມາຊິກພັກ-ພະ ນັກງານ, ການນຳບາງຄົນທີ່ ຢູ່ຂັ້ນທ້ອງຖິ່ນຮາກຖານຍັງ ບໍ່ເປັນແບບຢ່າງເທົ່າທີ່ຄວນ, ມີດິນຫລາຍຕອນ, ມີຊັບສີນ ເງິນຄໍາຫລາຍຍ້ອນການສໍ້ ລາດບັງຫລວງຮ່ວມກັບນັກ ທຸລະກິດເຄື່ອນໄຫວຫາຜົນ  ປະໂຫຍດສ່ວນຕົວໂດຍຖືເອົາ ຖານະຕຳແໜ່ງມາເປັນສິ່ງ ເບີກທາງ ແລະ ເປັນຕົວຕັ້ງ. ເພາະສະນັ້ນ, ເພື່ອເຮັດໃຫ້ ມະຕິຄັ້ງທີ 7 ສະໄໝທີ X ຂອງ ຄະນະບໍລິຫານງານສູນກາງພັກໄດ້ວາງອອກຄັ້ງນີ້ເປັນໄປຕາມຄວາມຫວັງ ກ່ອນອື່ນໝົດ ບັນດາສະຫາຍສະມາຊິກພັກ-ພະນັກງານ ຕ້ອງເປັນແບບ ຢ່າງນຳໜ້າເພື່ອເຮັດໜ້າທີ່ ນຳພາຂົງເຂດວຽກງານທີ່  ພັກ ແລະ ລັດຖະບານ ກໍຄືປະ ຊາຊົນໄດ້ມອບໝາຍໃຫ້ນັ້ນ ເປັນຮູບປະທຳຍິ່ງຂຶ້ນ./.