ສື່ມວນຊົນລາວຍັງມີຫຼາຍດ້ານຕ້ອງໄດ້ແກ້ໄຂ

ສື່ມວນຊົນລາວຍັງມີຫຼາຍດ້ານຕ້ອງໄດ້ແກ້ໄຂ - borsengkham - ສື່ມວນຊົນລາວຍັງມີຫຼາຍດ້ານຕ້ອງໄດ້ແກ້ໄຂ
ສື່ມວນຊົນລາວຍັງມີຫຼາຍດ້ານຕ້ອງໄດ້ແກ້ໄຂ - Untitled design - ສື່ມວນຊົນລາວຍັງມີຫຼາຍດ້ານຕ້ອງໄດ້ແກ້ໄຂ

    ເນື່ອງໃນໂອກາດມອບລາງວັນສື່ສິ່ງພິມ ແລະການພິມຈຳໜ່າຍທີ່ຜ່ານມາ ທ່ານລັດຖະມົນກະຊວງຖະແຫລງຂ່າວ ວັດທະນະທຳ ແລະທ່ອງທ່ຽວ ບໍ່ແສງຄຳ ວົງດາລາ ໄດ້ຍົກໃຫ້ເຫັນວ່າ: ວຽກງານຖະແຫລງຂ່າວໄດ້ມີຜົນງານພົ້ນເດັ່ນຫລາຍດ້ານ ທີ່ໄດ້ປະກອບສ່ວນເຂົ້າໃນພາລະກິດປົກປັກຮັກສາ ແລະສ້າງສາພັດທະນາປະເທດຊາດ ແຕ່ຄຽງຄູ່ກັນນັ້ນກໍຍັງມີຂໍ້ຄົງຄ້າງ ທີ່ຕ້ອງໄດ້ເອົາໃຈໃສ່ແກ້ໄຂຄື: ມີບາງອົງການສື່ມວນຊົນເຄື່ອນໄຫວບໍ່ໄປຕາມ ພາລະບົດບາດ, ຖືເບົາໃນການນໍາສະເຫນີຂໍ້ມູນ, ບໍ່ຖືກຕ້ອງ-ຊັດເຈນ, ການນຳໃຊ້ພາສາຜິດຫລັກໄວຍະກອນຊອດກະຈາ, ການໃຊ້ພາບ, ຊື່ ແລະຕໍາແໜ່ງ ຍັງມີອັນຜິດພາດໃຫ້ເຫັນ, ການປະຕິບັດກົດໝາຍ ແລະ ນິຕິກໍາຕ່າງໆທີ່ຕິດພັນກັບວຽກງານຄຸ້ມຄອງວຽກງານສື່ມວນຊົນ ແລະພິມຈໍາຫນ່າຍ ທັງສູນກາງ ແລະທ້ອງຖິ່ນຍັງບໍ່ທັນເປັນເອກະພາບກັນ. ດ້ານເນື້ອຫາສາລະ ແລະຮູບການໂຄສະນາຂອງສື່ມວນຊົນບາງຄັ້ງຍັງບໍ່ທັນສາມາດຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່, ບໍ່ທັນດຶງດູດຄວາມສົນໃຈຂອງຜູ້ອ່ານ, ຜູ້ຟັງ ແລະ ຜູ້ຊົມ, ຂາດການສໍາຫຼວດ, ຄົ້ນຄ້ວາວິໄຈລະອຽດ ເຖິງຄວາມຕ້ອງການ ແລະເງື່ອນໄຂຕົວຈິງຂອງຜູ້ບໍລິໂພກ, ລາຍການບັນເທີງຢູ່ໃນສື່ມວນຊົນຂອງພວກເຮົາຍັງບໍ່ທັນມີຄວາມອຸດົມສົມບູນ ແລະ ຫຼາກຫຼາຍສີສັນເທື່ອ, ສຽງຂັບສຽງລໍາຂອງທ້ອງຖິ່ນ ແລະ ຂອງ ປະຊາຊົນບັນດາເຜົ່າ ຍັງບໍ່ທັນຫຼາກຫຼາຍ, ການຕອບຕ້ານຖ້ອຍທໍານອງໂຄສະນາບິດເບືອນ ໃສ່ຮ້າຍ ປ້າຍສີຂອງພວກອິດທິກໍາລັງປໍລະປັກ ແລະກຸ່ມຄົນບໍ່ດີຍັງບໍ່ທັນການ ແລະ ບໍ່ແຫຼມຄົມ.

    ສະນັ້ນ, ອົງການສື່ມວນຊົນທຸກພາກສ່ວນຕ້ອງເອົາໃຈໃສ່ສຶກສາອົບຮົມດ້ານການເມືອງແນວຄິດໃຫ້ສະມາຊິກພັກ-ພະນັກງານໜັກແໜ້ນ, ປັບປຸງລະບົບການຈັດຕັ້ງໃຫ້ສອດຄ່ອງກັບວຽກງານໄລຍະໃໝ່, ກໍ່ສ້າງບຸກຄະລາກອນໃຫ້ໜັກແໜ້ນດ້ານການເມືອງ ແລະວິຊາສະເພາະ, ຫັນໃຊ້ລະບົບເຕັກໂນໂລຊີທີ່ທັນສະໄໝ, ເອົາໃສໃສ່ແກ້ໄຂຄວາມຜິດພາດດ້ານເນື້ອໃນ ແລະຮູບການໃຫ້ມີຄຸນນະພາບ, ວ່ອງໄວ, ຊັດເຈນ ແລະທ່ວງທັນກັບເຫດການ ສົມກັບວ່າສື່ສານມວນຊົນເປັນກະບອກສຽງອັນແຫລມຄົມຂອງພັກ ແລະລັດຢ່າງແທ້ຈິງ ພ້ອມທັງຊອກໃຫ້ໄດ້ຊອກໃຫ້ໄດ້ບຸກຄົນຫ້າວຫັນ, ບຸກຄົນດີເດັ່ນ, ບົດ, ຂ່າວ ແລະຮູບພາບທີ່ໂດດເດັ່ນ ແລະເປັນແບບຢ່າງໃນການພັດທະນາໃນຂົງເຂດສື່ມວນຊົນ./

ສື່ມວນຊົນລາວຍັງມີຫຼາຍດ້ານຕ້ອງໄດ້ແກ້ໄຂ - Wave100S AD to Website 2020 0 - ສື່ມວນຊົນລາວຍັງມີຫຼາຍດ້ານຕ້ອງໄດ້ແກ້ໄຂ
ສື່ມວນຊົນລາວຍັງມີຫຼາຍດ້ານຕ້ອງໄດ້ແກ້ໄຂ - WhatsApp Image 2020 05 27 at 5 - ສື່ມວນຊົນລາວຍັງມີຫຼາຍດ້ານຕ້ອງໄດ້ແກ້ໄຂ
ສື່ມວນຊົນລາວຍັງມີຫຼາຍດ້ານຕ້ອງໄດ້ແກ້ໄຂ - WhatsApp Image 2020 05 27 at 5 - ສື່ມວນຊົນລາວຍັງມີຫຼາຍດ້ານຕ້ອງໄດ້ແກ້ໄຂ
error: Alert: ເນື້ອຫາຂ່າວມີລິຂະສິດ !!