ທ່ານ ທຣຳ ຕັ້ງເປົ້າກຳຈັດເຊື້ອ HIV ໃຫ້ໝົດໄປຈາກອາເມລິກາໃນ 10 ປີ
ປະທານາທິບໍດີ ໂດນັລ ທຣຳ ຂອງອາເມລິກາ ໃຊ້ເວທີໃນການຖະແຫລງນະໂຍບາຍປະຈຳປີຕໍ່ລັດຖະສະພາ ຮຽກຮ້ອງໃຫ້ພັກລີພັບບລີກັນ ແລະ ພັກເດໂມແຄຣດ ຮ່ວມມືກັນຫາທາງກຳຈັດເຊື້ອ HIV ສາມາດຂອງພະຍາດເອດສ໌ໃຫ້ໝົດໄປຈາກອາເມລິກາພາຍໃນ 10 ປີ.
ປະທານາທິບໍດີ ທຣຳ ກ່າວວ່າ: ການຮ່ວມກຳລັງກັນຈະຊ່ວຍກຳຈັດພະຍາດຮ້າຍດັ່ງກ່າວໃຫ້ໝົດໄປ ແລະ ຄວາມກ້າວໜ້າທາງວິທະຍາສາດຈະຊ່ວຍໃຫ້ຄວາມຝັນທີ່ຫ່າງໄກກາຍເປັນຄວາມຈິງໄດ້. ຈາກສະຖິຕິໃນປີ 2017 ອາເມລິກາມີຜູ້ຕິດເຊື້ອ HIV 38.000 ຄົນ, ຕົວເລກຜູ້ຕິດເຊື້ອດັ່ງກ່າວຫລຸດລົງມາເປັນເວລາຫລາຍປີ ຍົກເວັ້ນໃນບາງທ້ອງຖິ່ນ ໂດຍສະເພາະໃນກຸ່ມຊາຍຮັກຊາຍ, ຄົນຜິວສີ ແລະ ຄົນອາເມລິກາລາຕິນ. ໃນໄລຍະຫລາຍປີຜ່ານມາ, ອາເມລິກາໄດ້ປະສົບຄວາມຄືບໜ້າຫລາຍໃນການຕໍ່ຕ້ານເຊື້ອ HIV ແລະ ພະຍາດເອດສ໌.
