ຣູຮານີ ຊະນະເລືອກຕັ້ງອີຣານ ກ່າວປະເປີດປະເທດສູ່ໂລກ

- advert banner 728 90 728x90 - ຣູຮານີ ຊະນະເລືອກຕັ້ງອີຣານ ກ່າວປະເປີດປະເທດສູ່ໂລກ

- 136301262 14953219243841n - ຣູຮານີ ຊະນະເລືອກຕັ້ງອີຣານ ກ່າວປະເປີດປະເທດສູ່ໂລກ

- new3 - ຣູຮານີ ຊະນະເລືອກຕັ້ງອີຣານ ກ່າວປະເປີດປະເທດສູ່ໂລກ

 

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຜົນ​ການ​ນັບ​ຄະ​ແນນ​ຢ່າງ​ເປັນ​ທາງ​ການ ​ເຊິ່ງປະກາດ​ໃນ​ວັນ​ທີ 20 ພຶດສະພາ​ນີ້ ຢືນຢັນ​ວ່າ​ປະທານາທິບໍດີ ຮາ​ຊັນ ຣູຮາ​ນີ ​ແຫ່ງ​ປະ​ເທດ​ອີຣານ ​ເປັນ​ຜູ້​ໄດ້​ຮັບ​ໄຊຊະນະ​ໃນ​ການ​ເລືອກ​ຕັ້ງປະທານາທິບໍດີ ທີ່​ມີ​ຂຶ້ນ​ໃນ​ວັນ​ທີ 19 ພຶດສະພາ ​ໄດ້​ດຳລົງ​ຕຳ​ແໜ່​ງຜູ້ນຳ​ເປັນ​ສະ​ໄໝ​ທີ 2 ​ໂດຍ​ບໍ່​ຕ້ອງ​ໄປ​ຕັດສິນ​ການ​ເລືອກ​ຕັ້ງຮອບ 2 ​ເພາະ​ທ່ານ​ໄດ້​ຄະ​ແນນສຽງຫລາຍ​ກວ່າ 57% ຫລື ​ເກີນ​ເຄິ່ງໜຶ່ງ, ຂະນະ​ທີ່​ຄູ່​ແຂ່ງ​ສຳຄັນ​ຄື​ທ່ານ ອິບຣາຮິມ ​ໄຣຊີ ຜູ້​ພິພາກສາ ​ໄດ້​ຄະ​ແນນ​ສຽງ 38%.

 

ພາຍຫລັງ​ຜົນ​ການ​ເລືອກ​ຕັ້ງ​ໄດ້​ຮັບ​ການ​ເປີດ​ເຜີຍ​ອອກ​ມາ, ທ່ານ ຣູຮາ​ນີ ກໍ​ໄດ້​ກ່າວ​ປາ​ໄສ​ຜ່ານ​​ໂທລະພາບ ​ໂດຍ​ທ່ານ​ສະ​ແດງ​ຈຸດ​ຢືນ​ຕໍ່ຕ້ານ​ຜູ້​ພິພາກສາ​ຝ່າຍ​ອະນຸລັກ​ນິຍົມ​ຂອງ​ປະ​ເທດ​ຢ່າງ​ຈະ​ແຈ້ງ ​ໂດຍ​ການ​ກ່າວ​ຍ້ອງຍໍ​ອະດີດ​ປະທານາທິບໍດີ ​ໂມ​ຮຳ​ໝັດ ກາ​ຕາ​ມີ ຜູ້ນຳ​ທາງ​ຈິດ​ວິນ​ຍານ​ຂອງ​ຄະນະ​ປະຕິ​ຮູບ ​ເຊິ່ງສານ​ອີຣານສັ່ງ​ຫ້າມ​ບໍ່​ໃຫ້​ມີ​ການ​ເອີ້ນ​ຊື່​ຂອງ​ທ່ານ​ອອກ​ອາກາດ.

- lattana 1 - ຣູຮານີ ຊະນະເລືອກຕັ້ງອີຣານ ກ່າວປະເປີດປະເທດສູ່ໂລກ

 

ທັງ​ນີ້, ​ເຖິງ​ວ່າ​ອຳນາດ​ຂອງ​ປະທານາທິບໍດີ​ອີຣານຈະ​ມີ​ຈຳກັດ​ເມື່ອ​ທຽບ​ໃສ່​ທ່ານ ອະ​ຍາ​ຕໍ​ເລາະ​ອາລີ ກາ​ເມ​ເນ​ອີ ຜູ້ນຳ​ສູງ​ສຸດ​ຂອງ​ປະ​ເທດ ​ເຊິ່ງມີ​ແນວ​ຄິດ​ອະນຸລັກ​ນິຍົມ, ​ແຕ່​ໄຊຊະນະ​ຂອງ​ທ່ານ ຣູຮາ​ນີ ຖື​ເປັນ​ການ​ເຮັດ​ໃຫ້​ຝ່າຍ​ສະໜັບສະໜູນ​ປະຕິ​ຮູບ​ອີຣານມີ​ອຳນາດ​ຫລາຍ​ທີ່​ສຸດ​ໃນ​ຮອບ 12 ປີຜ່ານມາ ​ໃນ​ການ​ສ້າງ​ຄວາມ​ປ່ຽນ​ແປງ​ໃຫ້​ປະ​ເທດ. ນອກຈາກ​ນີ້ ຍັງ​​ເປັນ​ການ​ຮັບຮອງ​ຄວາມ​ປອດ​ໄພ​ໃຫ້​ແກ່​ຂໍ້​ຕົກລົງ​ຄວບ​ຄຸມ​ນິວ​ເຄຼຍ ທີ່​ລັດຖະບານ ຣູຮາ​ນີ ຍອມ​ຕົກລົງ​ກັບປະ​ເທດ​ມະຫາ​ອຳນາດ ​ເພື່ອ​ແລກປ່ຽນ​ກັບ​ການ​ຍົກ​ເລີກ ຫລື ຫລຸດຜ່ອນ​ການ​ຂວ້ຳບາດ, ​ແຕ່​ຖືກ​ຕໍ່ຕ້ານ​ຈາກ​ຝ່າຍ​ອະນຸລັກ​ນິຍົມ​ພາຍ​ໃນ​ປະ​ເທດ.

 

ອີກ​ດ້ານ​ໜຶ່ງ, ທ່ານ ​ເຣັກ ທິວ​ເລີ​ສັນ ລັດຖະມົນຕີ​ວ່າການ​ກະຊວງ​ຕ່າງປະ​ເທດ​ຂອງ​ອາ​ເມ​ລິ​ກາ ​ເຊິ່ງບໍ່​ມີ​ຄວາມ​ສຳພັນ​ທາງ​ການ​ທູດ​ກັບ​ອີຣານມາ​ແຕ່​ປີ 1980 ອອກ​ມາສະ​ແດງ​ຄວາມ​ຄາດ​ຫວັງ​ວ່າ: ທ່ານ ຣູຮາ​ນີ ຈະ​ໃຊ້​ຕຳ​ແໜ່​ງປະທານາທິບໍດີ​ສະ​ໄໝ​ທີ 2 ​ໃນ​ການ​ຢຸດ​​ໂຄງການ​ລູກ​ສອນ​ໄຟ ລວມທັງ​ສິ່ງ​ທີ່​ທ່ານ​ເອີ້ນ​ວ່າ​ເຄືອ​ຂ່າຍ​ຜູ້​ກໍ່​ການ​ຮ້າຍ, ​ເຖິງ​ວ່າ​ອີຣານຈະ​ປະຕິ​ເສດ​ວ່າ​ພວກ​ເຂົາ​ບໍ່​ກ່ຽວຂ້ອງ​ກັບ​ການ​ກໍ່​ການ​ຮ້າຍ, ສ່ວນ​ໂຄງການ​ລູກ​ສອນ​ໄຟ​ມີ​ເປົ້າໝາຍ​ເພື່ອ​ການ​ປ້ອງ​ກັນ​ຕົວ​ເອງ​ເທົ່າ​ນັ້ນ.

error: Content is protected !!