ບໍ່ຢາກນອນຕື່ນສວາຍຈົນເປັນນິໄສຕ້ອງຫາວິທີກຳຈັດ

ບໍ່ຢາກນອນຕື່ນສວາຍຈົນເປັນນິໄສຕ້ອງຫາວິທີກຳຈັດ - 030702 2019 - ບໍ່ຢາກນອນຕື່ນສວາຍຈົນເປັນນິໄສຕ້ອງຫາວິທີກຳຈັດ
ບໍ່ຢາກນອນຕື່ນສວາຍຈົນເປັນນິໄສຕ້ອງຫາວິທີກຳຈັດ - Untitled design - ບໍ່ຢາກນອນຕື່ນສວາຍຈົນເປັນນິໄສຕ້ອງຫາວິທີກຳຈັດ

   1. ປັບເວລາຕື່ນໄວຂຶ້ນອີກໜ້ອຍໜຶ່ງ : ການແກ້ນິໄສນອນຕື່ນສວາຍໃຫ້ແກ່ເທື່ອລະເລັກເທື່ອລະໜ້ອຍ ໂດຍການປັບເວລາຕື່ນໃຫ້ໄວຂຶ້ນ, ແຕ່ຢ່າຫັກໂຫມໂດຍການຕື່ນເຊົ້າຫລາຍຈົນເກີນໄປ ເຊັ່ນ : ຕາມປົກກະຕິຕື່ນ 8:00 ໂມງເຊົ້າ ແລ້ວບັງຄັບໃຫ້ໂຕເອງຕື່ນ 5:00 ໂມງເຊົ້າ ຈະເຮັດໃຫ້ຮ່າງກາຍປັບໂຕບໍ່ທັນ ອາດເຮັດໃຫ້ເກີດອາການອ່ອນເພຍ ແລະ ເຫງົານອນໄດ້ໃນຕອນກາງເວັນ. ດັ່ງນັ້ນວິທີງ່າຍໆທີ່ຈະຊ່ວຍເຮັດໃຫ້ທ່ານຕື່ນເຊົ້າຢ່າງເປັນທຳມະຊາດ ລອງປັບເວລາຕື່ນຂອງທ່ານໃຫ້ໄວຂຶ້ນອີກປະມານ 30 ນາທີ. ຂໍ້ສຳຄັນຫ້າມເລື່ອນເວລາປຸກເດັດຂາດ ໃຫ້ຮັກສາເວລາຕື່ນຂອງທ່ານໃນມື້ພັກທ້າຍອາທິດນຳ.

      2. ປິດໂທລະສັບ ແລະ ຄອມພິວເຕີກ່ອນເຂົ້ານອນ : ການຫລິ້ນໂທລະສັບ ຫລື ຄອມພິວເຕີກ່ອນເຂົ້ານອນເປັນຜົນເສຍຕໍ່ສາຍຕາ ເຮັດໃຫ້ຮ່າງກາຍຕື່ນໂຕຈົນບໍ່ຮູ້ສຶກເຫງົານອນ ທັງຂໍ້ມູນບາງເລື່ອງລາວໃນໂລກອອນລາຍຍັງເຮັດໃຫ້ເກີດຄວາມກັງວົນ ເຮັດໃຫ້ເອົາມາຄິດຈົນນອນບໍ່ຫລັບ ດັ່ງນັ້ນກ່ອນເຂົ້ານອນ 1 ຊົ່ວໂມງ ໃຫ້ປິດໂທລະສັບ ແລະ ຄອມພິວເຕີໃຫ້ໝົດ ເພື່ອໃຫ້ຮ່າງກາຍກຽມໂຕເຂົ້າສູ່ການພັກຜ່ອນ.

     3. ອອກກຳລັງກາຍຢູ່ສະເໝີ :    ການອອກໄປສືບອາກາດໃນບ່ອນໂລ່ງກ້ວາງພ້ອມກັບຮັບແສງແດດ ຈະເຮັດໃຫ້ຮູ້ສຶກສົດຊື່ນເຕັມໄປດ້ວຍພະລັງງານ ຊ່ວຍຫລຸດປະລິມານເມລາໂທນິນ ເຮັດໃຫ້ຮູ້ສຶກບໍ່ເຫງົານອນໃນຕອນກາງເວັນ ໃນການອອກກຳລັງກາຍຈະເຮັດໃຫ້ໂມງຊີວະພາບທີ່ຢູ່ໃນຮ່າງກາຍເກີດຄວາມດຸ່ນດ່ຽງ, ຊ່ວຍຫລຸດຄວາມເຄັ່ງຄຽດ, ການດື່ມເຄື່ອງດື່ມອານກໍຮໍ, ກາເຟອີນ ແລະ ເຊືອບຫລັບຕອນກາງເວັນ ເປັນສິ່ງທີ່ຕ້ອງຄວບຄຸມໃຫ້ຢູ່ໃນປະລິມານທີ່ເໝາະສົມນຳ ເພື່ອບໍ່ໃຫ້ສົ່ງຜົນກະທົບກັບການນອນຫລັບໃນຕອນກາງຄືນ.

     4. ປັບສະພາບແວດລ້ອມໃຫ້ເປັນຕານອນ :  ການເປີດໄຟນອນທີ່ມີແສງອ່ອນໆໃນປະລິມານແສງສະຫ່ວາງທີ່ພໍດີ ຈະຊ່ວຍສ້າງບັນຍາກາດໃນການນອນ ກ່ອນເວລານອນໃຫ້ປິດໄຟໃຫ້ມືດ ແລະ ຄວນປັບອຸນຫະພູມຫ້ອງຢູ່ 15 – 19 ອົງສາ ຈະເຮັດໃຫ້ຮູ້ສຶກເຫງົານອນ ແລະ ນອນຫລັບໄດ້ໄວຍິ່ງຂຶ້ນ ທາງດ້ານຜູ້ຊ່ຽວຊານທາງດ້ານການນອນຫລັບ ໄດ້ແນະນຳໃຫ້ກຽມນຳ້ໄວ້ຫົວຕຽງເພື່ອຫລຸດອາການກະຫາຍນຳ້ ແລະ ອິດເມື່ອຍຈາກການນອນ.

ບໍ່ຢາກນອນຕື່ນສວາຍຈົນເປັນນິໄສຕ້ອງຫາວິທີກຳຈັດ - Wave100S AD to Website 2020 0 - ບໍ່ຢາກນອນຕື່ນສວາຍຈົນເປັນນິໄສຕ້ອງຫາວິທີກຳຈັດ

     5. ນອນໃຫ້ພຽງພໍຕໍ່ຄວາມຕ້ອງການຂອງຮ່າງກາຍ : ຄວາມຕ້ອງການໃນການນອນຂອງແຕ່ລະຄົນບໍ່ເທົ່າກັນ ດັ່ງນັ້ນການນອນ 8 ຊົ່ວໂມງກໍບໍ່ໄດ້ເໝາະສົມສຳລັບທຸກຄົນ ລອງສຳຫລວດໂຕເອງວ່າຕ້ອງນອນຫລາຍປານໃດຈຶ່ງຈະພຽງພໍ ເພາະການບັງຄັບໃຫ້ໂຕເອງນອນໂດຍທີ່ຍັງບໍ່ຢາກນອນ ຈະເຮັດໃຫ້ນອນຫລັບຍາກຫລາຍຂຶ້ນ ເມື່ອຮ່າງກາຍພັກຜ່ອນຢ່າງພຽງພໍກໍຈະເຮັດໃຫ້ການຕື່ນເຊົ້າເປັນເລື່ອງທີ່ງ່າຍຂຶ້ນ.

 ພຶດຕິກຳການຕື່ນເຊົ້າເປັນສິ່ງທີ່ຝຶກໄດ້ ໂດຍການປັບປ່ຽນພຶດຕິກຳການນອນໃຫ້ເໝາະສົມ ບໍ່ວ່າຈະເປັນການງົດໃຊ້ໂທລະສັບກ່ອນເຂົ້ານອນ, ປັບສະພາບແວດລ້ອມການນອນໃຫ້ເໝາະສົມ, ຕື່ນໃຫ້ເຊົ້າອີກໜ້ອຍໜຶ່ງ ກໍເຮັດໃຫ້ທ່ານຕື່ນເຊົ້າໄດ້ຢ່າງງ່າຍດາຍແລ້ວ.

ບໍ່ຢາກນອນຕື່ນສວາຍຈົນເປັນນິໄສຕ້ອງຫາວິທີກຳຈັດ - WhatsApp Image 2020 05 27 at 5 - ບໍ່ຢາກນອນຕື່ນສວາຍຈົນເປັນນິໄສຕ້ອງຫາວິທີກຳຈັດ
ບໍ່ຢາກນອນຕື່ນສວາຍຈົນເປັນນິໄສຕ້ອງຫາວິທີກຳຈັດ - WhatsApp Image 2020 05 27 at 5 - ບໍ່ຢາກນອນຕື່ນສວາຍຈົນເປັນນິໄສຕ້ອງຫາວິທີກຳຈັດ
error: Alert: ເນື້ອຫາຂ່າວມີລິຂະສິດ !!