ເສດຖະກິດອິນໂດເນເຊຍປີຜ່ານມາ ເຕີບໃຫຍ່ເກີນຄາດເລັກໜ້ອຍ

ເສດຖະກິດອິນໂດເນເຊຍປີຜ່ານມາ ເຕີບໃຫຍ່ເກີນຄາດເລັກໜ້ອຍ - news pZxDhNLYYA140401 533 - ເສດຖະກິດອິນໂດເນເຊຍປີຜ່ານມາ ເຕີບໃຫຍ່ເກີນຄາດເລັກໜ້ອຍ
ເສດຖະກິດອິນໂດເນເຊຍປີຜ່ານມາ ເຕີບໃຫຍ່ເກີນຄາດເລັກໜ້ອຍ - Untitled design - ເສດຖະກິດອິນໂດເນເຊຍປີຜ່ານມາ ເຕີບໃຫຍ່ເກີນຄາດເລັກໜ້ອຍ

      ລວມຍອດ​ຜະລິດ​ຕະພັນ​ພາຍ​ໃນຂອງ​ອິນ​ໂດ​ເນ​ເຊຍ​ໃນ​ປີ 2018 ຂະຫຍາຍຕົວ 5,17% ດີກ​ວ່າ​ທີ່​ມີ​ການ​ຕີ​ລາຄາ​ໄວ້​ກ່ອນ​ໜ້າ​ນີ້​ເລັກ​ໜ້ອຍ, ​ແຕ່​ຍັງ​ຕໍ່າ​ກວ່າ​ເປົ້າໝາຍ​ຂອງ​ລັດຖະບານ.

      ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສຳນັກງານ​ສະຖິຕິ​ແຫ່ງ​ຊາດ​ຂອງ​ອິນ​ໂດ​ເນ​ເຊຍ (BPS) ອອກ​ລາຍ​ງານ​ກ່ຽວ​ກັບ​ສະຖານະ​ການ​ທາງ​ເສດຖະກິດ​ຂອງ​ປະ​ເທດ ​ເຊິ່ງມີ​ຂະໜາດ​ໃຫຍ່​ທີ່​ສຸດ​ໃນ​ອາຊີ​ຕາ​ເວັນ​ອອກສຽງ​ໃຕ້​ວ່າ: ລວມຍອດ​ຜະລິດ​ຕະພັນ​ພາຍ​ໃນ (GDP) ​ໃນ​ປີຜ່ານມາ​ຂະຫຍາຍຕົວ 5,17% ດີ​ຂຶ້ນກວ່າ​ທີ່​ຫລາຍ​ຝ່າຍ​ຄາດ​ຄະ​ເນ​ໄວ້ກ່ອນ​ໜ້າ​ນີ້​ເລັກ​ໜ້ອຍ. ຂະນະ​ທີ່ GDP ສະ​ເພາະ​ໄຕ​ມາດ​ທີ 4 ​ເຊິ່ງ​ເປັນ​ໄຕ​ມາດ​ສຸດ​ທ້າຍ​ຂອງ​ປີຜ່ານມາ​ເຕີບ​ໃຫຍ່​ໃນ​ອັດຕາ 5,18% ​ເມື່ອ​ທຽບ​ໃສ່​ໄລຍະ​ເວລາ​ດຽວ​ກັນ​ຂອງ​ປີ 2017.

       ​ເຖິງ​ວ່າ​ສະຖິຕິ​ GDP ຂອງ​ປີຜ່ານມາ​ຖື​ວ່າ​ດີ​ທີ່ສຸດ​ນັບ​ແຕ່​ປີ 2012, ​ແຕ່​ຍັງ​ຕໍ່າ​ກວ່າ​ເປົ້າໝາຍ​ຂອງ​ລັດຖະບານ ​ເຊິ່ງກຳນົດ​ໄວ້ 5,4% ​ແລະ ​ເປົ້າໝາຍ​ສ່ວນ​ຕົວ​ຂອງ​ປະທານ​າທິບໍດີ ​ໂຈ​ໂຄ ວິ​ໂດ​ໂດ ​ເຊິ່ງສູງ​ເຖິງ 7%. ການ​ເປີດ​ເຜີຍ​ລາຍ​ງານ​ທາງ​ເສດຖະກິດ​ຂອງ BPS ​ໃນ​ຄັ້ງນີ້ ຖື​ເປັນຄັ້ງສຸດ​ທ້າຍ​ກ່ອນ​ການ​ເລືອກ​ຕັ້ງທົ່ວ​ໄປ​ໃນ​ວັນ​ທີ 17 ​ເມສາ​ນີ້ ​ເຊິ່ງສະຖານະ​ການ​ທາງ​ເສດຖະກິດ​ໃນ​ປະ​ເທດ​ຈະ​ເປັນ​ໜຶ່ງ​ໃນ​ເນື້ອ​ໃນ​ສຳຄັນ​ໃຫ້​ແກ່​ການ​ຕັດສິນ​ໃຈ​ຂອງ​ປະຊາຊົນ​ເຊັ່ນ​ກັນ, ​ເຖິງ​ວ່າ​ໄລຍະ 5 ປີຜ່ານມາ ລັດຖະບານ​ຂອງ​ທ່ານ ວິ​ໂດ​ໂດ ພັດທະນາ​ລະບົບ​ໂຄງ​ລ່າງ​ພື້ນຖານ​ທັງ​ໝົດ ​ແລະ ຮັກສາ​ອັດຕາ​ເງິນ​ເຟີ້​ໃຫ້​ຢູ່​ໃນ​ລະດັບ​ຕໍ່າ ທັງ​ທີ່​ເງິນຣູ​ເປຍ​ອ່ອນ​ຄ່າ​ທີ​່ສຸດ​ໃນ​ຮອບ 20 ປີ ສົ່ງ​ຜົນ​ກະທົບ​ຕໍ່​ຄ່າ​ໃຊ້​ຈ່າຍ​ພາກ​ຄົວ​ເຮືອນ ​ເຊິ່ງຄິດ​ເປັນ​ອັດຕາ​ສ່ວນ​ຂອງ GDP ອິນ​ໂດ​ເນ​ເຊຍ​ຫລາຍ​ກວ່າ​ເຄິ່ງໜຶ່ງ.

ເສດຖະກິດອິນໂດເນເຊຍປີຜ່ານມາ ເຕີບໃຫຍ່ເກີນຄາດເລັກໜ້ອຍ - Wave100S AD to Website 2020 0 - ເສດຖະກິດອິນໂດເນເຊຍປີຜ່ານມາ ເຕີບໃຫຍ່ເກີນຄາດເລັກໜ້ອຍ
ເສດຖະກິດອິນໂດເນເຊຍປີຜ່ານມາ ເຕີບໃຫຍ່ເກີນຄາດເລັກໜ້ອຍ - WhatsApp Image 2020 05 27 at 5 - ເສດຖະກິດອິນໂດເນເຊຍປີຜ່ານມາ ເຕີບໃຫຍ່ເກີນຄາດເລັກໜ້ອຍ
ເສດຖະກິດອິນໂດເນເຊຍປີຜ່ານມາ ເຕີບໃຫຍ່ເກີນຄາດເລັກໜ້ອຍ - WhatsApp Image 2020 05 27 at 5 - ເສດຖະກິດອິນໂດເນເຊຍປີຜ່ານມາ ເຕີບໃຫຍ່ເກີນຄາດເລັກໜ້ອຍ
error: Alert: ເນື້ອຫາຂ່າວມີລິຂະສິດ !!