ສາທາລະນະສຸກຟີລິບປິນປະກາດ ໄຂ້ຫວັດລະບາດໃນມະນິລາ
February 7, 2019 - 12:05 PM
ກະຊວງສາທາລະນະສຸກຟີລິບປິນ ຖະແຫລງຕົວເລກຜູ້ປ່ວຍພະຍາດຫັດເພີ່ມຂຶ້ນຢ່າງຕໍ່ເນື່ອງໃນນະຄອນຫລວງມະນິລາ ພ້ອມປະກາດວ່າ: ໄຂ້ຫວັດກຳລັງລະບາດໃນເຂດນະຄອນຫລວງ.
ທ່ານ ຟຣານຊິສໂກ ດູເກ ລັດຖະມົນຕີສາທາລະນະສຸກຟີລິບປິນ ປະກາດການລະບາດຂອງພະຍາດໄຂ້ຫວັດຢ່າງເປັນທາງການ ໂດຍລະບຸວ່າ: ນັບແຕ່ວັນທີ 1 ມັງກອນຈົນເຖິງວັນທີ 6 ກຸມພາ ໃນເຂດນະຄອນຫລວງມະນິລາມີຈຳນວນຜູ້ປ່ວຍເພີ່ມຂຶ້ນ 550% ເມື່ອທຽບໃສ່ໄລຍະດຽວກັນຂອງປີຜ່ານມາ. ລາຍງານລະບຸວ່າ: ຮອດວັນທີ 2 ກຸມພາຜ່ານມາ ມີຈຳນວນຜູ້ຕ້ອງສົງໄສຕິດເຊື້ອຢ່າງໜ້ອຍ 861 ຄົນ. ພະຍາດຫັດເປັນພະຍາດຕິດຕໍ່ເກີດຈາກເຊື້ອໄວຣັສ, ຮັບເຊື້ອໄດ້ຈາກການສຳຜັດນ້ຳມູກ, ນ້ຳລາຍຂອງຜູ້ຕິດເຊື້ອ.
