ອິນຟານຕີໂນ້ ເປັນປະທານຟີຟາອີກໜຶ່ງສະໄໝ

ອິນຟານຕີໂນ້ ເປັນປະທານຟີຟາອີກໜຶ່ງສະໄໝ - advert banner 728 90 728x90 - ອິນຟານຕີໂນ້ ເປັນປະທານຟີຟາອີກໜຶ່ງສະໄໝ

      ຈານ​ນີ້ ອິນ​ຟານ​ຕີ​ໂນ້ ປະທານ​ສະຫະພັນ​ບານ​ເຕະ​ນາໆ​ຊາດ ຫລື ຟີ​ຟາ ຊາວ​ສະວິດ-ອີ​ຕາ​ລີ ​ໄວ 48 ປີ ກຽມ​ດຳລົງ​ຕຳ​ແໜ່​ງ​ເປັນ​ປະທານ​ຟີ​ຟາ​ອີກ​ໜຶ່ງ​ສະ​ໄໝ ຫລັງ​ຈາກ​ບໍ່​ມີ​ຜູ້​ສະໝັກ​ຊີງ​ຕຳ​ແໜ່​ງ​ໃນ​ວາລະ​ປີ 2019-2020.

ອິນຟານຕີໂນ້ ເປັນປະທານຟີຟາອີກໜຶ່ງສະໄໝ - lattana 1 - ອິນຟານຕີໂນ້ ເປັນປະທານຟີຟາອີກໜຶ່ງສະໄໝ

      ການ​ຮັບ​ສະໝັກ​ເລືອກ​ຕັ້ງ​ເປັນ​ປະທານ​ສະຫະພັນ​ບານ​ເຕະ​ນາໆ​ຊາດ ຫລື ຟີ​ຟາ ​ໄດ້​ປິດ​ຮັບ​ສະໝັກ​ໃນ​ວັນ​ທີ 5 ກຸມພາ​ຜ່ານ​ມາ ​ໂດຍ​ບໍ່​ມີ​ສະມາຊິກ​ທ່ານ​ໃດ​ສະໝັກ​ຊີງ​ຕຳ​ແໜ່​ງກັບ ຈານ​ນີ້ ອິນ​ຟານ​ຕີ​ໂນ້ ນັ້ນໝາຍ​ຄວາມ​ວ່າ: ອິນ​ຟານ​ຕີ​ໂນ້ ຈະ​ດຳລົງ​ຕຳ​ແໜ່​ງ​ເປັນ​ປະທານ​ຟີ​ຟາ​ອີກ​ໜຶ່ງ​ສະ​ໄໝ ​ໂດຍ​ຈະ​ປະກາດ​ທາງ​ການ​ໃນ​ກອງ​ປະຊຸມ​ໃຫຍ່​ຂອງ​ຟີ​ຟາ ວັນ​ທີ 5 ມິຖຸນາ​ນີ້ ທີ່​ນະຄອນຫລວງ​ປາຣີ ປະ​ເທດ​ຝຣັ່ງ ກ່ອນ​ການ​ແຂ່ງຂັນ​ເຕະບານ​ຍິງ​ຊີງ​ແຊ້ມ​ໂລກ 2019 ທີ່​ຝຣັ່ງ​ເປັນ​ເຈົ້າພາບ ​ໃນ​ລະຫວ່າງ​ວັນ​ທີ 7 ມິຖຸນາ ຫາ​ວັນ​ທີ 7 ກໍລະກົດ 2019.

      ສຳລັບ​ ຈານ​ນີ້ ອິນ​ຟານ​ຕີ​ໂນ້ ຊະນະ​ການ​ເລືອກ​ຕັ້ງ​ເປັນ​ປະທານ​ຟີ​ຟາ ​ໃນ​ປີ 2016 ​ເປັນ​ປະທານ​ຟີ​ຟາ​ຄົນທີ 9 ​ໂດຍ​ເຂົ້າມາ​ແທນ ​ເຊັບ ​ແບັດ​ເຕີ ອະດີດ​ປະທານ​ຟີ​ຟາ​ຊາວ​ສະ​ວິດ. ອິນ​ຟານ​ຕີ​ໂນ້ ສາມາດ​ເວົ້າ​ໄດ້ 6 ພາສາ​ເຊັ່ນ: ອີ​ຕາ​ລີ, ອັງກິດ, ຝຣັ່ງ, ​ເຢຍລະ​ມັນ, ສະ​ເປ​ນ ​ແລະ ອາຣາບິ​ກ. ກ່ອນ​ກ້າວ​ມາ​ເປັນ​ປະທານ​ຟີ​ຟາ ອິນ​ຟານ​ຕີ​ໂນ້ ​ເປັນ​ເລຂາທິການ​ສະຫະພັນ​ບານ​ເຕະ​ເອີຣົບ ຫລື ຢູຟາ ມາ​ກ່ອນ ​ແລະ ຮຽນ​ຈົບ​ດ້ານ​ກົດໝາຍ.

      ​ເປົ້າໝາຍ​ຂອງ ອິນ​ຟານ​ຕີ​ໂນ້ ​ໃນ​ການ​ມາ​ຮັບ​ຕຳ​ແໜ່​ງ ຄື​ການ​ກວາດ​ລ້າງ​ການ​ຄໍຣັບຊັບ​ພາຍ​ໃນຟີ​ຟາ ​ແລະ ສະໜັບສະໜູນ​ໂຄງການ​ຕ່າງໆ ​ເພື່ອ​ຜົນ​ປະ​ໂຫຍ​ດຂອງ​ສັງຄົມ ​ແລະ ຊາດ​ສະມາຊິກ ພ້ອມ​ກັບ​ຊຸກ​ດັນ​ການ​ເພີ່ມ​ທີ​ມ​ໃນ​ບານ​ໂລກ​ຮອບ​ສຸດ​ທ້າຍ​ຈາກ 32 ທີ​ມ​ເປັນ 48 ທີ​ມ​ໃນ​ບານ​ໂລກ 2026 ​ແລະ ຈະ​ພິຈາລະນາ​ເພີ່ມ​ທີ​ມ​ໃນ​ບານ​ໂລກ 2022 ທີ່​ກາ​ຕ້າ.

ອິນຟານຕີໂນ້ ເປັນປະທານຟີຟາອີກໜຶ່ງສະໄໝ - 1 1 - ອິນຟານຕີໂນ້ ເປັນປະທານຟີຟາອີກໜຶ່ງສະໄໝ
ອິນຟານຕີໂນ້ ເປັນປະທານຟີຟາອີກໜຶ່ງສະໄໝ - Tiger Head 728x90 - ອິນຟານຕີໂນ້ ເປັນປະທານຟີຟາອີກໜຶ່ງສະໄໝ
error: Content is protected !!