ເບິ່ງຄືວ່າ ການປະຕິບັດຄຳສັ່ງຕ່າງໆ ບໍ່ຄ່ອຍເຂັ້ມງວດປານໃດ

ເບິ່ງຄືວ່າ ການປະຕິບັດຄຳສັ່ງຕ່າງໆ ບໍ່ຄ່ອຍເຂັ້ມງວດປານໃດ - AGL - ເບິ່ງຄືວ່າ ການປະຕິບັດຄຳສັ່ງຕ່າງໆ ບໍ່ຄ່ອຍເຂັ້ມງວດປານໃດ

ໂດຍ: ທ່ຽງທຳ

ສະບາຍດີ, ເພື່ອນຜູ້ ອ່ານ ທີ່ຮັກແພງທັງຫລາຍ, ຫລາຍຄົນ ກໍອາດຈະເປັນ ເອກະພາບນຳທ່ຽງທຳ, ກ່ຽວກັບການ ປະຕິບັດຄຳສັ່ງແນະນຳ ແລະ ແຈ້ງການຕ່າງໆ, ຖ້າເວົ້າໄປ ໃຫຍ່ກວ່ານັ້ນກໍແມ່ນລະບຽບກົດໝາຍຕ່າງໆ ຢູ່ບ້ານເຮົາ ເມືອງເຮົາ.

ເບິ່ງຄືວ່າຈະບໍ່ເຂັ້ມງວດປານໃດນີ້ກໍເນື່ອງຈາກວ່າ ພວກເຮົາຍັງບໍ່ມາດຕະການເຂັ້ມງວດຕໍ່ຜູ້ລ່ວງລະເມີດນັ້ນ, ສິ່ງປະຈັກຕາທີ່ສຸດກໍແມ່ນແຈ້ງການຂອງກຳລັງປ້ອງ ກັນ ຄວາມສະຫງົບຂອງນະຄອນຫລວງວຽງຈັນວ່າ ດ້ວຍການຮັກສາຄວາມເປັນລະບຽບຮຽບຮ້ອຍ ແລະ ຄວາມສະຫງົບປອດໄພ ໃນໄລຍະສະຫລອງປີໃໝ່ປະຈຳຊາດຫວຽດ ແລະ ສປ ຈີນ.

ທີ່ຫາກໍຜ່ານພົ້ນໄປໝາດໆ ບໍ່ທໍ່ໃດມື້ຜ່ານມານີ້, ເຊິ່ງແຈ້ງການດັ່ງກ່າວ ໄດ້ລະ ບຸໄວ້ຢ່າງຈະແຈ້ງແລ້ວວ່າ: ຫ້າມນຳ ເຂົ້າ, ຈຳໜ່າຍ ແລະ ຈູດກະໂພກ, ບັ້ງພຸໄຟໃນໂອ ກາດການສະເຫລີມສະຫລອງບຸນປີໃໝ່ດັ່ງກ່າວ, ແຕ່ໃນຕົວຈິງແລ້ວການປະຕິບັດຂໍ້ ຫ້າມນີ້ແມ່ນເປັນລຸນ, ເພາະໃນຄ່ຳຄືນຕ້ອນຮັບປີນັ້ນຄືຄື້ນ ວັນທີ 4 ກຸມພາຜ່ານມາ, ສຽງແຕກຂອງລູກກະໂພກ ແລະ ບັ້ງໄຟພຸຍິ່ງຮ້າຍແຮງກວ່າ, ແຕ່ໃນຕົວຈິງແລ້ວກໍບໍ່ເຫັນມີກຳລັງເຈົ້າໜ້າທີ່ໃດລົງກວດກາ ຫລື ມີມາດຕະການ ໃດໆຕໍ່ຜູ້ລະເມີດ.

ຈາກຈຸດນີ້ເຮົາຍິ່ງເຫັນແຈ້ງວ່າ ຄວາມບໍ່ເຂັ້ມງວດ ຕໍ່ການປະຕິບັດລະບຽບກົດໝາຍນັ້ນ ຍັງມີໃຫ້ເຫັນ ແລະ ເມື່ອເປັນກໍຈະເປັນການຍາກ ເພື່ອຫັນການຄຸ້ມຄອງລັດໄປສູ່ລະບຽບກົດໝາຍນັ້ນ ຕົວຢ່າງຫ້າມນຳເຂົ້າລູກກະໂພກ, ບັ້ງໄຟ ຫລື ທາດກໍໃຫ້ ເກີດມີສຽງແຕກ.

ແຕ່ຕົວຈິງກໍຍັງມີຜູ້ລັກລອບເຂົ້າມາເພື່ອຫາຜົນປະໂຫຍດ, ຫ້າມຈູດກະໂພກ, ແຕ່ກໍຍັງມີສຽງແຕກຈົນສະໜັ່ນເມືອງ ແລະ ໃນທີ່ສຸດກໍ ບໍ່ມີໃຜຟັງໃຜ,  ຄຳສັ່ງກໍມີໄວຜູ້ເຮັດເຮັດໄປ…   ເອົາລະ ຫວັງວ່າຂະແໜງມະຫາພາກເຮົາຄວນຈະໄດ້ອອກແຮງຕື່ມໃນການເປັນເຈົ້າການປະຕິບົດລະບຽບກົດໝາຍບ້ານເມືອງ./.

ເບິ່ງຄືວ່າ ການປະຕິບັດຄຳສັ່ງຕ່າງໆ ບໍ່ຄ່ອຍເຂັ້ມງວດປານໃດ - lattana banner 1 - ເບິ່ງຄືວ່າ ການປະຕິບັດຄຳສັ່ງຕ່າງໆ ບໍ່ຄ່ອຍເຂັ້ມງວດປານໃດ
ເບິ່ງຄືວ່າ ການປະຕິບັດຄຳສັ່ງຕ່າງໆ ບໍ່ຄ່ອຍເຂັ້ມງວດປານໃດ -    AD conten website - ເບິ່ງຄືວ່າ ການປະຕິບັດຄຳສັ່ງຕ່າງໆ ບໍ່ຄ່ອຍເຂັ້ມງວດປານໃດ
ເບິ່ງຄືວ່າ ການປະຕິບັດຄຳສັ່ງຕ່າງໆ ບໍ່ຄ່ອຍເຂັ້ມງວດປານໃດ - lattana banner - ເບິ່ງຄືວ່າ ການປະຕິບັດຄຳສັ່ງຕ່າງໆ ບໍ່ຄ່ອຍເຂັ້ມງວດປານໃດ
error: Alert: ເນື້ອຫາຂ່າວມີລິຂະສິດ !!