ສັບພະຄຸນໜ້າຮູ້ຂອງແກ່ນໝາກຂາມ

ສັບພະຄຸນໜ້າຮູ້ຂອງແກ່ນໝາກຂາມ - advert banner 728 90 728x90 - ສັບພະຄຸນໜ້າຮູ້ຂອງແກ່ນໝາກຂາມ

     – ເສີມພູມຕ້ານທານຕ້ານເຊື້ອພະຍາດ : ໃນວຽກງານວິໄຈຂອງຕ່າງປະເທດຫລາຍເທື່ອທ່ີໄດ້ວິໄຈກ່ຽວກັບແກ່ນໝາກຂາມພົບວ່າ : ໃນແກ່ນໝາກຂາມມີໄຂມັນ ແລະ ໂພລີແຊກຄາໄລ ເຊິ່ງມີລິດເສີມພູມຕ້ານທານໃນຮ່າງກາຍ ໂດຍມັນຈະໄປກະຕຸ້ນໃຫ້ພູມຕ້ານທານໃນຮ່າງກາຍສູງຂຶ້ນ ເພື່ອຕໍ່ສູ້ກັບເຊື້ອພະຍາດ ແລະ ສິ່ງແປກປອມຕ່າງໆທີ່ເຂົ້າສູ່ຮ່າງກາຍ ໂດຍສະເພາະເຊື້ອໄວຣັສ.

ສັບພະຄຸນໜ້າຮູ້ຂອງແກ່ນໝາກຂາມ - new3 - ສັບພະຄຸນໜ້າຮູ້ຂອງແກ່ນໝາກຂາມ

     – ປ້ອງກັນພະຍາດເບົາຫວານ:  ສານໂພລີແຊກຄາໄຣໃນແກ່ນໝາກຂາມຍັງເປັນນຳ້ຕານໂມເລກຸນດ່ຽວ ບໍ່ກໍ່ໃຫ້ເກີດພະຍາດເບົາຫວານຄືກັບນຳ້ຕານໂມເລກຸນຄູ່ດັ່ງກລູໂກສ ໂດຍຈາກການທົດລອງພົບວ່າແກ່ນໝາກຂາມສາມາດປິ່ນປົວພະຍາດເບົາຫວານຂອງໜູທົດລອງໄດ້, ສ່ວນເປືອກຂອງແກ່ນໝາກຂາມທີ່ມີສີນຳ້ຕານມີສານແທນນິນທີ່ບໍ່ລະລາຍນຳ້ເປັນສ່ວນປະກອບເຖິງ 35% ສາມາດເອົາມາພັດທະນາເປັນຢາປິ່ນປົວພະຍາດໄດ້.

     – ມີສານຕ້ານອະນຸມູນອິດສະລະ : ມີການສຶກສາພົບວ່າມີສານຕ້ານອະນຸມູນອິດສະລະ ແລະ ສານປະກອບຟີນອນລິກຢູ່ໃນປະລິມານສູງ ເຊິ່ງເປັນອົງປະກອບທີ່ດີຕໍ່ສຸຂະພາບ ເພາະສານຕ້ານອະນຸມູນອິດສະລະຫລຸດຄວາມສ່ຽງຕໍ່ພະຍາດ ເຊັ່ນ : ມະເຮັງ, ເບົາຫວານ ເປັນຕົ້ນ ລວມທັງຊ່ວຍຂັດຂວາງຂະບວນການບາງຂັ້ນຕອນທ່ີເຮັດໃຫ້ເຖົ້າໄວ ເຊິ່ງປົກກະຕິຮ່າງກາຍສາມາດກຳຈັດອະນຸມູນ ອິດສະລະໄດ້ເອງ ແຕ່ຫາກຮ່າງກາຍໄດ້ຮັບສານອະນຸມູນອິດສະລະຫລາຍເກີນໄປ ຈະກຳຈັດບໍ່ທັນກໍອາດສ້າງຄວາມເສຍຫາຍໃຫ້ແຊນ ແລະ ເນື້ອເຍື່ອໄດ້.

     – ມີລິດຕ້ານອອກຊິເດຊັ່ນ :  ມີການສຶກສາພົບວ່າສານສະກັດເປືອກຫຸ້ມແກ່ນໝາກຂາມມີລິດຕ້ານອອກຊິເດຊັ່ນທີ່ດີກ່ວາວິຕາ ມິນເອີ 3,14 ເທົ່າ, ຂັດຂວາງອະນຸມູນອິດສະລະໄດ້ 50% ເທົ່າກັບ53,42 ໄມໂຄຣກຣາມຕໍ່ມິນລີລິດ ສະແດງໃຫ້ເຫັນວ່າສານຕ້ານອະນຸມູນອິດສະລະໃນເປືືອກຫຸ້ມແກ່ນໝາກຂາມມີປະລິມານສູງຫລາຍ ໃກ້ຄຽງກັບສານສະກັດຈາກແກ່ນໝາກລະແຊັງ.

ສັບພະຄຸນໜ້າຮູ້ຂອງແກ່ນໝາກຂາມ - lattana 1 - ສັບພະຄຸນໜ້າຮູ້ຂອງແກ່ນໝາກຂາມ

     – ບໍ່ເປັນພິດຕໍ່ຮ່າງກາຍ : ໃນວຽກງານວິໄຈຂອງຕ່າງປະເທດ ເຄີຍທົດລອງເພື່ອຊອກວ່າແກ່ນໝາກຂາມມີພິດຕໍ່ຮ່າງກາຍຫລືບໍ່ ເຊິ່ງໄດ້ທົດລອງທັງພິດແບບກະທັນຫັນ ແລະ ພິດໃນໄລຍະຍາວ 3 – 4 ເດືອນ ແຕ່ກໍບໍ່ພົບວ່າແກ່ນໝາກຂາມເຮັດໃຫ້ເກີດພິດໃນຮ່າງກາຍ ດັ່ງນັ້ນ ຈຶ່ງສາມາດກິນແກ່ນໝາກຂາມໄດ້ຄືກັບຢາຊະນິດໜຶ່ງ.

error: Content is protected !!