ຕົກນາຮົກ ຍ້ອນເລື່ອງລາມົກ

ໂດຍ: ວິເສດ ສະແຫວງສຶກສາ

ຄໍລຳເບິ່ງກວ້າງເຫັນໄກປະຈຳວັນນີ້ ເຊີນບັນດາທ່ານ ຍິງສາຍຕາໄປໄກໆ ເຖິງອັງກິດ, ຍີ່ປຸ່ນ ແລະ ສ.ເກົາຫລີ ເພື່ອເບິ່ງວ່າປະເທດເຫລົ່ານີ້ ມີມາດຕະການແນວໃດກັບ ພວກຕັນຫາໜ້າມືດເຮັດແນວລາມົກຈົກຫໍ່ບໍ່ຄຳນຶງເຖິງ  ກຽດສັກສີ, ຈັນຍາບັນຂອງ ຕົນເອງ ແລະ ຄວາມເສຍຫາຍທີ່ກະທົບຕໍ່ສັງຄົມຕົວຢ່າງ ຢູ່ອັງກິດ ເມື່ອທ້າຍປີ 2017, ນາຍົກ ເທເຣຊາ ເມ ໄດ້ລຸກຂຶ້ນມາ ຮຽກຮ້ອງໃຫ້ມີການກຳນົດກົດລະບຽບທີ່ເຂັ້ມຂຸ້ນ ແລະ ເດັດຂາດສຳ ລັບຄວບຄຸມການປະພຶດ ຂອງ ບັນດາສະມາຊິກລັດຖະສະພາຜູ້ຊົງກຽດທັງຫລາຍ ບໍ່ໃຫ້ແຕກປອກອອກທາງເລື່ອງເພດ.

  ທ່ານນາຍົກລັດຖະມົນຕີ ສົ່ງຈົດໝາຍທາງການເຖິງ ທ່ານປະທານສະພາຜູ້ແທນ ລາສະດອນ ໃຫ້ເອົາຈິງເອົາ ຈັງກ່ຽວກັບເລື່ອງນີ້ເພາະ ເຫັນກົດລະບຽບຄວບຄຸມການປະພຶດທີ່ໃຊ້ຢູ່ໃນປັດຈຸ  ບັນຍັງບໍ່ແຫລມຄົມພໍ. ເຫດການທີ່ຮ້ອນຮອດທ່ານນາ ຍົກນີ້ເກີດຂຶ້ນໃນປີ 2010 ພຸ້ນ ແຕ່ຫາກໍຖືກເປີດເຜີຍ ຫວ່າງບໍ່ເຫິງມານີ້ເອງ, ມັນກ່ຽວກັບສະມາຊິກລັດຖະ ສະພາຄົນໜຶ່ງຊຶ່ທ່ານ ມາກ ກາກເຢ (Mark Garnier) ສັງກັດພັກອະນຸລັກນິຍົມເຫດການນີ້ເກີດຂຶ້ນເວລາມາກ ກາກເຢ ດຳລົງຕຳແໜ່ງເປັນ ລັດຖະມົນຕີ.

ທ່ານໄດ້ເອົາເງິນໃຫ້ ແລະ ໃຊ້ນາງ ແຄໂຣລິນ   ເອດ ມອນເຊິນ (Caroline Eamonson) ເລຂາສ່ວນ ຕົວຊື້ອຸປະກອນຊ່ວຍບຳບັດ ຄວາມໄຄ່ທາງເພດ (ອະໄວ ຍະວະເພດປອມຂອງແມ່ ຍິງ) ສອງເຄື່ອງມາໃຫ້ຕົນ, ເຊິ່ງເປັນເລື່ອງຝືນໃຈສາວ ເລຂາແຕ່ຕ້ອງປະຕິບັດຕາມ.

ທ່ານ ມາກ ກາກເຢ ຍອມຮັບຄຳກ່າວຫາວ່າເຮັດແນວບໍ່ສົມມາພາຄວນດັ່ງ ກ່າວ. ນາງເລຂາ ແຄໂຣລິນ ເອັດມອນເຊິນ ໄດ້ອອກມາ ເຜີຍເລື່ອງນີ້ໃຫ້ສັງຄົມຊາບ ພາຍຫລັງ ນາງໄດ້ຍ້າຍໄປ ເປັນເລຂາຜູ້ແທນທ່ານອື່ນ.

 ໃນໄລຍະດຽວກັນນີ້, ທ່ານ ສະເຕັບເຟັນ ແກຼບ (Stephen Crabb) ອະ ດີດລັດຖະມົນຕີຈາກພັກອະນຸລັກນິຍົມກໍໄດ້ອອກມາ ຂໍ ໂທດຕໍ່ສັງຄົມ, ພາຍຫລັງ ໜັງສືພິມສະບັບໜຶ່ງໄດ້ເຜີຍ ແຜ່ຈົດໝາຍທີ່ມີເນື້ອໃນລາມົກ, ເຊິ່ງທ່ານອະດີດລັດ ຖະມົນຕີໄດ້ສັ່ງຫາສາວນ້ອຍໄວເອາະໆທີ່ເຂົ້າມາສະໝັກ ງານຄົນໜຶ່ງຢູ່ຍີ່ປຸ່ນ (ຕາມ ໜັງສືພິມວຽງຈັນທາມ ສະບັບວັນທີ 27 ກຸມພາ 2018) ກໍມີລາຍງານເລື່ອງຄະດີຊື້- ຂາຍ ວີດີໂອລາມົກກ່ຽວກັບ ເດັກໃນປີ 2017 ນັ້ນລວມມີ 2.413 ເລື່ອງສົມທຽບໃສ່    ປີ 2016 ເພີ່ມຂຶ້ນ 316 ເລື່ອງ. ສ່ວນການມີ ວີດີໂອ ເລື່ອງເພດຂອງເດັກໄວ້ໃນ ຄອບຄອງຂອງບຸກຄົນນັ້ນກໍ ໄດ້ເພີ່ມຂຶ້ນເກືອບ 3 ເທົ່າຕົວ.

ພາຍຫລັງມີການສືບ ສວນ ແລະ ກວດສອບລະອຽດ ເຈົ້າໜ້າທີ່ໄດ້ພົບວ່າ ຈຳນວນລູກຄ້າທີ່ຊື້ວີດີໂອລາ ມົກກ່ຽວກັບເດັກນັ້ນມີປະ  ມານ 7.000 ຄົນ ເພາະມີລາຍ ຊື່ທີ່ຢູ່ທາງອີເມວ ແລະ ປະເພດວີດີໂອທີ່ຊື້ຢ່າງລະອຽດ.

ແຕ່ບັນຫາທີ່ເຮັດ ໃຫ້ທາງ ການຍີ່ປຸ່ນມີຄວາມກັງວົນໃຈແຮງນັ້ນພົວພັນກັບຜູ້ຊື້ວີ ດີໂອລາມົກ, ເຊິ່ງມີທັງຜູ້ທີ່ ເຮັດວຽກຕິດພັນກັບເດັກ ນ້ອຍເຊັ່ນ: ບັນຫາຄູໂຮງຮຽນ ປະຖົມ, ຄະນະບໍລິຫານໂຮງ ຮຽນລະດັບກະກຽມ ແລະ ພະນັກງານລັດຂັ້ນສູງເຊັ່ນ: ຄະນະປົກຄອງເມືອງ, ເທສະບານ ກໍຄືເຈົ້າໜ້າທີ່ຕຳຫລວດນັ້ນເອງ.

ຢູ່ຍີ່ປຸ່ນການຊື້-ຂາຍວີດີ ໂອເລື່ອງເພດທີ່ຕ້ອງຫ້າມນັ້ນ ເຮັດຜ່ານທາງໄປສະນີ ເພື່ອ ຫລີກລ້ຽງມືກົດໝາຍ. ດັ່ງນັ້ນຜູ້ຊື້ຕ້ອງໄດ້ບອກຊື່ ແລະ ທີ່ຢູ່ຢ່າງຈະແຈ້ງ ເພື່ອຮັບວີດີ ໂອທາງໄປສະນີ.

ຢູ່ ສ.ເກົາຫລີ ກໍມີຂ່າວ ການປາບປາມຜູ້ລັກລອບ ຖ່າຍຮູບໂປ້ເປືອຍຂອງແມ່ຍິງຕາມຫ້ອງນ້ຳ ແລະ ບ່ອນ ປ່ຽນເຄື່ອງ ເພື່ອເອົາໄປຈຳ ໜ່າຍຊື້-ຂາຍ ເຊິ່ງໄດ້ສ້າງ ຄວາມເດືອນຮ້ອນອາທອນ ໃຈໃນສັງຄົມ, ດັ່ງມີຂ່າວວ່າ ໄລຍະຫລັງມານີ້ ແມ່ຍິງ ສ.ເກົາ ຫລີ ຫລາຍສິບພັນ ຄົນໄດ້ລວມກຳລັງກັນປະ ທ້ວງອາຊະຍາກຳລັກລອບ ຖ່າຍທຳຮູບໂປ້ແມ່ຍິງ.

ປາກົດການຫຍໍ້ທໍ້ ດັ່ງກ່າວນີ້, ພາສາເກົາຫລີເອີ້ນ ວ່າ: ໂມນກາ (Molka). ຊ່ອງເວັບໄຊໂຊຣາເນັດ (Soranet) ທີ່ໃຫ້ບໍລິການພາບວິດີໂອລາມົກໃຫຍ່ທີ່ສຸດ ໃນເກົາຫລີນັ້ນລະເປັນ ຕົວການຢູ່ເບື້ອງຫລັງການ ລັກລອບຖ່າຍທຳວິດີໂອພາບລາມົກນີ້.

ໂຊຣາເນັດ ໄດ້ອັດລົງ ໃນປີ 2016 ຜູ້ຮ່ວມກໍ່ຕັ້ງຊ່ອງເວັບໄຊ ດັ່ງກ່າວຊື່ນາງຊອງ (Song) ຖືກຈັບກຸມ ເມື່ອເຂົາເດີນທາງໄປ ສ. ເກົາຫລີ ແລະ ຖືກຕັດອິດສະລະພາບເປັນເວລາ 4 ປີ,  ພ້ອມເສຍຄ່າປັບໃໝ 1,4 ຕື້ວອນ (1ລ້ານປາຍໂດລາສະຫະລັດ).