ອາເມລິກາກຳນົດຖອນທະຫານ ອອກຈາກຊີຣີໝົດພາຍໃນເດືອນເມສາ

ອາເມລິກາກຳນົດຖອນທະຫານ ອອກຈາກຊີຣີໝົດພາຍໃນເດືອນເມສາ - advert banner 728 90 728x90 - ອາເມລິກາກຳນົດຖອນທະຫານ ອອກຈາກຊີຣີໝົດພາຍໃນເດືອນເມສາ

     ໜັງສືພິມວໍ​ຊິງ​ຕັນ​ໂພສຂອງ​ອາ​ເມ​ລິ​ກາ ລາຍ​ງານ​ວ່າ: ກອງທັບ​ອາ​ເມ​ລິ​ກາ​ກຳນົດ​ຖອນ​ທະຫານ​ທັງ​ໝົດ​ອອກ​ຈາກ​ຊີຣີພາຍ​ໃນ​​ເດືອນ​ເມສາ​ນີ້.

ອາເມລິກາກຳນົດຖອນທະຫານ ອອກຈາກຊີຣີໝົດພາຍໃນເດືອນເມສາ - lattana 1 - ອາເມລິກາກຳນົດຖອນທະຫານ ອອກຈາກຊີຣີໝົດພາຍໃນເດືອນເມສາ

      ວໍ​ຊິງ​ຕັນ​ໂພ​ສອ້າງ​ເຈົ້າໜ້າ​ທີ່​ທັງ​ອະດີດ ​ແລະ ປັດຈຸບັນ​ວ່າ: ຖ້າ​ລັດຖະບານ​ບໍ່​ປ່ຽນ​ໃຈ ກອງທັບ​ກຳນົດ​ຈະ​ຖອນ​ທະຫານ 2.000 ຄົນ​ອອກ​ຈາກ​ຊີຣີພາຍ​ໃນ​ກາງ​ເດືອນ​ມີນາ, ຈາກ​ນັ້ນຈະ​ຖອນ​ທີ່​ເຫລືອ​ທັງ​ໝົດ​ພາຍ​ໃນ​ເດືອນ​ເມສາ, ​ແຕ່​ເມື່ອ​ສອບ​ຖາມ​ໂຄສົກ​ກອງທັບ​ເຮືອ​ພັດ​ຖືກ​ປະຕິ​ເສດ​ວ່າ​ບໍ່​ຂໍ​ເວົ້າ​ເລື່ອງ​ກຳນົດ​ເວລາ.

      ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ສ້າງ​ຄວາມ​ປະຫລາດ​ໃຈ ​ໂດຍ​ການ​ປະກາດ​ໃນ​ເດືອນ​ທັນວາ​ວ່າ: ຈະ​ຖອນ​ທະຫານ​ອາ​ເມ​ລິ​ກາ​ອອກ​ຈາກ​ຊີຣີ ​ເພາະ​ກຸ່ມ IS ​ໃນ​ຊີຣີຖືກປາບ​ປາມ​​ແລ້ວ, ​ແຕ່​ເມື່ອ​ມີ​ສຽງ​ຄັດຄ້ານ​ໃນ​ລັດຖະສະພາ ທ່ານ​ໄດ້​ປ່ຽນ​ທ່າ​ທີ​ໃນ​ກອງ​ປະຊຸມ 79 ປະ​ເທດ​ທີ່​ເປັນ​ຫຸ້ນ​ສ່ວນ​ອາ​ເມ​ລິ​ກາ​ປາບ​ປາມ IS ​ເມື່ອ​ມໍ່ໆ​ນີ້​ວ່າ: ໝັ້ນ​ໃຈ​ວ່າ​ຈະ​ສາມາດ​ປະກາດ​ໄດ້​ໃນ​ມໍ່ໆ​ນີ້​ວ່າການ​ປົກຄອງ​ແບບ​ກາ​ຫລິບ​ຂອງ IS ຖືກປາບປາມລົງແລ້ວ ແລະ ບໍ່ໄດ້ກຳນົດຂອບເວລາການຖອນທະຫານຢ່າງຈະແຈ້ງ.

       ເອີຣົບຫລາຍປະເທດກັງວົນວ່າ: ຈະເກີດສະພາບສູນຍາກາດທັນທີທີ່ອາເມລິກາຖອນກຳລັງອອກໄປ, ປັດຈຸບັນກຸ່ມໃນຊີຣີທີ່ໄດ້ຮັບການສະໜັບສະໜູນຈາກອາເມລິກາ ສ່ວນຫລາຍເປັນນັກຮົບຊາວເຄີດ ແລະ ຊາວອາຣັບກຳລັງຊຸກດັນກຸ່ມ IS ຖອຍໄປຖານທີ່ໝັ້ນສຸດທ້າຍທາງຕາເວັນອອກໄກຂອງຊີຣີ. ກອງກຳລັງເຄີດຢ້ານວ່າ: ຖ້າບໍ່ມີອາເມລິກາເປັນແນວຮັບ, ຕວກກີຈະຍົກກຳລັງຂ້າມຊາຍແດນເຂົ້າມາໂຈມຕີພວກເຂົາທີ່ຮຽກຮ້ອງແຍກດິນແດນ ຊາວເຄີດໃນຕວກກີ. ສ່ວນລັດຖະມົນຕີຕ່າງປະເທດຕວກກີທີ່ເຂົ້າຮ່ວມກອງປະຊຸມ 79 ປະເທດ ເປີດເຜີຍວ່າ: ອາເມລິກາຍັງບໍ່ມີຄວາມແນ່ນອນເລື່ອງລາຍລະອຽດແຜນການຖອນທະຫານອອກຈາກຊີຣີ ແລະ ການຕັ້ງເຂດປອດໄພທາງຕາເວັນອອກສຽງເໜືອຂອງຊີຣີທີ່ຕິດກັບຕວກກີ.

ອາເມລິກາກຳນົດຖອນທະຫານ ອອກຈາກຊີຣີໝົດພາຍໃນເດືອນເມສາ - 1 1 - ອາເມລິກາກຳນົດຖອນທະຫານ ອອກຈາກຊີຣີໝົດພາຍໃນເດືອນເມສາ